خلاصة تجاربي بشهر ونص ونتآئجهاا الاكثر من رائعه ..

السلام عليكم ورحمة الله ..

انا بقولكم عن تجاربي .. وابي نصايحكم + واللي تبي تسوي مثلي و نشوف النتايج خلال الثلاث شهور الجآيه ..

أول شيء رح اقولكم المشآكل اللي كنت اعاني منهاآ او اللي مازلت اعاني منهآ ..

أولاَ : حب شباب واثاره
ثانياَ : شعري الباهت واللي يتساقط بغزاره ..
ثالثاا : سواد المفاصل الركب والاكواع ..

يعني لون بشرتي مو متناسق ابدااااا ..

انا صغيره توني ببداية العشرينات ..
وطالبه بالجامعه واتعرض للشمس بكثثثثثره .. وانعدمت بشرتي منهاا
بعدين قلت ببتدي اعالج نفسي من هالمشاكل واهتم بنفسي ..
اول شيء رحت لدكتورة جلديه عشان حب الشباب , لاان طبيعة بشرتي جداا دهنيه وعطتني
الروكتآن ... وهه يآزينها يابنات

طبعا مدة الكورس كانت 6 شهور والنتيجه ولا اروع اختفت الحبوب والحمد لله ماصارت تطلع وبشرتي خفت منها الدهون
خلصت الكورس بشهر 3 وبعده شهرين اريح بشرتي ..
وبشهر 6 رجعت لها وعطتني كريم نضاره + مقشر خفيف ..
كريم النضاره ما احس منه فايده كثير .. بس المقشر وخر الاثاررر وخفت حيييييل الحين لي شهرين
وراضيه عن النتيجه .. طبعاا كل بشره لها كريم يناسبهاا ..

ومن بعد الاختبارات صرت كل اسبوع استخدم حمام مغربي مره وحده لاان كثرته ماتصلح تأثر ع البشره ..

احيانا : اخلط الصابون المغربي مع سدر .. واحيانا لحاله .. طبعا استخدم خيمة السونا
اجلس بالخيمه 10 دقايق بعدين احط الصابون 5 دقايق واطلع من الخيمه واغسله مويه دافيه وابتدي افرك
وافرك وافرك.. تطلع بلااااوي خخخخخ

وبعده احط ماسك ع جسمي كامل .. مره حناء وحليب وموية ورد اخلطهم مع مويه دافيه ..
ومره سدر وحليب وطحينه ..
اخليهم ع جسمي الين تنشف .. واغسل جسمي بمويه دافيه ,
بعدين احط الطين المغربي .. بس مو دايما
وبالاخير اسوي تقشير خفيف بالسنفره .. اللي موجود عندي ,

وبعد احيانا .. اخذ الحثاله حقت القهوه . عرفتوها !!؟
اسوي فيها سنفره لجسمي .. بذات الركب والسيقان .. حلوه وتنضف


واحط ليمون + بياض البيض ع ركبي .. وبعده اسوي سكراب السكر والزيت زيتون

يومياا ترطيب لجسمي بجلوسليد .. طبعا خالطته مع زيت زيتون وبودرة الاطفال .. وشوية موية ورد .. نعوووووومه تهبل
وكل ماتوضيت ولا غسلت مواعين حطيت من هالخلطه ع يديني ورجلي ..

لازم يابنات التجفيف .. لاان المويه تخفف المكان وانتو عارفين ان الخفاف هو سبب الاسمرار ..

سكراب السكر والزيت زيتون اقشر فيه شفايفي احيانا ومره رووووووووعه

وارطبها بفازلين العادي بعد ما اغسل وجهي ..

بنات انصحكم تستخدمون غسول ستيفال للبشره مره حلووووو .. ماما تستخدمه بشرتها مره حساسه واستخدمته
وصارت بشرتها تجننن ماشاء الله ..


