كل شي إلا انك تعايرينه .. شوفي ، هنا أساس المشكلة :

زوج يحس بالنقص وطريقته في تعويضه هي الانتقاص منك ! خلاص هذا كل شي ..
إذا استوعبتي شخصيته راح تهدين لما يبدأ بالمقارنة وتخلينه يفضفض من باب انك عارفة حالته .. يعني مايحتاج العصبية .. أصلا فيه طرق حطوها المختصين ، للتعامل مع الأزواج الي يحسون بالنقص
منها ، انك تحسسينه بانه سبب في نجاحك
ومنها ، انك تاخذين رايه في امور كثير تختص بشغلك وغيره
و ايضا ، تحسسينه ان آراءه وكلامه عن شغلك مهمين مرة وإذا عطاك اي رأي حتى لو كان بايخ بالغي في الشكر وبرضه حسسيه بأهمية شغله لاتقارنين
وبعدها بتحسين تضاؤل هذي الحالة عنده لأنه معد صار يحس انك أحسن

طبعاً أهم شي ماتتفاخرين بتعليمك ودراستك بصورة استفزازية هذا يزيد الحالة بشكل كبير


عزيزتي يلفت نظره وتلقينه يناظرك بطرف عين عشان ما تلاحظين :42: بس تقصدين انه مايعلق .. وشوفي هذي مشكلة البنات الي ردوا بعد ..
يعني .. طبع في الأزواج .
وترى البنات طبعهم التعليق والمدح .. يعني لاتقارنين زوجك بصديقاتك
:27:

الله أعلم ..

ربما طريقته ردة فعل طبيعية كونه أقل شهادة منك...
فمو قادر يظهر نفسه لكن قادر يحطمك بأختة ..!!

تجنبي الحديث معه بنفس الموضوع ..
حتى تريحينه وترتاحين...

أما بالنسبه لشكلك ..
فطبيعة الرجال يرى مايعجبة ويلفت نظرة لكن بلا تعليق..
عكس الأنثى اللي يلفت نظرها أي شي وممكن تعلق عليه..
فلا تقارين زوجك كرجل مع صديقاتك وارائهم....

وأستمري على أناقتك وإهتمامك بنفسك....
ولاتتركي نفسك عرضة لأراء الآخرين فتهتز على حسب أمزجتهم..

..

كوني واثقة من نفسك...:)

مع دعواتي لك بالتوفيق..:26:

اختي بالنسبة للتعليق زوجك انتي سحبي منه الحجي سحب


يعني انتي قوليله شرايك بنفنوفي ؟
شرايك بشعري ؟
شرايك بتراجيي؟
شرايك بمكياجي؟؟

ليمن اهو يهتم بهالشغلات و يقولج من غير ماتسألينه

حبيبتي ... بقولج شي اتمنى انج ما تزعلين ... الريال لي شاف المره ساكته عن سخريته واستهزاءه ... وخاضعتله ومنكبه عليه وتبي رضاه بكل شي ... يدوسها ... اي نعم يدوسها ... لازم يكون لج موقف ... ويكون لج رايج وشخصيتج .... يعني كان المفروض انج توقفينه عند حده من الاول ... عشان لا يتمادى...

بس الحين الي اطلبه منج انج ما تسكيتيله واذا عايرج بشهادتج ذكريه بنفسه ...


بعدين نصيحه مني : لايصير الريال كل همج في الدنيا ...اي نعم اهو له عليج حق .... لكن لا يصير اهو محط الاهتمام الوحيد بحياتج ...... شوفي هواياتج اعيالج شغلي نفسج بأشياء ثانيه غيره .... وبالنسبه لموضوع التزين .. تزيني حق نفسج مو ضروري له اذا كان ما يقدر ...

سمعت وحده بالاذاعه تقول حق دكتور نفسي ما بقا شي ما حطيته ابيهي .. شعري تنتف من الاصباغ وكا ما اقول زوجي شرايك يقولي يا شين السرج عالبقر ......

قالها انتي ان قالج جذي ما عليج منه .... تزيني وحطي وسوي حق نفسج........ قوليله حق نفسي مو لك ...... و انتي اذا شفتي نفسج حلوه ...... صدقيني اهو والناس وكل الي حولج راح يشوفوها حلوة معاج....... اما اذا بتقعدين تدارين خاطره على كل كلمه والثانيه بالرغم من اغلاطه ...بتتعبين وهو بيزيد ....... حقريه ولا تعطينه وجه يتكلم ويخربط وايد .... خليه يحس انج بشر وعندج احساس مو كل مره بتستحملينه ..

في وايد حريم مخلين ازواجهم بالمرتبه الاولى بحياتتهم وهاملين نفسهم بالمرتبه الثانيه وللاسف الريال اناني ....اذا شاف المره جذي يعكس القاعده ..... يخلي نفسه بالمرتبه الاولى وانتي مو مهم الثانيه .... ما يبادل المثل بالمثل .....فأطلب منج انج تعكسين قاعدتج ... واتغيرين من نفسج ومن اسلوبج معاه واهو راح يتغير معاج.....

والله يوفقج