وصلت لمثل حالتج بس الحمدلله كل مااشوف مصايب غيري تهون علي مصايبي وشي ثاني هذا لتخفيف الذنووب وانا لمن ركزت في حياتي اكتشفت انه ذنووب واايد علي وانه هالامراض والابتلاءات كلها عشان تخف الذنوب واذا قلتي مامسوية شي فهذا اكيد ابتلاء من ربك يختبر صبرك فيه هونيهاا تهوون ان شالله والله الدنيا على بلااويها بعد محظوظين عالاقل عندنا فرصة نتعبد ونزيد الحسنات ومايحس بهالشي الا اللي على فراش الموت ..الله يطول عمرج ويخفف همومك ويرزقك بالزوج الصالح اللي يعوضك عن كل شي وعلاقتك مع امك صلحييها حتى تتوفقين..

لالالالالاتقولي ياربي همي كبيررررررررررررر
وووووولكن قولي ياهم إن ربي كبيررررررررررررررر

إرقي نفسك يمكن إنك مصابه بعين أو حسد
إستغفري وتصدقي واسألي الله الفرج

الله يفرج همك ويرحمك برحمته اختي انصحك بالرقيه الشرعيه

وهدي بالك ترى الدنيا ما تسوى شي

لو تسوى كان حن إلحين زعلانين زيك ونكبر الامور

والله لو اقولك مصايبي كان شاب راسك

بس اني مبتسمه وعلى ربي متوكله

ومتفائله رغم الصعاب

اختي لا عاد تهتمين للناس قلعتهم والله اذا شلتهم من بالك ماعشتي

واساسن الانسان الشمات انسان مريض نفسي أذا كنتي هذي السنه مبتلاه هو راح يبتلى زيك

المصايب متخلي احد لاغني ولافقير

بس الواحد دايم يدعي بالستر والله يستر عليك بالدنيا والاخره والله خرجنا من هل الدنيا سالمين

اذكري ربك
وتعوذي من ابليس
وتوبي توبه نصوحه
التائب من الذنب كمن لاذنب له
استغفري تصدقي تقربي لله صادقي صالحات وشوفي من هم اكثر منك مصائب بترضين
وهذي دنيا من اسمها دنيا
خلقت على كدر وانت تريدها صفوآ من الاكدار والاقدار
قال تعالى (ان الله لايغير مابقوم حتى يغيروا مابانفسهم)
طيب لو انتحرتي هل حليتي مشكلتك؟؟؟
بالعكس المنتحر بالنار وبئس المصير لاحياة فيها ولا موت
ولو انا اذا متنا تركنا لكان الموت راحة كل حي
ولكنا اذا متنا بعثنا ونسال بعدها عن كل شي
بس توبي توبه نصوحه وماعليك من اللي حولك والله يربط على قلبك
امر الله نافذ علينا كلنا ولامرد له
من رضي فله الرضا ومن سخط فعليه السخط
انما الصبر عند الصدمه الاولى
اصبري واحتسبي والله يقويك وياجرك