خلاص تعبت 8سنوات ماقدر استحمل

اعتبرها قصه حياتي بس ساعدوني مالي غيركم ماقدر اقول هالكلام لاحد تزوجت من8 سنين وكنت في بيت اهلي المظلومه ودايم احس ان اللي بيتزوجني بيلعب علي بحكم اني اصغر البنات واخواتي تزوجو قبلي ب10 سنيين تزوجت وكان عمري 22من زوجي وكان عمره24 فيبدايه الزواج وتقريبا3يوم للزواج طلع زوجي من البيت يقول عندي مباره باشوفها في الاستراحه طلع وماتاخر وبعدين صاريطلع كل يوم وصار يتاخر الى الفجر او بعد الفجر ولمايرجع اشم فيه ريحه زي الفروله وسافرنا وفي سفرتنا فاجاني بانه يشرب المعسل وهذي سبب الريحه واقنعني انه اذاجابه للبيت مافيه مجال ان يطلع وافقت وجابها وخفف طلعاته وبعدين رجع اشد من اول تصوروا معتبر البيت فندق يجي ينام ويقوم ياكل يطلع بس كان لمايجي مشتاق حملت ونفس الحاله السهر والشيشه في البيتفي اول زواجي كانت ضروفه صعبه وكان عليه ديون من الزواج وقالي وشرايك ابيع ذهبك عشان اسدد ديني بعت طقم كبير والله لما رجعنا من السوق جلس يبكي في السياره يقول ماودي تبيعين ذهبك وجبت البيبي المفروض يحس انه مسوول ويبطل سهر لكنه ابد لكن علاقتنا مع بعض حلوه نحب بعض وحملت بعدسنتين وجبت الطفل الثاني وعلاقتنا حلوه كملنا 5سنيينبعدين دخل فلوسه في الاسهم واخ قرضين للاسهم طبعا كلها راحت خساره مع ان راتبه فوق 8 الاف الا انه من تزوجته وهو دايم مضغوط انا مع اني في بيت اهلي مااشتري الاالغالي صرت ابحث عن الانيق لكن بسعر قليل ودايم يقولي انتي من تزوجتك جبتي لي الفقر وانا قبل ماتزوج ماعندي مسئوليات وانا طلباتي موكثيره يعني في العيد وفي كسوه الصيف والشتاء انا احرص اني اطلب منه كثير لاني ادري ان معه فلوس وراتبه زين ولاعندنا اجار ساكنيين في شقه ملك لابوه مع بعض احس بدت تصير بينا مشاكل لكن مازعل ولا اروح لاهلي احتراما للحب اللي بينا بعدين حملت للمره الثالثه ودايم يقول مامعي فلوس حتى المقاضي ماتقضى زي الناس ب600 ب700 لو اتقضى 300 انهبل يقول صرفت كثير بدا يبعد عني شكيت ان له علاقات هاتفيه وصارحته وانكر لكن حسستته اني موكل شي يمر علي انا اتوقع يحرمنا من الفلوس وغيرنا يستمتع وقل سهره في الاستراحه وصار يرجع بدري موبدري مره يعني12 بالليل لكنه مايحب ابد نطلع نتمشى من تزوجته يقول الرياض مافيها اماكن للتمشيه احسها انانيه كل يوم يطلع ويوسع صدره واحنا في البيت مايفكر يطلعنا الابعد حن وزن حملت للمره الثالثه في اخر حملي حسيت انا بعيدين عن بعض حتى النوم اكثر الاحيان ينوم في الصاله لما ولدت كان عنده انتداب في امريكا راح واخذ من ابوه سلفه يقول المعيشه هناك غاليه ولمارجع هي رحله تبع الدوام لكن في بريك كم يوم اجازات كان مصور في ديزني لاند وفي اماكن تمشيه كثير انا لماكملت 20 يوم في بيت اهلي مليت طفشت عيالي جنننوني شياطين مره الله يصلحهم ويهديهم فطفشت نفاس وزوجي غايب قلت بارجع لبيتي قبل مايجي زوجي لانه رافض اني ارجع الابعد شهر لكني ماقدرت استحمل وجيت للبيت لما وصل تفاجى مني اني جيت لللبيت وزعل وفال ماني نايم بالبيت انا قلت بسلامته اهم شي انا مرتاحه لاني في بيت اهلي مارتحت لكنه جا في الليل وصار ينام في الصاله طبعا استمرينازعلانيين 20 يوم لما خلصت من نفاسى رضينا شوي لكني احس انه جرحني بموقفه الحين لي3شهور بعد النفاس قلت له باقضي لعيالي في الصيف لاني كنت حامل وتعبانه ولاقضيت الشهر اللي فات رفض والشهر هذا قال حطي من فلوسك اللي عندك وقضي لهم ماصدقت انه يوافقبعدين جتني صدقيتي وجاني وهي عندي قال باسافر مع العيال يومين وراجع وين قال مالك دخل واساله مره ثانيه وين يقول مالك دخل بعدين كلمني مارديت عليه بعديت رديت لانه مافكر يكلم الابعد ماوصل بيوم وعشان كذا راحت فلوسه في سفر واليوم اقوله باسافر رفض يقول مامعي ويرفع صوته علي من عرفتك عرفت الفقر انتي جبتيه لي قلت بفلوسي قال ماتكفي فلوسك وطبعا الحين صارت مشكله ورفع صوته عشان يقطع الموضوع ويجيب كل الغلطات علي وانتي واكتم عن جميع الناس مواقفه الشينه معي ومخليته ازين رجال في الدنيا مدري وش الحل زواجنا يحتاج ايش احس انه بينهار لانه احس انه يكرهني وانا ماسويت له شي بس يقولي باوديك بيت اهلك قلت له انا هذا بيتي وبيت عيالي ماارح اطلع منه تبي تطلع اطلع انت لان ابو زوجي يحبني وحاس بان ولده ظالمني مع اني مارضى احد يتكلم فيه مدري وش اسوي انقذ الزواج احس انه يكرهني وانا اكرهه بس انا جالسه مابغى بيت اهلي وهو متمسك عشان العيال دلوني يابنات وش اسوي يعني احس اني انا الغلطانه انا السلبيه ساكته على الشيشه في بيتي وساكته انه يسهر ويطلع ولايحدد لنا يوم
انا ماكرهه بيت اهلي بالعكس كل اسبوع اروح وانوم يوم اويومين لكني مابي اروح زعلانه والناس تشتمتت وبعدين عيالي الله يصلحهم مره اشقياء ثنين لكنهم يطفشوني وانا احس انه يتهرب من المسئوليه وبالنسبه للفلوس يعطيني في المواسم ولكن دايم يقول انتي طفرتيني وانا احس معه فلوس مدري كل الرجال كذا يعطون حريمهم ويتحسفون وسهراته ****لله مافيها خراب بس الشيشه لكن حتى لويجلس في البيت معد افرح انه موجود تصورواا نجلس ساعتين او3ساعات مانسولف هو ماسك كمبيوتره وانا كمبيوتري او نطالع في التلفيزون بس محد يحاكي الثاني تصورا اروح لاهلي مشوار نص ساعه مانتكلم هوقبل سنتين سوى تمثيلله يقول انا فيني عين ومعد احبك بس مدري دايم يهاوش العيال ولااحسه حنون مثل الابوان