خلاصة تجاربي في صالونات ومشاغل الرياض//// قديم

بسم الله الرحمن الرحيم


السلام عليكم ورحمة الله وبركاته



امس كنت ابحث عن افضل صالون لقص الشعر لأني ابغى اقص شعري ولفلفت كثير بس شفت اكثر المواضيع تبحث عن مواضيع المشاغل المجربة

ومن تجربتي للمشاغل بقولكم عن كل مشغل زرته وتجربتي معه :


** صالون دار نور **

شغلهم مررره حلو _عملت مكياج مميز عند الماكييره (سوسو) كان حلوو مرره
انا ما احب الماكياج الثقيل اللي يسوي مهرج او ساحره لكن ماكياجها طلعني بشكلي بس احلى ومميز
والتسريحة رائعه وحلوة صحيح مايستشورون بقووه لكن تسريحتهم فخمه وتطلعك بشكل حلو

الأسعار : غاليه نوعا ما الماكياج=500 للمميز _300للعادي

التسريحة =300ريال
المانيكير =20ريال
قص الشعر = 150 ريال
وهذي اللي جربتها عندهم

الموقع : شارع الستين (صلاح الدين الأيوبي) _حي الضباط _جنوب كوبري الخليج _جوار مطعم النافورة

****************************************

** صالون بسام فتوح **

اختي جربته يوم زواجها وماقالت انها عروس بس كانت نعومه والماكياج حلو خاصه العيون طبعا نفس مكياج اليسا لعيونها وضابطينه مرره وحتى التسريحة حلوه كثيررر
وانا من فتره كان فيه زواج رحت وسويت مكياجي عندهم مرره حلو بس شعري استشوار بمكان ثاني

الأسعار: الماكياج =400 ريال _ التسريحة =400ريال
العروس = 5000ريال

الموقع : مملكة المرأة في مركز المملكة _ شارع العليا العام

***************************************

**صالون فاشن **

جربته من 3سنوات بمناسبه خاصة طبعا بس قص ترتيب واستشوار لكن شفت ماكياجهم على بنات اعرفهم حلوو لكن صراحه ليس مميز جدا لكن حلو ومرتب وناعم , تسريحاتهم على حسب الطلب ,,

قصيت عند جمانه شغلها حلووو اذا كان رايقه وسط الاسبوع وماعندها ضغط فهي تتفنن

الأسعار: القص 150ريال _استشوار =150

التسريحة =300_350ريال

الماكياج المميز=500ريال ولا اعلم عن سعر العادي لكن اكيد العادي مايستاهل اي سعر فوق ال150

الموقع : العليا _جوار برج المملكة
الفرع الثاني : عماير السيركون واعتقد انه نقل الى الروضة
الفرع الثالث : الروضة شارع الحسن بن علي

*****************************************


**صالون قطرة ندى **

بصراحه انا من زماان عنه تجربت يه قديمه وكان رااااائع جدا سووا لي تسريحه الكل انهبل عليها والماكياج كان متوسط
لكن من سنتين خواتي مسوين عندهم الماكياج المميز وكان صراحه مو حلو يسمونه خليجي بس مبالغ فيه والوان صارخه والرسمات كبيرة وخطوط غريبه وما اعجبني
المكياج العادي احلى منه بكثير
طبعا ماكياج فرع العليا افضل بكثير من فرع البديعه والسويدي

الصبغ عندهم حلو ورائع وقص الشعر

الاسعار:
الماكياج العادي 150 _ المميز 200 >>هذا بالنسبة لفرع البديعة والسويدي
اما فرع العليا والثلاثين : المميز 300 _ العادي 150 الى 200
التسريحة من 200 الى 300 حسب التسريحة وطول الشعر

الموقع :

يوجد ثلاثة فروع :
1ـ العليا _شارع الثلاثين (سليمان بن عبدالله الحمدان مع الامير سلطان)
2ـ البديعة: شارع الجيل عند مدارس الجيل
3ـ السويدي: شارع الأبراج


********************************

**صالون دندشة **

المشغل تختلف فر وعه الفرع رقم 1 هو الأفضل ويتميزون في تصفيف الشعر والتسريحات والماكياج والقص

