السلام عليكم ورحمته الله وبركاته
بصراحه لي يومين حابه اتكلم بالموضوع هذا والحين شديدت الهمه وبتكلم عنه
آنا ستار فوشيه واغلب البنات يعرفون مشكلتي وغلطتي وسبب طلاقي والحمدالله على كل حال اللهم آجرني في مصيبتي واخلفلي خيرآ منها:44:
الحمدالله على كل حال
بنات من عقب ماصارت المشكله وأنا صرت انسانه ثانيه من عقب الغلطه هذه وانا وحده ثانيه عرفت انا ربي يبي يكفر عن ذنوبي ويبيني اتقرب له آكثر
صدق الي صار لي مو آشوي بس احمده واشكره لا اعتراض على قدرته
الحمدالله ربي هداني من على الدنيا هذه اول كان همي بس ابي كل احلامي الدنيويه تتحق بس
ماكنت افكر بالاخره ولا افكر متى آموت كله اقول صغيره وباقي على عمرك كثير الحمدالله ماكنت عاصيه كنت اصلي وادي واجباتي المفروضه بس ذنوبي كثيره
الحين لي شهرين الحمدالله صرت اذا ابي اشكي ما آفكر اشكي لئي آحد على طول اروح اشكي لربي
صدق اني مهمومه وحزينه على حالي بس اذا فكرت بالحزن اقول كل شي مقدر وربي راح يفرج علي
بنات الي عندها ذنوب على طول تروح تتوب ولا ترجع للغلط مره ثانيه لمتى وآحنا نذنب
نصيحه قبل ماتندمين وتقولين آه ياليت وياليت الحين انا قلت ياليت ياليت بس شنو نفعني مانفعني حاجه الي كنت احبه واموت فيه رآح مني تركني بسب غلطة مكالمه مره وحده لا غير ربي كشفني عند زوجي شوفو يابنات كيف بس مره كلمته وربي كشفني
لا تستهينو بالمعصيه اذا فكرتي تذنبي ولا تغلطين فكري انا ربك فوق ويشوفك وانتي تدرين انه فوق ومو معطته آهتمام
بنات ربي يمهل ولا يهمل
خلاص لمتى وآحنا نعصي لمتي واحنا ربي يكرمنا وبدال مانشكره نروح ونعصيه مو كذا قهر وربي قهر
لو زوجك قاللك ابي شي شبه مستحيل انك تحققينه وابيك تسوينه وانتي عارفه انه شبه مستحيل ورحتي وسويتيه وعطيتيه وبعدها يتشكر للك طول اليوم وبعدها بأسبوع تزوج عليك ولا طلقك ولا ضربك ولا اهانك مو تنقهرين
راح تقولين بخاطرك انا سويت له المستحيل وهو بدال مايجازيني يسوي فيني كذا أيش بيكون شعورك >>>>> آكيد بموت من القهر لأنه مايستاهل وبضل حاقرته وبكرهه
واحنا يناس لمتى وربي يكرمنا ويعطينا ويفرج علينا ويحقق أمانننينا واحنا بدال ما نطيعه نعصيه
لمتى وآحنا كذا
ربي عطانا نعم وربي ناس يتمنون ضفرها الحمدالله ربي معيشنا في ديره آمان مو آكبر نعمه هذه
ننام وآحنا مرتاحين مانخاف من تفجيرات ولا انتظر من يموت شوفو آخواننا الي في فلسطين ماعندهم ماكان ينامون فيه
واحنا غرف من اجد الموديلات ملابس من أفخم الماركات لبتوبات جوالات من اجد الموديلات كل شي متوفر عندنا بسهوله ونقول ليش احنا كذا شوفي بنت فلان وشوفي ولد فلان ليه اهو آحسن مني ليه انا ما أصير مثله
كل بيت وله مشاكل محد بذا الدنيا مرتاح الا الناس الي تبي الأخره وماتفكر بالدنيا الا بشي يسعد الله
بنات انا كتبت ذا الموضوع الا اني مجربه خسرت شي غالي وربي غالي كنت احب زوجي واموت فيه مادري كيف دخلت الشات واخذت رقم وكلمت مادري كيف آانا لو آدري شلون صار يمكن ارتاح ضميري بس مالقيت الجواب:44:
