No.or :

اختي انا مثلج عندي 3 بنوتات والرابعه فالطريق الله يجيبها بالسلامه لو فكرنا شوي ,,, وقلنا ( الحمدلله على الصحه لنا ولعيالنا والحمد لله على الحمل السليم والحمد لله على البنات الكاملات خلقه والحمد لله عالولاده الميسره والحمد لله على الزوج الصالح والحمد لله ايضا ان خلفتي كلها بنات ولاتكون خلفتي كلها اولاد ...)) شوفي هذا كله يخليج ترضين باللي ربي كاتبه لج ... احنا مب بزمن ابو جهل نطارد ورى الولد ... ترى البنت والولد رزق من رب العباد ... واحد يختار بكيفه شنو يبي؟؟؟ قال الله تعالى يهب لمن يشاء اناث ومن يشاء ذكور ... وبكل الايات الاناث قبل الذكور وفكري للحظه لو بيتج كله اولاد يعني 3 اولاد والرابع بالطريق والله ان شعورج بكون سيء للغايه .. لان البنات نور البيت وسراجه ... الحمدلله على النعمه والفضل العظيم اللي ربي خصنا فيه ... والحمدلله حمدا كثيرا ... وربي العالم يمكن البنات افضل لج من الاولاد ... عسى ان تكرهو شيئا وهو خير لكم وانا عن نفسي لو ربي كاتب لي الخير فالبنات عساني اجيب كل ذريتي بنات ... ومايهمني حد ... المجتمع فيه بقايا ابو جهل ... وياااكثر ماسمعت بس ارد ساعات اقول الرسول ذكرني بالحديث ان من عال 3 اناث كانو له حجاب من النار وياكثر الاحاديث وساعات اقول لهم لما يقلون قدر البنت بنت تربيه رجال ... ولايجي ولد تربية حرمه ومحد كفو يتكلم بعدها ... هذول بناتي وانا ادافع عنهم ومحد يقدر يقلل قدري او قدر بناتي وقلت لج كلام الناس طقيه باقرب طوفه وخلج واثقه وام البنات محسوده اكثر من ام الاولاد والعين عليها لان عندها من يقوم فيها وفي زوجها وبيتها وعسى الله يجعلهن من الذريه الصالحه ويطرح فيهن البركه

اختي انا مثلج عندي 3 بنوتات والرابعه فالطريق الله يجيبها بالسلامه لو فكرنا شوي ,,, وقلنا (...