ماينفع الموكيت إذا عندك أطفال نهاااائي يدمرونه بصراحه
مافيه أحسن من السيراميك مهما يوسخون من تنظفينه يرجع نظيف
بس الموكيت مصيبه غير ريحته تفوح مع كثر الوسخ و خربطت الصغار

يبغالك تقفلين المطبخ من تخلصين منه و عند الأكل أجبريهم ياكلون بصالة الطعام
على الطاوله و كوني معهم لا تتركينهم يحوسون براحتهم
أنا كذا عند الوجبات ما أتعداااهم نهائي لين يخلصون و بعدها أوصلهم للمغسله
يغسلون و يتنظفون و يغيرون ملابسهم لو توسخت و بس أفتك من الحوسه بالأكل خاصه
و مسويه لهم جدول بالوجبات مافيه كل شوي حوسه و خربطه !
أما حوسة ألعابهم مخصصه لهم غرفه خاصه فيها ألعابهم و لي بيطلع بلعبته
ما أسمح له يعني الشغله على التعود و التربيه يا إختي أنا تعبت معهم لين
عودتهم ع الإنضباط أخليهم يحوسون و يلعبون بالغرفه هذي فقط و عندهم تلفزيون
وكل شي يخصهم و بوسط الأسبوع أخليهم ينامون و أنا أشيل حوستهم
و بنهاية الأسبوع لا أجبرهم غصب عنهم يساعدون و يرجعون حوستهم لمكانها قبل النوم
ولي بيعارض بيتعاقب بحرمان من طلعه أو شي يحبه
لازم تكونين حاااازمه معهم التربيه متعبه ما تجي بالساهل يبغالها حزززم لين ينضبطون
وعندي الله يكرمك دورة مياه مأنتكتها و مكشختها هذي مخصصتها للضيوف
أقفلها بالمفتاح و لا أخليهم يدخلونها و الكنب أغطيه بتلبيسه خاصه حتى ما ينعدم
سواء من حوستهم أو من الغبار
و حتى وسط الأسبوع إذا حاسو وخربو و بعدها نامو من يصحون الصبح أذكرهم
بحوستهم و أخبرهم أني متضايقه منهم و أنهم تعبوني لازم تصحين ضميرهم
لو بالكلام و تعودينهم يرحمونك و يساعدونك لا تقولين صعب و ما يمكن
مافيه شي مستحيل مع الصبر و طولت البال
الله يهديهم و يصلحهم

يآختي معقوله ع طول نظافه انا عندي بنت وحده عمرها٣سنوات وحامل بس ألعابها الي بهذلتني أجمعها في خيمة الكور كلها اذا خلصت العب لآن مستحيل تشيلها عنيده الله يهديها سوي زي كذا وانظف وخلاص محد يوصخ نجلس في غرفة الآلعاب
والمطبخ بس انا الي استخدمه بعد مآخلص على طول أنظفه ويكون مقفل عرفتي كيف وأولادك الي يدرسون يعني ماشاءالله فاهمين خليهم يساعدونك



تم الإرسال بواسطة iPhone بإستخدام منتدى عالم حواء

والله اولادك توام اولادي لكن الله يكتب لهم الصلاح
ماعدت اقدر اتكلم بذا الخصوص
لان اولادي حركيين عنيدين فوضويين
هيا وش رايك

اهم شي المطبخ والحمامات نظاف و البيت مكنوس بعد كل وجبه خلاص
اما حوسسه الالعاب شي طبيعي خصوصا ان عندك طفل سن 3 سنوات خليها تعيش طفولتها وتلعب و علميها تلم العابها لما تخلص وتحافظ عليها

نفسي والله حتا نفسي اهملته مر مصدق ينمون عشان ارتح