وكريم سودوو .. حق الاطفال .. مسويه منه خلطتين ..
الاولى : كريم سودو وزيت اللوز المر .. للمنطقه الحساسه بس
والثانيه : زبدة الكاكاو بالمرز + كريم سودو + زيت جنين القمح + زيت اللوز المر + جلوسليد
هذي ع بطني وعلى الأبآط .. تخيلوو احط منهاا وربي ماطلعت ريحه ابد
مع اني اسوي رياضه وامشي وعارفين الاجواء حاره بس الريحه مافيييييييييييييه ابد ..
عجبتني وصرت استخدمهاا بس مو كل شوي ادهن لااء بعد ما اتروش بس

..
وببداية الاجازه استخدمت ( زنجبيل + ليمون + زيت زيتون ) خلطتهم مع بعض بالخلاط .. طبعا الزنجبيل طازج
وصرت افرك فيها سيقاني لااني قريت انها كويسه لاألم المفاصل ..
عجبتني انو تنحف وتشد ..وتفتححححححححححححححححححح
بس ماستمريت عليها لاانو لازم تجلسين ساعه وتلفين عليها كيس او سفره ..
بس حبيت اقولكم عشان اللي تبي تجربها :$
:a_smil17:

واللي اسويه لركبي اسويه للأكواع ..
ترطيب كل شوي + تقشير يوم بعد يوم + مع الحمام المغربي
واحياناا .. احط على يدي ( زبادي + حلبه مطحونه ) تبييييييييييضضض وتشششششد
واحياناا سدر وزبادي ..

والحين صار لي تقريباا 5 ايام استخدم حبوب كبد الحوت افرغ الكبسولات واحطها على مفاصل يدي وركبي
والبس قفازات وهيكك .. قريت هالشيء هنا بالمنتدى وسويته ..
وراضضضضضيه جداا ع النتيجه بس طبعاا كل شيء يبي له وقت واستمرار .. بس يدي فتحت شوي وتغيرت

وانا شفت النتيجه على جارتنااا .. ماشاء الله تبارك الله وربي يابنات يدها ورجلها كانووو قشششششششطه
ماشاء الله ..
تستخدم هالحبوب .. حتى قالت لنا عنها بس طبعااا الكسسسسسسسل ومايسوي :twirl:

..

جنين القمح ادهن فيه وجهي كل صباح بعد ما اغسل وجهي ..
واحطه بالليل على عيوني .. مسحه خفيفه
نفخ خدودي , والهالاات خففففففففت مررررررره .. صار لي اسبوعين ..
انا ماتوقعته ينفخهاا لااني استخدمه للترطيب والتبييض ..
مع العلم انو انا اسوي رجيم .. خخخ ابي انحف كم كيلوو

واستخدم كريم فازلين الخاص بالرجلين .. مرررررررررررره عجبتني النتيجه صار لي شهر ونص عليه
اصابع رجليني فتحت صارت مثل لون رجلي والكعب فتححححححح كثيييييييييررررر
ادهنه يومياا بالليل بعد صلاة العشاء والبس شراب ..