آه يابنات آنا محروقه كآنه حلم في دقيقه كلمته وبعدها كشفني وبعدها طلقني موقف صعب
ربي عاقبني وخسرته ويمكن ربي رايد لي الافضل
بس آنا الحين ابي في الدنيا ربي يرضى عني ويغفر ذنوبي ويتقبل توبتي ويستر علي
خلاص نصيحه مني من قلب مليان جروح وهم وندم توبو توبو توبو خلااااااااااااااااااااااااااااااااااااااااااااااص لمتى وآحنا نعصيه لمتى
لين ربي يأخذ آمانتنا واحنا على معصيه
ترى النار قويه ترى النار تعور تتتخيلني نفسك وانتي تتحترقين ليه اتخيل نفسي انا احترق وانا قادره انا ربي بدال مايحرقني يدخلني الجنه الي لا عين رآت ولا اذن سمعت ولا خطر على قلب بشر
مهما كانت المعصيه كبيره ولا صغيره انا ما اقول الي تكلم والا الي تخون لا المعاصي واجد وانا ابيكم اتوبون من جميع المعاصي
بنات خلاص خلو الموت في اعيونكم شوفو كم عايله تموت شوفو كم طفل مات يابنات ترى الموت كثر دايم اسمع في الشهر اقل شي يموتون 10 اقل شي
تدرين انك الشهر الجاي تصرين من ذا العشره يمكن اليوم الي اعزيهم بكره يجون يعزوني
ترى الدنيا فانيه الدنيا ايام بس وتنتهي
ماتسمعون انا كل العلامات الصغرى تحقققتك
خلونا نتعض ونستعد للأخره انا ما أقول خلاص جلسي في غرفتك ولا تطلعين وجلسي 24 ساعه عباده
خلونا نعمل للأخره ونعمل للدنيا الي فيها سعاده لنا وعند ربنا
اللهم اجعلنا من عبادك الصالحين الملتزمين بطاعتك واتباع سنة نبيك محمد صلى الله عليه وسلم
اللهم ابعد ني وعن الملمين المعاصي والفتن ما ظهر منها وما بطن
اللهم اقنع قلبي من الدنيا وحب المال وارزقنا بالرزق الحلال
اللهم امين لي ولجميع المسلمين ياكريم ياحي ياقيوم برحمتك نستغيث
اللهم اني أسألك بحق قولك ( ادعوني استجب لكم ) اللهم ها انا دعوتك كما أمرتني فـ لا تحرمني إجابتك
يا أرحم الراحمين ..
اللهم يا حنان يا منان يا بديع السماوات والارض .. يا ذا الجلال و الإكرام .. ياحق ياقيوم..
أسألك بحق قولك ( أمن يجيب المضطر إذا دعاه ويكشف السوء)
اللهم اعطني ولا تحرمني عاجلاً غير آجل برحمتك يا أرحم الراحمين
وكل وحده ادخلت وقرت موضوع ربي يسعدها ويوفقها ويحقق احلامها ويبعد عنها كل مكروه ويحسن خاتمتها يارب
يا مغيث اغثني يا مغيث اغثني يا مغيث اغثتي ..
وصل اللهم على سيدنا محمد وعلى آل وصحبه وسلم
وكل وحده تدخل تدعيلي انا ربي يستر علي ويفرج همي ويتوب علي ويغفر ذنوبي ويحسن خاتمتي
اللهم آميــــــــــــــــــــــــــــــــــن
ستار فوشييه @star_foshyyh
عضوة فعالة
يلزم عليك تسجيل الدخول أولًا لكتابة تعليق.
جزاتس الله خير والل يتقبل منتس
وش اخبار ابوتس واهلتس عساهم متفهمين الوضه من فتره وانا افكر فيتس
وش اخبار ابوتس واهلتس عساهم متفهمين الوضه من فتره وانا افكر فيتس
][جودي][
•
الله يثبتك ويثبتني ويثبت كل الاخوات المسلمات
كلامك عين الصواب
ولا عليه اي زيادة
كفيتي ووفيتي
كلامك عين الصواب
ولا عليه اي زيادة
كفيتي ووفيتي
الصفحة الأخيرة
دعواتِي لك يَ حبيبه