السلام عليكم ورحمة الله وبركاته
كيفكم بنات ان شاء الله بخير
طبعا الحين اجازة
اللي بتسافر واللي عندها اعراس
وحاجات كثير
المهم انا قررت وما حبيت اكون انانية في الموضوع فحبيت انكم تشاركوني
طبعا للي تريد
المهم انا ببدأ من اليوم ببرنامج الجمال واللي تبغى معي حياها
عشان اريد اتغير 360 درجة
هههههه فرحانه بعمري
المهم
أولا
سويت لي خلطة للجسم والوجه وكله من المنتدى وهي :
زعفران + شوي كركم+ علبة أو علبتين جليسوليد + شوي زيت الاطفال + بودرة اطفال +شوي نشا ورز مطحون + زيت اللوز +ماي ورد+ شوي صابونة الغار (طبعا بعد ما حطيت لها شوية ماء وعلى النار ذوبتها
وحطيت المقادير كلها بالخلاط
واليوم ببدأ استعماله
ثانيا
بسوي خلطة لشعري
وهي 3م ك سدر
2 صفار البيض
زبادي
3 م ك خميرة
2 م ك زبدة سايحة
3 م ك مايونيز
3 م ك زيت لوز أو زيت خروع
وخليهم على الشعر 4 ساعات او اكثر
وانعمي بشعر ناعم وكثيف
نسيت ما اخبركم اني اشتريت الصابون المغربي والليفة حقة وبسوي لي حمام مغربي في الاسبوع مرة
وبعد تراني بشرب عصير زبيب يوميا لانه زين للبشرة والشعر
أممممممممم شو بعد :41:
لحد تسألني عن مقادير الخلطة الاولى لاني حطيتها كذا بدون تحديد
وبعدين اذا شفت حد بيشارك معي بنكمل المشوار
لانه فيه اشياء كثيرة في راسي ابغى اسويها
من عناية بالاظافر والرموش وقص شعر وصبغة وبلاوي تخلي الوحدة تتغير 360 درجة
اللي تبغى معي
تخبرني
وبنبدأ من اليوم ولمدة شهر
وانا عن نفسي بخبركم عن النتيجة بعد شهر
عابرة سبيل3 @aaabr_sbyl3
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
مو 180
يحليلج :27:
عابرة سبيل3 :41:
والله الصراحه آنا بديت أحط على شعري
سدر + محلب
بس خلطتج اعجبتني والمقادير كلها عندي
إن شاء الله راح أستخدمها
بس للجسم الصراحه عمري ماجربت خلطه على
جسمي ماأدري ما أحب
بس الحمام المغربي وايد حلو :33:
بس انتبهي لا تتفركين بليفه خشنه حيييييل على الجسم
وجربي البخار وايد حلو ينظف المسامات عدل
ويفتحج مع الإستخدام :05: بس انتبهي
لازم اتغسلين جسمج بماي بارد بعد البخار
ضروري
كأني قرقت وايد
<<<<< توها تحس
تسلمين يالطيبه
وإن شاء الله أرجع لموضعج وأكمل شنو أسوي
بس ألحين راح أبدأ بخلطتج مالت الشعر :37: