بـنـت صـلالـة :

هلابك بعد الغيبة الطويلة يا غالية وإن شاء الله راح ترجعين وترجع أمورك كلها طيبة يا رب... يا أختي أجلي التفكير بالطلاق وحاولي البدء في علاج الوضع أولاً بتقوية شخصيتك وعدم السماح لأحد بضربك ولو كانت أم زوجك وحاولي إفهامها أن احترامك لها ولكبر سنها لا يعطيها الحق في مد يدها عليك وبعدها حاولي التفاهم مع زوجك وانتشاله مما هو فيه وجميل لو يحضر لعند أهلك وتجلسوا جلسة مصارحة وعتاب ونصح على انفراد وتتصارحوا بكل شي هالمكاشفة بينكم بتصلح أشياء كثير وممكن تحمي بيتك من الإنهيار بعد كل هالعشرة بينكم ... أتذكر بيتك الحلو وأزهارك وابنك العسول وكلامك الطيب عن زوجك قبل وعن بيتكم اللي بتكملوه حتى المسجد الجميل اللي صورتيه وكان يبنوه عندكم تذكرته... كل هالأشياء الجميلة تذكرتها وارجعي بذاكرتك بتتذكري أشياء أجمل وأجمل في حياتك فحاولي المحافظة على هذا الجمال والذكريات الطيبة في بيتكم وبينكم وهو أكيد محتاج لمساعدتك وتعاونك لانتشاله من الطريق الذي يسير فيه ... كلميه وصارحيه وحلفيه وذكريه بالله وبعقابه وذكريه بنفسه سابقاً اعطيه أمل إنه يصير أفضل واستمعي له ولأسبابه وغيري في نفسك واجذبيه غازليه غرقيه مثل جونو بالحب والكلام الحلو وراسليه بمسجات ومكالمات حلوة بعضهم سمعيين يحبون يسمعون أكثر وحسسيه بأعلى درجات الحنان عليه بالكلمات الحلوة والترحيب والاستقبال الحلو لا تقولي كبرنا على هالأشياء إلا عند زوجك ما تكبري اصغري زيادة خاصة وهو على هالحالة و صدقيني الرجال صندوق بس اعرفي مفتاحه وين تملكيه وتحافظي عليه ... المسجد اللي بجنب بيتكم حاولي يكون من مرتاديه بتشجيعك له وشوفي أحد حولك وينفع يكون صحبة صالحة معه ويستقيم ... صبرتي 9 سنين وجاهدتيها ومستعدة تضحين بالعشرين كلها وتستسلمي ؟ كملي صبرك الجميل مع محاولة إصلاح الوضع والدعاء له... وبتغيريه وبيرجع مثل ما كان إنتي بس حاولي وخليه يحتفظ بماء وجهه ومهدي له طريق الرجوع للصواب ... كتبت الرد على عجالة وعزيزة وغالية يالمسقطي حاولي واحتسبيها عند الله نية صادقة لإصلاح زوجك والمحافظة على بيتك والله يوفقك ويقوي شخصيتك ويهدي زوجك ويسخره لك ويحفظ بيتك ...

هلابك بعد الغيبة الطويلة يا غالية وإن شاء الله راح ترجعين وترجع أمورك كلها طيبة يا رب... يا أختي...

atoora :

كل وحده بتعطيك من وجهة نظرها وطبيعة حياتها هي. لكن انتي اكثر وحده عارفه وضعك. وانتي اللي تقدرين تقررين وتشوفين اللي يناسبك. احسبيها من كل النواحي: اذا رحتي بيت اهلك كيف راح يكون وضعك وتقبلهم؟ هل بتكونين مرتاحه واهلك ماعندهم مشكله؟ عيالك وش وضعهم؟ بيجون معك والا بيظلون مع ابوهم؟ انتي كيف مخططه لحياتك بعد الانفصال؟ عندك دخل او ناويه تشتغلين؟ كل هالامور احسبيها زين عشان تعرفين تقررين. بالمقابل شوفي لو قعدتي معه وش الايجابيات وايش الاضرار. وهل عيالك صغار وراح يتضررون من الوضع الحالي وسوالف ابوهم وقدوتهم دارين عنه والا كيف؟؟ والا عيالك كبار وتقدرين تعتمدين عليهم وماتخافين ياخذهم منك وبالتالي تعيشين حياتك بدون وجع راس من ابوهم وخياناته؟؟ وسالفة امه تمد يدها لا ابد هذي قضية ثانيه ليش ساكته عنها انتي من اول؟؟ يعني لاتخلطين هالمشكله بمشكلة الخيانه. احسك كابته ومجمعه جواتك وجيتي الحين طلعتي كلش مره وحده وعشان كذا على طول فكرتي بالطلاق. لازم يصير لك موقف يغير كل هاللي صاير. اما سالفة تلجاين من اولها للطلاق انا مو معك فيها. انتي قبل تفكرين بالطلاق ايش الحلول اللي جربتيها طيب؟؟ والا على طول طلاق بدون لاتجربين شي؟؟؟ لاتخلين الطلاق مجرد هروب عشان ماتواجهين اللي انتي عايشته منه ومن امه. قبل تجربين حلول ثانيه. ولاتنسين تستخيرين وتدعين ربك الله يبدل حالك لاحسن منها ويعطيك الصبر والقوه على اللي انتي فيه

كل وحده بتعطيك من وجهة نظرها وطبيعة حياتها هي. لكن انتي اكثر وحده عارفه وضعك. وانتي اللي تقدرين...