خلاصة زواجي

مافهمت زوجي إلا بعد أكثر من عشرة سنين زواج..لا تجي وحدة نايمة في العسل وتقول أنا حبيته من أول نظرة وفهمته وفهمني والكلام الفاضي دا..لأني كنت أقوله ومالقيت من وراه إلاه الهم والشقا والأحزان..مافهمته وهومافهم غير نفسه وأهله بسسسسس

مراتب حب البشر بعد الرسول في قلب زوجي اللي ممكن يضغط على أحد عشان يرضى الي يحبه:

أول شي يحب نفسه

ثم أهله

ثم عياله

ثم مدري ..أنا أو أصحابه


إنصدددددددددددممممممممت

نصحتني أخت وقالت لي إنتي كنتي توهمي نفسك إنو يحبك إنتي وعيالك أكثر من أهله..لكن هو طول السنين عمره ماحبك أكثر من أهله..ويكفي خداع لنفسك وفووووووقي ..إصحي..حبي نفسك..ولاعاد تفكري في أهله ولا أذيتهم لك ..وأستغفري لهم وإدعيلهم عشان يشفى الغل والحسد والحقد اللي في قلبك تجاههم حتى وإن كان سببه أفعالهم السيئة تجاهك..حتتعبي وإنتي شايلة كل هادي المشاعر في قلبك الصغير على مر السنين,,عيشي حياتك..وأستغفري لهم ..وادعيلهم وانسيهم..

إنصددددددمممممت

طالعت لزوجي..فكرت..واسترجعت الذكريات..فعلا..تذكرت مواقف..ما حنكر جميله..لكن هو مايسوي جميل يخص حياتنا إلأ إذا كان مافي زن من أهله إنه مايسويه وأهله راضيين عنه..يهمه رضاهم عنه موووووووت..


تذكرررررررت..لحظة..كان في وحدة اللي هي أنا..وينها؟؟؟؟؟؟؟؟؟؟؟؟؟؟؟؟!!!!!!!!!!!!!!!!


اللي كانت تتزين لنفسها قبل ماتتزوج وتسوي تسريحات لنفسها وتتمكيج لنفسها وتطالع في المرايا وتتأمل ملامحها اللي ربي أعطاها ياها وتقول كم أنا جميلة وأهبل..

وين اللي كانت تعمل أطباق مخصوص عشانها..وتشتري ملابس على ذوقها مخصوص ..عشانها..وييييييييييييييينها؟؟؟؟؟؟؟؟؟؟؟؟؟؟!!!!!!!!!!!!!!!


للأسف إحتكرت نفسي بشغل البيت والعيال والزوج ونسيييييييييييييييييت نفسي..

صحيح أتزين..
لكن باللي حيعجب زوجي..واللي يرضيه بس..طيب وأنا؟؟؟؟؟؟؟؟؟وييني؟؟؟؟؟؟وين ذوقي؟؟؟؟؟؟إنمحى مع السنين؟؟؟؟خلاص أنا وين ؟؟؟؟؟مت ودفنت شخصيتي وأنا على قيد الحياة؟؟؟؟؟؟؟؟؟؟؟


رفعت يدي ..وتحسست شعري..صار خفيف يمكن من الهموم اللي ثقلتها نفسي ومن قل إهتمامي بيه..

لعبت بخصلات شعري ..صحيح إنو جاف..لكنه ناعم..مو مستفيدة منه إلا باللي يعجب زوجي أو بتسريحات في الزواجات اللي حتعجب الناس..طيب وأنا ويييييييين؟؟مو كنت موجودة ؟؟وكان ذوقي ظاهر على جسمي وشخصيتي؟؟؟؟؟؟؟؟؟؟؟!!!!!!!!!!!!!!!!وين رحت؟؟؟؟؟؟؟؟؟؟؟؟وين اختفييييت؟؟؟؟



تحسست بشرتي..قلت الحمدلله..أنا بخير..ليش ما أستمتع ببشرتي وأعتني فيها قبل لا أعجز وأنا لسا في عز شبابي؟؟

طالعت في المرايا ..لقيت بشرتي لساعها مشدودة ..وابتسمت..ظهرت ثنيات على خدودي اللي زي رقم ثمنية من على جنبين الأنف..قلت لنفسي: إذا ماتداركت الوضع الخطين اللي عالجوانب دول حيصيروا مترهلين وبشرتي حتصير مترهلة ..صحيح إنو بشرتي ماهي مشدودة مرة..لكن برضوا لاتزال بشرة وحدة في ريعان شبابها ومايحتاج إنها تهمل فسها أكثر من كدا..

تذكرت نفسي القديمة ..وهواياتي..وصديقاتي..وأهلي..وأخواني..تذكرت إني في قرارة نفسي إني كنت أتعب نفسي لإرضاؤه وإرضاء أهله أكثر من إرضاء نفسي وأهلي..طيب ونفسي ..وييييييييينها..

