حبيباتى كل سنة وانتن فى احسن صحة وافضل حال
من خلال خبراتى وبحثى فى موضوع مساحيق الغسيل دى
لحد ماعملت خلطة حلوة اوى وموفرة كمان
وممكن تستخدميها مع الغسالة العادية او الهاف والاتوماتيك
المكونات
شيكارة فل
دى سعرها 12 جنيه ووزنها 3.5 كيلو
دى موجودة عند اى محل منظفات
وتجيبى كيلو ملح ليمون ب 8 جنيه
ونص كيلو بيكربونات الصوديوم (كربوناتو)
ب 3 جنيه هتلاقيهم عند اى عطار
وتخلطيهم مع بعض
وبس
تحطى منها بالمكيال بتاعك زى مانتى عاوزة
وعن تجربة بيديلك نضافه مالهاش مثيل
والله نضافة فوق الرائعة وكمان توفيرو بأقل التكاليف هتنضفى هدوم ولادك وخصوصا البقع وع البارد كمان
جربوا والله هتزهلوا من النضافة
واطلب منكم الدعاء بالهداية وفك الكرب اللهم امين
الموضوع منقول وقيد التجربة وصاحبة الموضوع بتحلف انها بتستخدمة فىالأوتوماتيك وجميع انواع الغسالات ومش بيأثر على الغسالة وده علىذمة صاحبة الموضوع لو الموضوع نجح هيبقى قمةالتوفير خصوصا ان مسحوق الأتوماتيك كتير غالى وفل ده مسحوق عندنا فى مصر رخيص يعنى اى بديل رخيص ينفع ودمتم بود حبيباتى
أحلام عمرنا @ahlam_aamrna_1
محررة ذهبية
يلزم عليك تسجيل الدخول أولًا لكتابة تعليق.
وردة في القمة
•
موضوع مميز 1000 شكر
مشكوره اختي... على الفائده لكن ماهو بديل شيكارة فل في السعوديه؟ لاني مش عارفاهمشكوره اختي... على الفائده لكن ماهو بديل شيكارة فل في السعوديه؟ لاني مش عارفاه
شوفى ياغالية فل ده مسحوق غسيل عادى سعره رخيص اى مسحوق غسيل رخيص ممكن يحل مكانه عادى
الصفحة الأخيرة