خلاصه الكلام.. الرجال زي الكوره شوتيه وبهذليه وبيرجع لك.. سامحيه واكرميه بيعافك

السلام عليكم
يمكن كثير منكم ردوا على موضوعي السابق
واغلبكم تعاطف معي لان زوجي ظلمني وقهرني
بس الشيء اللي لازم تعرفونه
اني لاول مره اتحمل كل هالاهانات بدون ولاحرف

ساكته وماسوبت اي تصرف ابدا ابدا
وانا العاده اذا غلط بكلمه ارد عليه واوقفه عند حده
او اجرحه بنقاط ضعفه او اهدده بالطلاق
ولو مد يده اروح اشتكيه لاهلي وهم يتفاهمون معه

وكان بكل مره يرجع لي مذلول ومنكسر ويستسمح
ويترجاني ارضى وارجع له البيت
وانا بعمري ماذكرته ولا ذليته.. بالعكس ارجع وانسى

لكن هالمره غير
لما صرت عاقله وسااااكته ومالي اي تصرف
مافكر لليوم يكلمني ولا يسأل عن عياله
ورماني ببيت اهلي ولافكر ياخذني
رغم انه شايفني ماخذه شنطه صغيره ليوم واحد بس
لكن حسيته بايع لاول مره.. مستضعفني..


زمان كانوا البنات ينصحوني ما ارادد ولا اطول لساني
واذا عصب اسكت واصير عالصاااامت ولا اصعد المواضيع
وهو برضو كان دايما يقول لي جربي ماتراددين وتتحملين عصبيتي


للاسف اكتشفت انكم غلطانين.، ولاول مره احس اني بفقد بيتي وزوجي بسبب سلبيتي


مقهوره من نفسي اللي سكت له وسمحت له يتمادي
احسبه اذا راق بيجيني يبوس الايادي
ليتني راده له الصاع 10 ومعرفته حدوده
يكفي اني محتمله عقده النفسيه وعصبيته ونكديته
وفعلا طز بالحياه اللي مافيها كرامه..
وانا لاول مره اتنازل عن كرامتي.. ولواحد طلع مايستاهل..
نوعيه زوجي اللي كل مادستيه كل ماركض وراك..
هذولا اللي مايبين فيهم الطيب..
لاتقولون كل الرجال يجون بالكلمه الحلوه والصبر والتسامح.. لا والله..



انا هاينه على نفسي
وخاطري اتصل واشتمه واسبه وابرد ناري
لانه طعن باخلاقي وشرفي وانسانيتي وعطاني كف
ولسبب تاااااااافه مايتحمل هالاجرام اللي هو سواه فيني
وانا بكل برود سكت وأديت كل حقوقي كزوجه
احس بضعف وانكسار.. شعور قاتل اول مره اعيشه..
حسبي الله ونعم الوكيل