قررت إني أعيد ترتيب أولوياتي..
وأغير نظام حياتي..
بدون ما أضغط على نفسي عشان حاجات ثانوية وجودها زي عدمها ويمكن عدم وجودها أحسن وأريح..مثلا إذا أهل زوجي حيجوا عندي أسوي الطبخات المتعبة عشان يمدحوا..طيب في طبخات عادية وحلوة..كلامي طبعا للي زوجها وأهل زوجها مايستحقوا ومايقدروا..وحتى اللي يقدروا لا تكسري ظهرك عشان أحد ..ماحد نافعك ياماما ومحدد حيتألم لألمك إلا أمك وأبوك وبسسسسسسسس..
لا تشدي ولا ترخي..عامليهم برسمية وبما يرضي الله أفضل وأسلم من المشاكل..

قررت أحب نفسي..الحمدلله أنا لازلت على قيد الحياة وعايشة..حهتم بنفسي ..

عيالي..ياحبايب قلبيييي..ياحياااااتيييييي ..كم أهملتكم وأرضيت أبوكم وأهله على حسابكم..طمعا في حبه ورضاه..

تذكرت نكتة قريتها قبل كم يوم ههههههههههههههههههه ماني فاكرتها بالضبط لكن مضمونها إنه بعض الحريم تقول أنا ما ني طايقة أعيش مع زوجي وكارهته بس عايشة معاه عشان عيالي وإذا زوجها قالها حتغدى في العمل ماعاد تطبخ غدا..طيب والعيال اللي عايشة عشانهم ويين غداهم هههههههههههههههههههههههههه

المهم قلت حطور نفسي وحدخل اليوتيوب وأسمع محاضرات عن التربية عشان أربي عيالي عن علم وأعوضهم عن الأخطااء اللي ارتكبتها في فترة حياتهم السابقة..مرة كان في لقاء أحد الأساتذة في التربية..وقدمو له في اللقاء كيكة ..طالع للكيكة وقال :هذي الكيكة عشان الحرمة تسويها (أظن يقصد اللي ماتعرف تسويها) لازم تقرا كتب في الطبخ وتشوف القناة الفلانية وتتابع البرنامج الفلاني وتتابع الشيف الفلاني و وو وووووو دا كله عشان تنجح في عمل كيكة زي هذي الكيكة الحلوة..ثم صرررخ ..قال والطفل مااااااايحتااااااج أحد يتعلللم كيييييف يربييييه..بس كدا نربييي عالماشي..بدون مانتعلم ونتثقف في تربية الأطفال ..
هذا الكلام سمعته قبل سنين وتأثرت بيه وقلت حتغير ..ولكن كنت مشغولة في طلب رضا زوجي وأهله ووانشغلت كمان بالنت ونسيييييت..

والآن أحمد الله إن صحيت من غفوتي..سبحان الله رب ضرة نافعة ..ورتبت أولوياتي ,وإن شاء الله راح أعوض عيالي عن كل قسوة وكل حرمان ذاقوه في حياتهم بسببي..


والداي..أمي وأبي..لن أنسى جميلهما ما حييت,,حبوني بحلوي وبمري,,بشقاوتي وبهداوتي ..بكلامي وسكوتي..بضحكتي..بطلباتي..حرني يحزنهم ويتعبهم..دموعي تعذبهم..نكدي يكاد يقطع قلوبهم..دلعوني وخلوني أميرتهم..رب ارحمهما كما ربياني صغيرا وارزقني برهم واغفر لي تقصيري تجاههم واغفر لي ولهم واجعلنا ندخل الفردوس الأعلى بغير حساب ولا عذاب..

أخواني..حبايب قلبي..خلاص ماعاد حخلي زوجي يدخل بيني وبينكم..كم غلطوا أخوانه وأخواته عليا وعلى عيالي ولا كلف نفسه ينكد عليهم ويخاصمهم عشان آذو عياله..إنتوا عالعين والراس يا أخواني..صحيح غلطت..وتأخرت..لكن الحمدلله إني عرفت قدركم قبل فوات الأوان..

صديقاتي..كم تعبتوا أنفسكم في التواصل معي وأنا لم أتواصل معكم حتى ولو بالهاتف ..واكتفيت بزوجي حبيبا..سأتواصل معكن ..وأتبادل معكم الزيارة إن شاء الله..وسأكون صداقات جديدة ناجحة إن شاء الله حتى أعيش حياتي وما يكون زوجي هو كل حياتي....الله يجعل أيامي وأيامكم كلها سعادة وأفراح وراحة بال يااااااااااااااااااااارب يااااااااا أرحم الراحمين..
والحمدلله رب العالمين
وصلى الله على نبينا محمد وعلى آله وصحبه وسلم


اللي حابة تنقل موضوعي هذا لأي منتدى أو من برامج التواصل الإجتماعيحلالها عشان يسفيدوا الكثيرين ممن هم أمثالي

معليش طولت عليكم لكن حبيت أختصر عليكم مسافات شقا وأحزان