ترددت أنزل تعب عمري هنا واكتشافاتي اللي خسرت عليها ووقت وفلوس عشان أوصل للي بكتبه بعد شوي
أولا: لأني عارفه إن كثير بنات نحيسات لهم أسرار بالعناية فادتهم مايخبرون أحد..
ثانيا :مابي هذي الطريقة توصل لكم بنت أعرفهم كانوا مأزميني وألحين يقولون شسويتي علمينا..
بس لله ولأني استفدت منكم بحاجات ثانية ولأني فعلا أبي الخير لكل بنت وبرضو كل ولد..
العناية مو مقتصرة على جنس معين..
وثالثا :أبي دعوة بظهر الغيب مو بالردود وأنا متأأأكدة متأأأكدة أول مره يمر عليكم هذا الموضوع لأني أول مره أفصح عنه
ومتأكده بتستفيدون من أكثر من أي موضوع يخص العناية من ناحية"الترطيب والتوحيد"وهما الأهم..
بسم الله نبدأ..
الأغراض اللي نحتاجها
1-شمع نحل
2-زبدة الشيا الخام البيضا
3-حنا الجسم البيضا
4-بودرة الكولاجين
5-كريم فازلين موحد اللون
6-فيتامين اي
7-لوشن سي
8فوار فيتامين سي
يتبع..
تجيبين قدر كبير بداخله قد أصغر منه..تعبين الكبير شوية موية عشان بنسوي حمام مائي لبعض المكونات..
نضيف داخل القدر الصغير1- شمع نحل مقدار كوب شاي 2-ونصف الكمية من زبدة الشيا الخام تقريبا..
ثم نحطهم يذوبون بالحمام المائي..
بتلاحظينهم يذوبون بسرعة..فخليك مجهزة باقي المكونات.
.بعد مايذوبون تضيفين
3-لوشن فازلين موحد اللون ولوشن فيتامين سي كاملين و5حبات فوار فيتامين سي ..وبعد مايذوبون تماما تضيفين ملعقة كبيرة من حناء الجسم البيضاء
*ثم بعد ماتسكرين النار وتشيلين القدر 4-ضيفي 2م ك من بودرة الكولاجين و5أقراص فيتامين اي.
.واستمري في التحريك ليييييييين يجمد الكريم ويثقل قوامه من سائل جدا إلى كريم ثقيل القوام..
بكذا أنت صنعتي أفضل كريم طبيعي يوازن بشرتك+يرطبها وينفع لجميع أنواع البشره لأنه يعالج أغلب مشاكلها..
ينفع برضو للس تسوي تقشير عميق أو اللي يشتكون من الحرق بعد التقشير..
تقدرين تقشرين براحتك مع هذا الكريم..حطي تقشيرك بالليل وبالنهار حطي هذا الكريم..
أي وحدة تنقله لموقع آخر رجاء تنقله مثل ماهو بإسمي ..
واثقه جدا بتستفيدون منه ف دعواتكم ولاتنسون تدعون للإسلام والمسلمين والمظلومين في كل مكان..