السلام عليكم ورحمه الله وبركاته
قبل كل شي فيني من الهم والتعب والحزن ما يكفي فلا تجي وحده تسب والا تدعي والا مدري اش تقول
انا سالفتي سالفه رهيبه بصراحه ومن كثر ماهي معجبتني بحكيها لكم وانا ابكي وراسي بينفجر من الالم
زوجي يا طويلات العمر عصبي جدا وموته وجنانه لا احد يرفع صوته عليه ولا يعصب عليه وفوق هذا هو شخص ما يراعي مشاعر اللي حوله يعني يقول اللي في خاطره ويتصرف على مزاجه واذا احد زعل منه والا قاله ترى اسلوبك غلط يزعل واذا عصبت من اسلوبه والا تنرفزت منه وهو طبعا غصب عني يقوم يضربني يده طويله صح انه مو ضرب قوي بس يعطي كفوف ويقول كلام جارح الى اقصى درجه والمشكله ما يجي يعتذر والا يتاسف او حتى يهديني لمن ابكي لا بالعكس يروح ينام ولا كان شي صار واجلس انا ابكي لين تتورم عيوني واصدع واتعب ويسير جسمي كله تعبان وهونايم ولا همه ويصحى اليوم الثاني يتكلم ولا كانه صار شي امس واذا شافني لسى زعلانه يزعل من جديد زياده على كذا ما يهتم بمشاعري ولا يجلس معايه ولا يخرجني الا بالقوه واذا رحت بيت اهلي ما يجي ياخذني لازم انام عندهم لين اليوم الثاني
كل هذا انا قلت معليش يالله بستحمل عشان عيالي وعشان هو شخص فيه مميزات كثير بس مشكلته اذا عصب والا قلبه طيب ونيته صافيه ونعامله معايه حلو وكريم واعرف ومتاكده ميه في الميه انه يحبني
بس المشكله الجديده اللي طيرت النوم من عيني امه الله يهديها وبس تحاول بكل الطرق تخلي عيالي يكرهوني تعلمهم كيف يتطاولون عليه بالحكي ولا يحترموني وتشجعهم اذا قالوا الفاظ سيئه هي مو عايشه معانا لا هي في منطقه ثانيه بس تجينا كل فتره والثانيه ما تغيب كثير عنا وواذا غابت احنا رحنا لها حاولت بكل الطرق ان اولادي ما يتاثرون بكلامها بس للاسف ما قدرت عيالي صغار مو كبار بنتي عمرها 3سنوات صارت تقول لي كلام سيئ واذا خاصمتها تقول يالله روحي الشارع وتناديني باسماء الحيوانات تعبت معاها زعلت منها وخاصمتها جيتها بالطيب وبالحب بس مافيه فايده ما تحترمني ابدا وبعد ماسافرت ام زوجي صار زوجي يتعامل مع العيال بطريقه امه يحرض البنت انها تسبني واذا زعلت قال كنت امزح وانا عارفه والله انه يمزح بس البنت ما تعرف ولا تميز مزح من جد هي بتتعلم وخلاص وقلت له الكلام هذا قال انتي تبالغين صارت قبل يومين بالضبط مشكله كبيره بينا بسبب هذا لموضوع كانت البنت جالسه ومدري وش سوت قمت خاصمتها قام ابوها يدافع عنها اصريت اني اضربها في يدها شي بسيط مو قوي بعدين قامت القيامه قام ضربني كف على طول عذره اني عصبت ورفعت صوتي وانا من جد عصبت وقمت رفعت صوتي زياده وسرت اصرخ عليه قام ضربني كف ثاني اللي زاد الهم في قلبي وخلاني ابكي بجنون وبحزن شديد والم يقطع قلبي ان بنتي تقول لابوها يالله خاصم ماما واضربها وهو صار يضحك ويستهبل ويقول لها عيب وطبعا النبت ماراح تقتنع بكلامه وهو دوبه تصرف كذا قدامها رحت نمت لاني ادري ماراح يعتذر لو اطير هوما يشوف نفسه غلط ابدا وصحيت اليوم الثاني ما ابغى اكلمه وجلست كذا يومين اكلمه بس رسمي بالمره وهو يحاول يتكلم بس انا مو قادره كل ما يكلمني اتذكر كفوفه وكلامه الجارح لي واهانته وبعد يومين تخاصمنا مره ثانيه على نفس الموضوع يقول ليش لك يومين ماده