سويت عندهم تسريحة من زمااااان كانت روووعه من عام 99 ورجع لهم في 2008 سويت استشوار وبوف حلو مررر وينعمون الشعر واتسريحه ثابته

الماكياج ماجربته عندهم بس شفت ناس مسوين مكياجات عندهم حلوه وناعمه

الاسعار:

التسريحة =200
الاستشوار =150
الماكياج =250

هذا الي اعرفه قبل 3سنوات آخر شيء

الموقع : شارع مكه تقاطع العليا العام مقابل مدينة الملك فهد الطبية
يوجد فروع اخرى في : طريق النهضه + البديعه شار ع الجيل + السويدي


************************************

**مشغل شيفون **

يتميز المشغل بالماكياج الفرنسي الراقي واللبناني المميز
تجربة احدى صديقاتي بيوم زواجها كانت رووعه حطو لها مكياج ثلجي مع اسود جوناااان ومرتب جدا
وتسريحتها رووعه

ايضا اختي سوت مكياج عندهم مميز وحلو ومرتب خليجي خاصة مكياج ميرسي
التسريحات حلووه

انا جربت صبغ الحواجب فقط لأني كنت ماره عندهم ومكاني بعيد عنهم


الأسعار: الماكياج العادي 150 _ ماركه 200ريال

التسريحات =200ريال

القص =اعتقد 50ريال

صيغ الحواجب 50ريال تشقير وصبغ

قص 25 ريال . سشوار 25 ريال .

وعندهم ساونا ورسم على الاظافر

وعندهم اسعار خاصه من السبت للثلاثاء وسط ااسبوع ماعدا ايام العطلات الرسمية :
فتلة 15 ريال . حلاوة 15 ريال .

تشقير وصبغة حواجب 25 ريال .

وتخفيض 25 % على صبغة الشعر .

الموقع: حي المنار شرق الرياض _ شارع الشافعي من طريق خريص




**********************************

**مشغل مشاعل**

المشغل جربته عام 2006 كان ايام الماكياج الخليجي ومرره مميز وحلو عندهم ثلاثة ماكييرات مميزات (فاطمة_زينة_ كارين) وانا جربت كارين وخواتي فاطمه


الآن المشغل نفس الستوى لكن الماكياج حددي النوع اللي تبين ثقيل اوناعم
والتسريحات رائعة

قص الشعر رااااائع جدا على يد (جيجي) قصت لي شعري من يوم واحد بس مرره روعه واعجبني وحددي الطول

وصبغ الحواجب ايضا حلوو بس وضحي الرسمه كيف لأن رسماتهم وحده

الأسعار:

الماكياج =150 ريال
التسريحة =150ريال
تشقير وصبغ الحواجب =30ريال
قص الشعر =50ريال
استشوار الشعر =حسب طول الشعر اذا قصير مره 50 واذا وسط 75 واذا طويل من 100الى 120 ريال
البديكير=30ريال

فيه اسعار اخرى وشغ خاص لفئة كبار الشخصيات VIP اذا تحبين السرعه على ان شغلهم سواء لكبار الشخصيات او العادي كله مميز

الموقع : حي بدر الشفاء جنوب الرياض _ شارع الخليفة المأمون _من عند بنده تدخلين حتى جامع الاميره هياء بآخر الشارع تلفين يمين ويكون المشغل يسار..

*******************************************

**مشغل لمسات عائشة **

مشغ مميز وحلووو جدا فيكل شيء انا صراحه ماجربته لكن صديقتي ماعرفتها مره كانت رائعه

وماسألتها عن الاسعار بس اخذت الاسعار من موقع
المكياج العادى 150
المكياج المميز 200
عيون عادى 75
عيون مميز100
رموش 50 من عندهم من عندك 25 تركيب
التسريحات من 150 الى 200
المشغل بالبداية واكيد بتتغير الاسعار لكن يستحق لأنه مميز ...

الموقع : شارع التخصصي تقاطع شارع الإمام محمد بن سعود _حي المحمدية قرب اشارة جامعة الملك سعود

****************************************


**صالون دانتيلا **

أفضل ماجربت الاستشوار وصبغ الحواجب والباقي لم اجرب
الاسعار: غاليه نوعا ما

الموقع : طريق الملك عبدالله_ حي المغرزات

***************************************

وسأكمل الموضوع بعد البريك