نصيحة خذى موقف ولا تخلينه يهينك قدام بنتك ولا تخلين بنتك تتطاول عليك مهما صار وقفيه عند حده هو وامه بعدين بتعضين اصابعك ندم اعرف كم وحده كذا سكتت واتحملت ولما كبرو عيالها ماصاروا يضربون لها حساب وكل ماتكلمت بشي ما عجبهم تعالى اسمعي الردود والنفخ والهزر لامهم وحده عندها بنات واتحملت علشان بناتها وذحين بنفسها تقول لو انى خليتهم وابوهم ورحت لاهلي كان احسن ليه ضحيت على شانهم وهم ما يستاهلون لاهم ولا ابوهم لانهم تربية ابوهم فى مد اللسان والوقاحة كل شي الا الاحترام خاصة من الابناء لامهاتهم من شب على شئ شاب عليه ........لاتقولين صغيرة ما تفهم لا تفهم وتتعود على طولت اللسان وقلة الحياء ....فوق تعبك حمل وولادة وتربية وسهر ليالي وفي النهاية يخرب عيالك عليك ويمدو لسانهم يعني لا زوج ولا اولاد..........واسمحي لي انتى غلطانه من سكت من البداية كان من اول كف وقفتيه عند حده علشان ما يتمادى وتصير حلا كل مازعل ضرب ....ولاتقولين اذا عصب هذا عذر لك انتي تصبري نفسك وتحاولين توجدي له عذر علشان تسامحيه وتكملي العيشة معاه زي اللى يضحك على نفسه بكذبه ومصدقها ...فكري زين يااختى الوحدة ما طلعت في هذي الدنيا الا بعيالها هم ثمرة تعبها والواحد ما يرجو الابرهم ....كيف تبغيهم يبرو فيكي ويحترموكي وهذا الحال ؟

اولااختي صاحبة الموضوع اقري معي الحديث القدسي
عن ابي هريره رضي الله عنه قال قال رسول الله صلى الله عليه وسلم(قال الله عزوجل:يؤذيني ابن ادم يسب الدهر وانا الدهربيدي الامراقلب الليل والنهار)
السب هو الشتم او التقبيح اوالذم
الدهرالوقت والزمان
يؤذيني اي ينسب الي ما لا يليق بي
وانا الدهراي انا ملك الدهرومصرفه ومقلبه
والسب قد يتضمن الاشراك بالله عزوجل اذا اعتقدان الدهر ينفع ويضر
فالسب اما اشراك بالله او مسبه لله
شفتي ياختي وانتي الله يهديك امسميه نفسك كارهه.....
مادام تقولين انه فيه مواصفات حلوه الحمدلله يعني اشتغلي على الاشياء اللي ماتعجبك فيه عاد انتي وشطارتك والصراحه مافيه شي لو قلت لام زوجك ان اللي تقوله عنك وقدام بنتك انه غلط وانصحيها بالدين ماهو بس علشانك بعد علشان تاخذين اجر بالنصيحه خصوصا ان ديننا مايرضى لاهانة الانسان او احتقاره يعني لاتسكتين عن الغلط والله يوفقك ويهدي زوجك لك

الله يسخره لك .. ويهديه ويصلحه ...

ويفرج همك يارب.........

ام زوجي تقول لاعيالي امكم وابوكم مايحبونكم في اكبر من كذه

المهم جا يوم من الايام وقدام زوجي وقفتها عند حدها قلت لاتحرضين عيالي

في احد في الدنيا مايحب عياله وزوجي بعد زعل وجلس يقولها لاتفرقين بيني وبين

عيالي مثل ماسويتي بين الاخوان ..شكل هالحريم يكبرن ويخرفن..لاتزعلين مره بنتك صغيره بكره ان شاء الله تكبر

وتعرف الصح من الغلط..

من ناحيه عصبيه زوجك زوجي نار الله في الارض خصوصا لازعل بس طنشيه خليه يصايح

ولاتحرقين نفسك كنت احرق نفسي لاعصب بس بالاخير تعودت يعصب ويرضى من حاله

والله فيه ردوود ترفع الظغط طيب لو لا سمح الله تطلقت تظمنون لها واحد مايمد يده ومايعصب ولا حظو فداحة الخساير اذا سمعت كلامكم وتطلقت بيتها وعيالها وزوج تحبه ويحبها ويدور راحتها وسعادتها ومافيه الا عيب واحد انه مايحب احد يرفع صوته عليه يمكن بسبب مشكله تعرظ لها في صغره اثرت عليه او شي صار بين امه وابوه وهو صغير واثر عليه او لاي سبب كان

وهو صحيح مافيه الا حلين ومافيه غيرهم

الحل الاول ماعاد ترفعين صوتك بتاتا البته والنتيجه حياه سعيد في ظل ابنائك وزوجك الي تحبينه

الحل الثاني:تطلقين والنتيجه تهدمين بيت وتظيعين اطفال وتدمرين اسره وتبدأين دوامت الدموع والاحزان

وعاد انتي اختاري الخيار الي يعجبك
وكنت بقولك لوتحاولين في زوجك يروح طبيب نفسي او ياخذ رقم طارق الحبيب ويكلمه بالتلفون وباذن الله يساعده
لكن بصراحه مميزات زوجك الكثيره حسستني ان زوجك ماعنده اي مشكله الا اذا عصبتي انتي ورفعتي صوتك فاظن ان المشكله عندك انتي فياليت تحاولين تعالجين هالمشكله عندك وباذن الله تنحل مشكلتك مع زوجك