ويابنات بقولكم نصايح ..
خذو لكم ثلججججججج .. حطوه بمويه وتروشو فيه بعد ماتخلصين كل شيء رشيه ع جسمك
لاان المويه هالايام جدا حاره .. وتأثر ع البشره وتسبب اسمرار ..
ف استخدمي الثلج .. مره حلو يشد الجسم
حتى الشيخوخه تبان عليك متأخره ..
ولاتتعرضون لااشعة الشمس حتى اللي من ورى الشباك .. حاولي تتجنبينهاا
كثرررررري من المويه .. وعصير البرتقال ..
الزبادي الخالي من الدسم مع حبة البركه .. مره حلو انك تاكلينه كل صباح يعطي نضاره
لاتمشيين حافيه ع السيراميك او الرخام يشقق رجولكم
الترطيب الترطيب الترطيب .. لاتهملونه ..
وسمعت بالتلفزيون انو تاخذين نصف طماطه وتحطينها بالسكر وتدلكين فيها وجهك بشكل خفيف
يشششد البشره ويعطينها نضاره و يوردهاا .. بس بعد ماتدلكينها لاتغسلين ع طول .. لا اجلي 5 دقايق
بعدين غسلي بمويه بارده
وبعد لاتستخدمون الليفه كثير لاانها تسبب ترهل بالجلد وتخليه يفقد كميه كبيره من الكولاجين ..
يعني مره بالاسبوع تكفي
وباقي الايام استخدمي منشفه ( فوطه) صغيره .. لون ابيض وحطي عليها الشاور جل وافركي جسمك بلطف :biggrinlo
وواقي الششششششمس جداا مهم لاتطلعين الا وانتي حاطته حتى لو مارح تتعرضين للشمس كثير
بس لازم تحطين ع يدك ووجهك وووالخ
الدكتوره نصحتني بهالشيء ..
ونصحة امي بعد قالت لها حتى اذا بتدخلين المطبخ حطي عشان حرارة الفرن . لاان امي بشرتها حساسه زي ماقلت لكم
الرياضضضضه خصوصاا المشيء .. حلووووه مره تساعدك انك تستفيدين من هالاشياء
ولازم وانتي تسوين هالاشياء تاكلين اكل صحي ويساعد بشرتك انها تتحسن ..
المساج والتدليك حلووه تنشط الدوره الدمويه اشياء سهله وبسيطه مارح تاخذ منكم ساعه باليوم
كل صباح سووها .. مشيء نص ساعه + فطور متكامل .. + مويه + ترطيب او شاور الخخخخ
اللي تقول ماعندي وقت تضبط وقتها وتنظم جدولها اليومي .. تعطي نفسها حقهاا لو ساعه باليوم
والسدر حلوو انك تتروشين فيه ...
وملح الحليب مررررررررررررررررررررررررررررررررررره يجنن .. بنت عمي قبل زواجها استخدمته تقريبا 7 شهور
فتتتتتتتحت مررررررره
وربي تغيرت حييييييييل تقول عشانها كل ماتتروش تسوي به جسمهاا ..
فتح ركبهااا وسيقانهاا
..
وحاولو تبتعدون عن الكريمات ..:humm:
انا استخدمت كريم دريموفيت حق الحساسيه نصحتني فيه وحده قالت استخدميه اسبوعين ويفتح ركبك
واستخدمته وياليتني ماحطيته .. بالبدايه فتح بس يوم تركته ركبتي سسسسسسسسسسودت مره وقبل ماكانت كذا بس بسببه تغيرت ..
عشان كذا الكريمات ابعدو عنهاا واستشيرو طبيب جلديه افضل ..
او اعتمدو الاشياء الطبيعيه بس كل شيء لازم له صبر واستمرار ..

وفيه خلطه طلعتها من النت تضعف الجسم .. هي تتروشين فيها وكذا .. صابون وخرابيط بس يقولون تنحف
انا بستخدمها برمضان وبقول لكم النتايج :biggrinlo
لااني بسافر ومايمديني استخدمهاا ..

بس من خلال تجاربي .. الحمام المغربي فتح لي ظهري وبطني كثيرررررررر
والطبقه اللي صارت ع جسمي بسبب الشمس ايام الدوآم شالهااا ورجع لوني زي قبل
الترطيب اعطاء بشرتي نضاره .. وساعد ع التفتيح ..
انا كل همي احصل ع بشره متوحده اللون ..
ايواا صح نسيت اقول .. استخدمت فازلين موحد اللون ع يدي مررررره عجبني والنتايج واااو بس ماستمريت
لاانو خلصت العلبه ودورته بالصيدليه مالقيته :humm:


بخصوص كريم سودو !؟ مين جربته للمنطقه الحساسه !!؟ وفاد معها انا لي كم يوم عليه
ومادري كيف اخاف مامنه نتيجه مرضيه .. بس طبعاا عندي اصرار ورح استمر 3 شهور
بس ابي اتحمسسس خخخخخخ

امممممم هذي هي خلاصة تجاربي وجدا استفدت منها وبشهر ونص عجبتني النتايج تفتيح وترطيب ونعومه .. اللي تبي يالتفاصيل انا حاضره
ومادري اذا موضوعي مخالف او لا
بس حبيت افيدكم وتفيدوني ..
وابي نصايحكم..
ويارب يكون كلامي مرتب ومفهووم .. ماعرف اسوي مواضيع

وبخصوص شعري يمكن مو هنآ المكان المناسب ..

سبحآن الله وبحمده سبحآن الله العظيم ..
اللهم صلي وسلم على سيدنا ونبينا محمد وعلى اله وصحبه اجمعين ..
دعواتك ان ربي يوفقني بدراستي .. ويرزقني بالزوج الصالح