السلام عليكم
هذي خلاصة تجاربي مع العناية ببشرتي و صحتي .
اولا الوجه : بشرتي مختلطة + حب شباب
استفدت من خلطة الخميرة مع الزبادي
و بعدها احط عسل مخفف بموية ورد النتيجة وجه صافي ومشرق ومايحتاج مكياج ابداً مع الخلطة امتنعت عن الغازيات و الشيبسات.
بالنسبة لحب الشباب امتنعت عن منتجات الحليب و الجبن و الشوكولاته اللي من ضمن مكوناتها حليب و الفلفل بأنواعه ماعدا الرومي وتركت المشروبات الغازية و اخفف سكريات والحمدالله راحت الحبوب و عرفت كيف اتحكم فيها.
نجي للغسولات اللي فادتني غسول سيتافيل للبشرة الدهنية ب 80 ريال ميزته ينظف بلطف ما ينشف بشرتي بقسوه وخالي من الصابون المؤذي للبشرة استخدم معه فرشة بودي شوب للوجه سعرها اتوقع 14 او حولها تنظف المسام بالتالي مافي حبوب
برضو غسول كلين اند كلير الاخضر فيه حبيبات صغيرة حلو لطيف عالبشره
الصنفرة ستيفز ممتازة بس ماعدت الاقيها صرت استخدم الشفا حلوه كمان
كريم الوجه ستافيل برضو مرتاحه عليه مو معطر
لو طلعت لي حبوب استخدم معقم دالاسين تي توبيكال سلوشن مرتين باليوم و انتبه لاكلي و تنتهي المشكلة
للجسم بشرتي عادية
مافي افضل من الحمام المغربي البسيط بدون خرابيط
طريقتي افتح الشور على جسمي ويكون دافئ لمدة 5 دقايق و ممكن اقل و بعدين احط الصابون على جسمي كلو اجلس فيه عشر دقايق و طول العشر دقايق اليف جسمي بيدي عشان ياخذ مفعولة ويطري الجلد الميت و بعدها اغسل جسمي كويس و انشفه و ابدا فرك بالليفه بإتجاه طولى طالعه نازلة بالليفه و ليس بشكل دائري بعدها غسلي و نشفي جسمك كمان وحطي صنفرة كاب استنيها لمن تنشف وابدأي افركيها بيدك و اخر شي غسلي
و حطي لوشن فازلين زبدة كاكاو او توحيد اللون
حلوين للترطيب و مايسمرون بالبشرة
المؤخرة و الاكواع و الركب و القدم استخدم لها زبدة الكاكاو من بودي شوب ترطيب عميق.
اما المنطقة الحساسة افضل شي لها هو تنظيف بغسول خاص انا استخدم كير فري او موية وملح وتجفيف المنطقة بعد كل حمام و أنتم بكرامه و تهويتها وشراء كلوتات قطنية ممتازة و تغيرها في اليوم مرتين .
الشفايف جربت المقشر تبع بودي شوب اللي زي الروج اخضر خليته 30 دقيقة تقريبا و فركته بمنديل على خفيف النتيجة الشفايف ناااعمة ملمس ومنظر تحسي الشفايف نظيفة من قلب اعطى توريد خفيف جدا طبيعي نتيجة التقشير
بالنسبة للاندر ارمز استخدم لها نفس عناية الجسم من صنفرة وحمام مغربي و مزيل العرق يكون خالي من العطور.
العناية باليد و القدم
بالنسبة لليد استخدم أي صنفرة واسويلها مساج بهدوء لمدة 5 دقايق و اغسلها و احط لها كريم اللوز من بودي شوب ممتاز ترطيب عميق الكريم وليس الزبدة.
اما القدم انقعها بموية دافية لمدة ربع ساعه مع شوية صابون أي نوع
و انشفها و افركها بحجر نوعيته حلوة عشان ينظف و انظف اظافر القدم بالفرشة اللي تجي في نفس الحجر و بعدها احط صنفرة ستفز او الشفا او بودي شوب للقدم و افركها لمدة دقيقتين واغسلها و ارطبها بزبدة الكاكاو و القدم من تحت احط فازلين جل فوق الزبدة ولا احلى من كذا.
الشعر
استخدم شامبو سلسن بلو للقشرة ممتاز طريقته تحطينه على شعرك لمدة خمس دقايق وتغسلينة و بعده يفضل تستخدمي بلسم او حمام كريم لانه يجفف الشعر مثله مثل أي شامبو طبي , يستخدم مرتين بالاسبوع الين تروح القشرة وبعدين مره كل اسبوعين عشان ماترجع
في الايام العادية استخدم شامبو دوف ضد القشرة جميل جدا ما يجفف شعري و استخدم معه البلسم
بالنسبة للزيوت زيت السمسم نعم شعري اما زيت جوز الهند و زيت الزيتون احسهم تغذية ولمعه صحية طبيعة فقط وهذا شي كويس كمان.
الرياضة
استفدت منها بشكل جدا كبير جسديا ونفسيا هدفي مو النحف لا هدفي لياقة و شد وصحه
كل يوم العب عالاوربت تراك نص ساعه وبعدين اسوي نقز الحبل بدون حبل طبعا و سكوات وارفع اثقال بسيطة و تمارين للبطن والصدر واخر شي تمارين الاطالة و بعدها لازم اخذ شور لكن قبل الشور اسوي صنفرة جافة لفخوذي عشان السلولايت يخف و فعلا الحمدالله لقيت نتيجة مرضية جدا خف السلولايت بنسبة 70% طبعا مقللة من الفاست فود قدر الامكان.
طبعا لابد من وجبة او مشروب بعد الرياضه كان مشروبي هو عصير برتقالتين و عصير جزرتين و احط عصيرهم بالخلاط و احط معه تفاح سبانج بقدونس وعصير ليمون ممكن تزيد المقادير على حسب مزاجي و اخلطهم واشربهم
نتيجته نظارة صحه قوة بالبدن لاحظت لمن اشتغل بالبيت ما اتعب زي زمان.
هذا كان خلاصة تجاربي وهي بسيطة وفعاله.
اتمنى لكم كل الجمال و الصحه و السعادة في الدارين
الله يعطيك العافيه وتسلم اناملك ع الموضوع الأكثر من راعئ..