خلاصة 34سنه من الخلطات والعنايةوفيها الزين ومنها المدمر

السلام عليكم ورحمة الله وبركاته...

اول تجربه لي وانا بعمر الـ 16 تقريبا وكنت اعاني من حبوب بوجهي وبظهري واكتافي وكانت بشرتي دهنيه

والحبوب في شكلها هي مابين صغيره الى متوسطه الحجم ولونها مائله للاحمرار وبداخلها ماده بيضاء "صديد"..

وكانت متفاوته في كل مكان ... يعني اللي بظهري كانت اكثر شي واللي بوجهي كانت تظهر لي مع اكل الشيكولاته احيانا والاكيد انها تبدا معاي مع بداية كل دوره "حيض"

المهم نصحتني وحده باستعمال الترمس المرّ مع الزبادي ..

والله وبالفعل اخذت الوصفه منها اللي هيا عباره عن ملعقه كبيره من ترمس مرّ مطحون + ملعقه كبيره زبادي وخلطتهم الي ان صاروا متجانسين ثم وضعتها على وجهي وتركتها الى ان جفت ونشفت تماما وبعدها غسلتها..

وكنت اسوي هالخلطه مره بالشهر قبل الدوره وما سوتها بحياتي إلا اربع او خمس مرات بس......

الخلاصه من التجربه الاولى:

المشكله : كانت حبوب بالوجه متفرقه وتزداد مع بدايه الحيض
الحل : قناع ترمس مرّ مطحون مع لبن زبادي بنسب متساويه
النتيجه : انتهت مشكلة الحبوب للابد وذلك بالنسبه لي وهي تجربتي انا الشخصيه..

المشكله : حبوب بمنطقه الظهر والاكتاف بسبب الجو الحار او نوع الملابس اللي كنت البسها او من الاكل بصراحه ماكنت اعرف سببها....

الحل : جربت معاها طريقه قناع الترمس والزبادي بنفس الطريقه ولكن هالمره كثرت الكميه وفردتها على ظهري بالكامل وكانت طبقه القناع سميكه وعلشان تجف لازم تاخذ وقت اطول المهم اذكر اني تمددت على بطني و حطيت القناع على ظهري واكتافي وبدون ما ادري نمت وصحيت وهي ناشفه تماما يمكن المده ساعتين.. المهم لما رحت اغسلها بصعوبه خرجه ولا ادري ليه...مع العلم اني ما استخدمتها بحياتي الا مره وحده واليكم النتيجه

النتيجه : بعد قناع الترمس انتهت مشكلت الحبوب من ظهري و اكتافي الى اليوم



تجربتي مع القمل.....

اذكر اني كنت بالمتوسطه وكانت بجمبي وحده شعرها مليااااااااااااااااااااااااااااااااااااااااااااااان قمل اللهم ياكافي .. والله ويصير براسي ماصار براسها من القمل وتخيلو عاد وحده شعرها طويييييييييييييييييييييييييييييييييييل وفيه قمل:icon33:

من جد كان الوضع محرج ومؤلم ومقررررررررررررف جدا جدا جدا.. هذا من غير الهرش والحكه المستمره....وانا اكتب بهاللحظه جاتني حكه على السيره الله لايعودها...هههههههههههههههه

المهم تعبت امي معاي ولافادت التفلايه ولا القاز ولاشامبو القمل..هذا من غير الصيبان اللي منثوره في كل مكان بشعري:44:

وكان عندنا كتاب عن الاعشاب والعسل لكني ما اذكر اسمه المهم كانت فيه وصفه للقضاء على القمل بالعسل..

اي والله بالعسل..

المهم كان عندنا عسل ... واقوم بالليل اغرق شعري بالعسل يعني احط على راسي عسل الى ان يكون كالقناع من البصيله الى اطرافه وللعلم كانت الطريقه مظنيه لان العسل يلبد ويلعبك الشعر ..المهم عملت تغطيه كامله لشعري بالعسل وغطيته بكيس نايلو ولفيته بمنشفه عشان ما يوسخ المخده اللي بنام عليها.. وحطيت راسي ونمت..

ما اقولكم عن التقريص اللي كنت احسه كل شوياواللي كنت اصحى من النوم بسببه ولكني كنت ارجع اكمل نومي وبالصباح ياصبايا غسلت شعري عادي واليكم النتيجه..

