خلاصة تجربتي التي استمرت سنة....اختصري الطريق وماراح تندمين.....أحلى شعر

السلام عليكم......

شلونكم بنات......

الصراحة انا مادري شنو اللي طرى علي وخلاني اكتب تجربتي الطويييييييييييلة بمجال الشعر والعناية فيه.......

بعد ماصارت عندي خبرة.......من منتدانا الحلو ومن القراءة والبحث.......

وحبيت تستفيدون منها علشان ما تطيحون بالغلطات اللي انا طحت فيها......



أولا:::::
مهممممممم جدا انك تعرفين ان الزيوت والحنة ممكن تضرك أكثر من انها تفيدك.....
اكيد راح تعارضوني........سمعوا الدليل......

اذا كنتي تحطين زيت راح تحصلين على نتيجة حلوة.....وشعرك راح يتحسن......بس ترى هذي نتيجة مؤقته.......وصدقيني صدقيني اذا تركتيه راح يتساقط بالهبل......

يعني اذا تحطين زيت لاااااااااازم تداومين عليه لأن الفروة راح تتعود عليه......
وأكبر غلط انك تنامين فيه.......راح يسبب تساقط مايبين بنفس الوقت......يبين بعد فترة......

والحنة.....نفس الشي......اذا بتحطينها لازم تستمرين عليها طول حياتج لأنك أول ما تتركينها بعد تقريبا كم أسبوع شوفي شلون شعرك يتساقط.......ولاتحطينها اكثر من 4 ساعات....وغطي شعرك ببلاستيك علشان ماتجف الحنة على شعرك وتسبب تقصف......

ثانيا::::::::

اذا ودج تتركين الزيت والحنا.......يعني مليتي منهم وتدورين على الأفضل.....وخايفة من التساقط.....
انا انصج تشترين تونيك للشعر من الصيدلية.......
في أنواع كثيرة.......منها سورسير وأميرة هيربل جلووأنواع ثانية........

انصحج تستخدمينها لأنها راح توفر تغذية لشعرج من دون ماتسبب اضرار.......وسهلة الامتصاص من قبل فروة الرأس........وريحتها حلوة ومنعشة........

ثالثا:::::::

لازم تختارين شامبو يناسب شعرج........لاتغرج الدعايات والاعلانات.......
هذي شامبوهات تجارية الغرض منها الربح وبس.......

انصحج تشترين شامبو من الصيدلية يناسب نوع شعرج.......
في وايد انواع زينة........في شامبو هيربل جلو....زين وايد.....وشامبو سورسير
مو شرط تشترين هذا الشامبو......بس الغرض من كلامي انج تشترين شامبو من الصيدلية موثوق فيه.......وبعدي عن بانتين وصانسيلك وبرت بلاس اللي يكون شامبو مع بلسم 2في 1......
هذا يسبب تساقط.......لأن موزين البلسم ينحط على فروة الراس.......
أخذي الشامبو لحاله والبلسم لحاله.......

رابعا:::::

البلسم...نصيحة من أخت وماراح تندمون انكم سمعتوها.......
أشتري بلسم الشعر من ماركة vichy.....من الصيدلية....ممتاااااااااااااز.....
يعني اذا استخدمتيه تدمنين عليه من كثر ماهو زين......
هو يحمي من التقصف بنسبة كبييييييييرة......ويعطي الشعر لمعة ونعومة......
يعني انا استخدمه من شهر 2......ولحد الحين ولااااا شعرة متقصفة طلعتلي.....وبالعادة اول مااقص شعري يتقصف......
سعره مناسب......عندنا 3.500 تقريبا.......ويبقى أشهر معاج مايخلص بسرعة.....


خامسا::::::

لما تستحمين وتكوني طالعة من الحمام.....لا تتركين الفوطة مدة طويلة على شعرج.....يتساقط.....واستحمي بماء فاتر والأفضل انه يكون بارد اذا تقدرين.....وابتعدي تماما عن الماء الحار لأنه يسبب تساقط وتجاعيد للبشرة........

وخلي شعرج ينشف من نفسه ولاتستخدمين سشوار......واذا بتستخدمينه بهوا خفيييييييف ومن بعيد....يعني لاتقربينه حيل على فروة الراس.......

وأكبر غلط تسوينه انك تمشطين شعرك وهو مبلول.......غلط غلط غلط......
لأن المسامات تكون مفتوحة بعد السباحة........ولما تمشطين راح تطلع الشعرة من جذورها تتساقط وما تعود تطلع مرة ثانية بنفس المكان.......
وافضل وقت انك تحطين التونك على شعرك هو بعد الاستحمام لما تكون المسامات مفتوحة علشان تتشرب التونك......



وأخيرا وليس آخرا لاااااااااا تنسين التغذية السليمة الصحية......

في مقولة قالها دكتور لبنت......اذا تبين تستغنين عن الفيتامينات وتبين يتغذى شعرك.....اكلي كل يوم صحن تبولة........اي تبولة لا تستغربون........

تأمن لك كلللللل العناصر اللي يحتاجها شعرج........


واتمنى لكم شعور جميلة وطويييييييييلة......

باااااااااي.....