خلاص انا قررت اتطلق واقدم على وظيفه واعيش حياتي

السلام عليكم


بصراحه ما ادري وش ابي من كتابة الموضوع هذا ؟ يمكن بس ابي احد يأيدني في قراري يمكن ابي احد يقول لي لا
يمكن بس ابي افضفض ... ما ادري وش ابييييي

اللي اعرفه اني عايشه مع زوج كرهن في نفسي وفي حياتي

ابقول لكم قصتي

انا تزوجت وانا صغيره
جسمي عادي وجمالي عادي ماني من اللي يلفون الارقاب ولاني شينه كثير يقولون عني مملوحه وانا طويله الحمد لله واهم صفه فيني اني اذا حبيت اعطي بدون حدود ومخلصه واقطع قلبي عشان اللي احبه :icon33: << من جد بكيت

جا زوجي وشافني الشوفه الشرعيه بعدها قال لأبوي انه ماشافني زين ويبي فرصه ثانيه قالت لي امي خليه يشوفك مره ثانيه احسن لك بعدين يقول ما شفتك زين وشكل المظهر مهم مره بالنسبه له وقالت لي خليك على طبيعتك بدون مكياج وحتى لا تسشورين شعرك عشان ما تخدعينه

المهم شافني مره ثانيه ووافق علي ووافقت عليه وتم الزواج من اول يوم دخل علي فيه قال لي وش مسويه بشعرك اخبره شوشه .. انا عروس واستحيت واخذتها على انها مزحه

المهم كل يوم يعلق على شي مره يقول لي ليش شفايفك ضعيفه كذا ليش مو مليانه مثل البنات وانا اقول له الناس يختلفون

كان مره يقول شي ذم ومره يمدح في شي عشان ما اظلمه

المهم بعد ما جبت طفلي الثاني زااااااااااااااااااادت الحاله عنده مررررررره صار كل ما يشوفني لازم يذمني
اذا سويت ميك اب قال كانك مهرج تحومين الكبد مع اني اسوي ميك اب خفيف جدا والكل ينجن عليه وياخذون رقم الكوافيره مني

يمسك بنتي ويقول عسى والله ما تطلع البنت شوشه عليك لا ان شاء الله تطلع احلى منك

ويسب جسمي بالفاظ ما اقدر اقولها طبعا هنا لكن ذم لاااااااااذع ومؤلم في اشياء ما اقدر عليها خلقة ربي مع اني نحيفه ما ني متينه

وما يسمي بطني الا بطن الضب لانه متشقق من الحمل طيب انا وش اسوي :( ما خليت اعشاب وكريمات شعبيه وطبيه الا وحطيتها طيب وش اسوي !!!!!!!! ويقول صدرك طايح وفيك وفيك

ودااااااااااااااااااااايم على هالحال

بعدما طلعت من النفاس بطفلي الاخير انهبل وقعددددددددد لبست له وقصيت شعري وتكشخت له ويوم شافني قال وععععع وش انتي مسويه خليه لاهله بس
وخلال السنه الماضيه صار يطلع من البيت بالايام ما يرجع ولي مواضيع كثيره اشتكي منه
يسهر يتغزل بالبنات بالاسواق وانا معه ويتغزل بالحريم اللي بالتلفزيون قدامي وعنده رقم في جواله مخزنه بأسم ( خفوقي ) واذا قلت له وش هذا يقول ما بقى الا تشكين فيني بعد
واذا سافرنا انا واياه يقعد يقول شوفي ذيك جسمها احلى منك وشوفي ذيك ازين منك وانا اقول له خلاااااااااااص اتق الله ترا العين تزني يقول الزنا ولا مقابل وجهك بعدين يقول امزح معك ويضحك


والحين طاح بالسفريات وانا ما اطهره ابدا ادري ان وراه بلا وانا خلاااااااااااااااااص مليت ملييييييييت من اني احاول ارضيه واتجمل له وهو يحطمني زي الك ...... وانتوا بكرامه

خلاااااااااااااااااااااااااااااااااااص طفح الكيل من كريمات وعمليات تجميل وقمصان نووووووووووم حسبي الله على من رباه هالتربيه الوسخه لكن نصيبي جا معه :44:

جاني اكتئاب ونوم قهري وامراض اول مره اسمع بها في الاعصاب

طيب علشان اييييييييييييييش ؟؟؟ ليش اصبر عليه ؟؟؟؟؟؟؟؟؟؟؟

حتى العيال ما وده يشوفهم لا يطلعهم لا يمشيهم ولا يهتم فيهم كل اللي يشوفونه منه هواش وبسسسسسسسس

آخرتها من شوي ادق عليه اقول له ان الشغاله تبكي طول الوقت شكلها ودها تسافر ( مسكينه كملت سنتين ومو راضي يسفرها اجازه المفروض رايحه من ثلاثه شهور ويقول لي انا معاد ابي شغالات ابي اجيب لي جاريه تشتغل بالنهار وتوسع صدري بالليل !!!!!

اشغلني في دينتي خلاص ما ابيه ما ابيييييييييييييييييييييه تعبت من الناس تصبر فيني وتقول لي كل الرجال كذا وكل الرجال كذا

تفووووووووووو عليهم كلهم اذا كانوا كذا ربي مولاي يعزني وعبد ما يسوى من عبيده يذلني ؟؟؟ لا يكلف الله نفسا الا وسعها

خلاص من بكره الصباح ابركب مع ليموزين واهججججججججج


ابي اضيف مواضيع قديمه لي اشتكي منه فيها .. ما ابي احد يلوووووووووومني :icon33::icon33:

http://forum.hawaaworld.com/showthread.php?t=1035529

http://forum.hawaaworld.com/showthread.php?t=1234363