خففو عني وحلو قضيتي اختي طلعت مع شاب..تخص صاحبه لي

السلام عليكم ورحمة الله

مسااا الخيرااااات


بنات السالفه اللي راح تقرأونها تخص زميله لي تعرفت عليها في احدئ المعاهد استحلفتني اني اوصل لكم سالفتها لن ناسيه عضويتها القديمه وحاولت تسجل من جديد ما عرفت فيه مشكله بالاسم كل الاسماء تطلع خطا فا اتصلت علي وقالت لي مشكلتها مشكلتها كبيره والله ما عرفت كيف اقولها لكم قلت لها تكتبها لكم وترسلها ع الايميل .....



هذا نصها:

بنات حواء كلي امل تخففون علي مصابي وتهدوني للحل الصحيح ورب النعمه اني لي تقريبا اسبوع اتجرع مرارة الالم والعذاب انا في هم الله اعلم به

اكتشفت قبل سنه اختي تغازل هاوشتها وخبرت امي عليها وتفاهمت معها ....
المصيبه انها ما تابت هاليومين طاح جوالها بيدي بالصدفه وقرأت رسائل مرسله منها لخويها يشيب الشعر ويوطي الراس رسائلها له كلها وكأنها بين زوجين وتدل علئ انها طلعت معه وحصل بينهم شي كلامها يخوف يجلط يفشل يسود الوجه هي خانت اهلي طلعت معه من الكليه
رحت واجهتها انهارت وقامت تحلف انها طلعه وحده وكانت بالسياره وصار بينهم شي استغفر الله بس مو علاقه ....كامله
وهي مره وحده وتحسفت عليها

لكن بنات كلامها كبير اللي بالرسائل يدل علئ انها اكثر من طلعه وان صار شي بينهم مستحيل اصدقها واكذب رسايلها

انا كسرت شريحتها واخذت الجوال اللي فيه رسائلها خشيته عندي
المصيبه احنا عائله محافظه جداااا ونظيفين جدا مرفوعين الراس من انخلقنا محد من بناتنا سواها
تجي هالرخيصه تسويها ابوي لو يدري ممكن يموت وامي تحبها وتثق فيها لو بقول لأمي والله ان يصير فيها شي ومسستحيل تسكت بتعلم ابوي واخواني وعارفه ان البنت مصيرها الموت اخواني حارين حيل ما يرضون نطلع نزور الاهل كيف ؟؟؟؟

بيتنا كله راح ينهدم ويضيعون اخواني واخواتي الباقيين
ورب النعمه لو يدرون بيقتلونها وامي وابوي بيصير فيهم شي واخواني عاد ما يحتاج اقول

شسوي الحين معها لو بعلم عليها بهدم بيتنا كله اشوف ابوي يضحك ويلعب ويرقص مع اخواني اتقطع الف قطعه عليه راسه توطئ بالارض وشرفه وعرضه انلعب به وهو ما يدري يارب تموت هالحقيره

مصيبه كبيييره علينا مستحيل اهلي يستوعبونها

الخسيس اللي معها يعرفنا ويعرف اهلي فشلتنا وسودت وجيهنا احنا مستحيل نلبس عباه ع الكتف او شيله ومعروفين بالستر والعقل والحيا كذا ارخصتناااا

استر عليها ؟ وكيف اتصرف معها اخاف ترجع له
او اعلم عليها واللي يصير يصير

انا اخذت شريحتها وكسرتها وجوالها اللي فيه الرسائل عندي
وبتاخذ لها رقم جديد وبخليه مشترك بينها وبين وحده من خواتي في جوال ثاني عشان تراقبها وما تاخذ راحتها باقي لها سمستر واحد وصيفي يعني استر عليها لين تخلص وتنطق في البيت واسحب الجوال نهائيا منها ولااا



طلبتكم والله زايغ قلبي وماغير اصيح علئ اهلي ودي اذبحها واقطعها هالحقيره حرام تجلس بين اخواني ويضحكون لها ويطلعونها تتمشئ وهي لاعبه لعب من تحتهم ولو درو عنها ذبحوها



شووورو علي وش اسوي خففوووو عني وربي بموت اهملت عيالي واهملت زوجي وبيتي حسبي الله ونعم الوكيل يارب استرنا



شكرا ضبيااا الله يستر عليكم ولا يريكم مكروه

شكرا بنات حوا مقدما
انا لله وانا اليه راجعون

مت طلعت روووحي اهتميت هم الله اعلم به