بوزك ولا تتكلمين مو مقدر اني انجرحت وانهنت وراحت كرامتي وهيبتي انا افكر كيف بنتي بتحترمني كيف بتتعامل معايه اذا كبرت وهذي طريقه ابوها اذا عصب علىطول كف وكلام زي السم لي يومين افكر في الطلاق خلاص تعبت من العيشه مع شخص اناني وقاسي ولا يهتم بي ابدا بس ارجع واوقول طيب وعيالي انا ما اتحمل البعد عنهم دقيقه وعارفه ومتاكده ان لو تطلقنا بياخذهم ميه في الميه وماني عارفه كيف اتصرف مع امي زوجي ما ابغى اقول لزوجي ان امه مضايقتني لانه شايف ان هذا مزح ولا عارفه كيف اتحكم في بنتي وما تتاثر بالكلام هذا ساعدوني حاسه اني خلاص قربت افقد بيتي وعيالي خصوصا انه اليوم مهددني بالطلاق لاني ارفع صوتي عليه وهو يبغاني خاضعه له تماما وممنوع اعصب او يطلع صوتي واذا ما اقدر حاولت كثير بس انا بشر غصب عني اعصب وهو حركاته مستفزه
دخيلكم ساعدوني والله منهاره الى ابعد درجه وابغى احد يساعدني لاني عاجزه عن التفكير بطريقه سليمه بس افكر في الطلاق وفي نفس الوقت بموت لو طلقني احبه واموت فيه ولا اتخيل انه بقدر اعيش بعيد عنه
كارهه الدنيا @karhh_aldnya
عضوة جديدة
يلزم عليك تسجيل الدخول أولًا لكتابة تعليق.
ياقلبي..
همك كبير .. بس عدك رب اكبررررررر..
ادعيه في كل صلااااه ..
تقربي منه اكثر واكثر راح تلاقينه اقرب لك من حبل الوريد
...
همك كبير .. بس عدك رب اكبررررررر..
ادعيه في كل صلااااه ..
تقربي منه اكثر واكثر راح تلاقينه اقرب لك من حبل الوريد
...
شششما
•
والله اسمحيلي يااختي اللي يمد يده قلبه مو طيب ومستحيل يحب
فلا تقولين طيب لان هذا مومن صفات الرجل الطيب
وتقولين بس اذا عصب اللي مايملك اعصابه وهومعصب متى يملكها
شوفي انتي لاتزعلين عليه احقريه يعني عامليه برسميه اجلسي معه قهويه استقبليه بس لاتعطينها وجه لاتضحكين بوجهه
واذا قال ليش قولي تمد يدك علي وقدام بنتي بدون احترام
وخوفيه قولي والله لين مديت يدك علي والله اني لا امديدي عليك واوقفك عند حدك بس لاتسكتين بكره يكبرون عيالك ويطبقون كلامه
وبالنسبه لام زوجك انتي كلميها قوليلها لوسمحتي انا محترمتك ومحترمه مكانتك انك ام ولك عيال لواحد يحرضهم عليك وش تسوين حتى لو مزح
بنتي انا ابربيها وانتي تخربينها ولا عليك منها اظن ماغلطتي لوقلتي كذا
اتمنى ان تقبلين مشاركتي بصدر رحب بدون زعل
فلا تقولين طيب لان هذا مومن صفات الرجل الطيب
وتقولين بس اذا عصب اللي مايملك اعصابه وهومعصب متى يملكها
شوفي انتي لاتزعلين عليه احقريه يعني عامليه برسميه اجلسي معه قهويه استقبليه بس لاتعطينها وجه لاتضحكين بوجهه
واذا قال ليش قولي تمد يدك علي وقدام بنتي بدون احترام
وخوفيه قولي والله لين مديت يدك علي والله اني لا امديدي عليك واوقفك عند حدك بس لاتسكتين بكره يكبرون عيالك ويطبقون كلامه
وبالنسبه لام زوجك انتي كلميها قوليلها لوسمحتي انا محترمتك ومحترمه مكانتك انك ام ولك عيال لواحد يحرضهم عليك وش تسوين حتى لو مزح
بنتي انا ابربيها وانتي تخربينها ولا عليك منها اظن ماغلطتي لوقلتي كذا
اتمنى ان تقبلين مشاركتي بصدر رحب بدون زعل
الصفحة الأخيرة
والله زوجك يبغاله توقفه عند حده مو بكيفه على كل سالفة كف
اذا عندك رجال خليهم يجون لبيتك ويكلمونة ويقرصون اذنه بكلام يعرفة قيمته