النتيجه : سبحان الله ولا قمله ولا صيبانه بقيت بشعري يعني رجع شعري نظيف كالسابق ولله الحمد ..
كان عمري وقتها مابين الـ14 والـ15 سنه....



مشكلتي مع اثار البرد << الزكام.

مين مايعرف القشور اللي تظهر بالانف من الجنب بسبب استعمال المناديل اثناء الزكام..

المهم بالنسبه لي كانت هالمشكله مسئله وقت وتروح يعني لما تروح الزكمه وابطل استخدام المناديل بيلتام الجلد اللي حول الانف ويرجع من جديد..
اليكم الحل اللي قادني لمعرفه علاج هالمشكله..
في يوم من الايام كنت انا واختي سهرانين الى الصباح وتعرفون الفضاوه وش تسوي هههههههههه

المهم اقترحت عليها تعالي نجرب لنا قناع نحط فيه كل اللي بالمطبخ من اشياء معقول ومقبوله ..واختي ماكذبت خبر وقمنا نجهز خلطتنا السحريه وهي كانت عباره عن

موية ورد+حليب بودره+لبن زبادي+شوفان كويكر العادي+زيت سمسم+زيت زيتون+عسل+مايونيزالعادي+سدرة مطحونه+ترمس مرّ مطحون+حبة سوده مطحونه+زيت حبة سوده+حبة ليمونه صغيرة بقشرتها+حبه برتقاله يقشرتها+قشرتفاحه كامله+حبه بيضه

المقادير كلها كانت ملعقه كبيره وحد من كل شي ماعدا الليمونه والبرتقاله والبيضه..

طبعا كلها حطيناها بالخلاط الكهربائي بالتريج الى ان صارت متجانسه وقمنا بوضعها على وحيهنا وياسلااااااام الملامح ماصارت تبين من الخلطه وبعد ماجفت القناع غسلناه واليكم النتيجه..

النتيجه : نضارة بالوجه + لمعه خفيفه حلوة + اختفاء نهائي للقشور الموجوده بجانب الانف اللي كانت بسبب الزكمه..

ملحوظه : انا بعدها بفتره قابلت وحده اعرفها وكانت متازمه من القشور اللي حول انفها اللي بسبب الزكمه ورحت سويتلها هالقناع وبعد ما جف وغسلته اختفت القشور من حول انفها...

وبنت خالتي كانت تعمل هالقناع لكل جسمها ولقت انه خفف من اثار الحبوب القديمه ..




اسؤ التجارب.....

قريت قبل فتره عن الكينا كومب وبصراحه عجبتني الطريقه وطرحها فقلت خليني اجربها وش انا خسرانه..وياليتني ماسويتها ..بعد ماقريت انه يفتح الوجه ويعطيه نظاره قمت وشريته من الصيدليه اليكم النتيجه اللي حصلت عليها خلال اسبوع او اكثر شوي ولليوم وانا اعاني منها

النتيجه : وجهي كان بالنادر انه تكون فيه حبه وحده وتختفي بسرعه ولاتظهر الابعد شهور..لكن بعد الكينا كومب آآآآآآآه ماتنتهي حبه من وجهي الا وحبه ثانيه طالعه بدالها كنهم مسوين خفاره على وجهي... و الحبه حجمها كبير ومؤلمة وببطئ تروح...يعني ممكن تبقي من ثلاث ايام لاسبوع واللقاها سميكه كمان
هذا من غير الكلف الخفيف اللي طلع بوجهي عند الجبهه من الجهتين والله بالنسبه لي هالوضع دمار...لكن انا استاهل لاني ماسمعت الكلام..وعن قريب لما اللقى حل لهالورطه اللي انا فيها بقولكم..




************يمكن كتبت بسرعه فطلع بعض الكلام مكلج..لكن بكل صدق وحب كتبت بعض تجاربي ..

اعتذر لو طولت غيبتي عنكم لاني اكون مشغوله كثير ولاكتبت هالكلام الا عشان اللقالي دعوة بظهر الغيب منكم..

فإن عجبكي موضوعي لاتقوليلي شكرا ولكن ابي منكي دعوة بظهر الغيب..ان الله يفرج عليا همي..ودمتم بود سالمات................................لي عودة معاكم ولكن حسب ظروفي والسلام ختام...اختكم الجديده مونـــي:27: