خلاصه تجاربي في الحياة

اولا سلام عليكم

انا مررت بتجارب كثيره في حياتي من جميع النواحي وحبيت افيدكم

تزوجت وانا صغيره وماكنت اعرف كيف اتصرف مع زوجي ...كان لما يصارخ اويرفع صوته اسوي نفس الشي واصارخ وارد الصاع صاعين... ولاني سافرت بعد زواجي للخارج ماكان في احد ينصحني..
ومرت الايام وانا احس زوجي بيروح مني ومدري وش اسوي... والفضل طبعا لمنتدى حواء.. قدرت ارجع زوجي لي مره ثانيه والحمدلله حياتي مستقره..

بعدين موضوع الدراسه بعد الثانوي تزوجت ولادخلت الجامعه نصحني زوجي اني اكمل...بس كنت شايله هم وشلون اكمل في الغربه يعني بأختـــــــــــــــــــصار ماعندي عزيمه.. :09:

وفكرت مع نفسي زوجي بيجلس في الغربه سبع سنوات.... فكرت وشلون سبع سنوات بتمر من عمري وانا ولا شي... والحمدلله تعلمت انجليزي وانا في الجامعه الحين...

الحمل... ماحملت وتنكدت وصار وجهي كأني عجوز من الهم والبكاء.. وزوجي يقولي انتي صغيره وانا مو مستعجل ليه تسوي في نفسك كذا...
غيرت نفسيتي وقويت ايماني بربي ورضيت باللي قسمه ربي لي والحمدلله ....

الجمال... امي قالتلي لاتموتي نفسك بالحياه خليك زي الورده... الورده ماتعيش اذا ماسقيتيها...

ولا اهتميت بكلامها... حسيت التجاعيد والجفاف واضح على بشرتي... الحين الحمدلله صرت اهتم فيها وفي جسمي عموما.... والنتائج مذهـــــــــــــــــــــــــــــــــــــــله..

حتى زوجي يقول وشتسوي في نفسك... في اربع شهور تغيرتي 180 درجه والناس من حولي لاحظوا...


الجسم... جسمي مو سئ وزني قبل الزواج 63 وبعد الزواج 70 وجربت جميع انواع الريجيمات اللي خربت جسمي وساقطت شعري ووووووو

بعدين اتبعت نظام من عقلي اخفف من اكلي واشرب مشروبي المفضل(الكمون) اللي نتائجه مو طبيعيه.. وفي خلال 6 اسابيع شفت التغيير ونزل وزني من دون مااسوي ريجيم...

لدرجه زوجي يقولي احلفي انك ماتستخدمي شي للتخسيس؟؟؟؟؟؟؟؟؟؟؟؟؟؟؟:arb:

وفي اشياء اضافيه ساهمت في تغيير شخصيتي ممااثر على نفسيتي وهي:

الابتسامه ماتفارقني

الرياضه لصحه العقل والجسم 3او2 اسبوعيا..

التطنيش يعني الكلام اللي مايعجبني ويضايقني ارميه ورى ظهري ولا افكر فيه نهائيا....

واهم شي ولولاه ماقدرت اني اجتاز مرحله سوداء في حياتي....:).هو


علاقتي بربي ... قويت صلتي بالله بالصلاه في اةقاتها والصيام التطوع وقراءه القران لو صفحه يوميا والدعاء والصلاه في اخر الليل والاذكار..

ومازلت في اشياء ابي اغيرها زي الحجاب...



بنات اتمنى افدتكم.... ونصيحه لكل وحده غيري نفسك قبل فوات الاوان...:26::26: