خلاااااااص بنجن........

اليوم قررت اكتب مشكلتي اللي خلااااااااص بنفجر لو ما تكلمت

مشكلتي زوجي

اي زوجي.........

متزوجة حول الثلاث سنوات وربي ما رزقني باطفال ومن كم شهر علمني الدكتور ان الحل الوحيد لعلاجنا اهو طفل الأنابيب

المشكلة ان زوجي رافض الفكرة تماااااااما

واللي مشجعه على الرفض امه وخواته والله اني مقهورة منهن قهر

زوجي اول ايش حليله هو صدق عصبي بس كنت احسه طيب
بس الحين اشوف الرجل مقلوب مرررررة علي اول يوم اغير قذلتي من اليمين لليسار كان ينتبه تخيلوا اني رحت الصالون واتصلحت وصبغت وقصيت شعري ويوم رجعت البيت ما انتبه مع انه هو اللي موديني ما غير معصب من التاخير ومثلكن عارف زحمة الصوالين ذي الايام

واللي قهرني زود ان اخته يوم شافت شعري انهبلت علي وما ودي اعلمها عن اسم الصالون علشان اهم يسون معاي نفس الشي ما يعلموني
قام زوجي وعدها انه بكره يوديها وعلى حسابه بعد وهي فرحانة ومتشققة من الفرحة

مع انه هبل بي لين وداني اليوم..؟

وانا ساكنه مع اهله يبيني كل يوم اقوم اطبخ لهم وخواته نايمات ما يقمن لين العصر وطول الوقت من مسلسل لمسلسل ويتشرطن علي نبي كدة وما نبي كدة ويوم اقوله اني تعبانة وخواتك ما يساعدني يقولي قريب يتزوجون ويخدمون في بيت حمولتهن

على فكرة اول ما تزوجت كان لي شقتي وعقب سنة نقلنا لبيت اهله بزعمه انه يبي يوفر الايجار واقنعني اننا نسكن ببيت اهله الكبير اللي بنوه من سنتين ورضيت وليتني ما رضيت

ما لي اي خصوصية وزوجي ما اشوفه الا اخر الليل ولمن يصعد غرفتنا يتملل واحس انه ما يبيني

واللي قاهرني زيادة ان عقب 3 اشهر اخوه الاصغر بيتزوج وقاعدين يدورون له شقة علشان يعيشون بروحهم

واهلي ما يدرون عن شي وما اقدر اشتكي لهم احس اني مكسورة وحزينة وما غير اصلي واطلب ان ربي يفرجها علي

شوروا علي خواتي ايش اسوي حاسة اني سجينة وزوجي يرفض ازور صديقاتي وهن ما يحبن يزوروني علشان ما يرتاحن لأمه وخواته