مناري الحلوة :

اسمحيلي تقربين النار من الحطب وعقب تقولين النار كلت الحطب ياما نسمع من كلام وسوالف عن الخدامات وبعد تركتيها بالبيت لحالها؟ ما تخافين تطلع مع حد ولا تجيب حد للبيت؟ مهما كان ما ينولون مكان لحالهم ولا بعد تقولين حقير عن زوجج انتي فتحتي لهم المجال واخرتها حقير ماجتمع رجل وأمرأة الا كان الشيطان ثالثهما مو وقته انصح صح بس انتي غلطتي وجزء من الغلط انتي تتحملينه كلنا خداماتنا يتذابحون مع خدامات اهالينا... اشلون نبعدهم عن بعض؟ نوليهم عيالنا بالحوش او عند الالعاب وعيونا عليهم الحين مالج الا تسفرينها وترجعن تصارحين مع زوجج ولا تتعودينها تخلينها بالبيت لحالها شي مهم... لبسيها يونيفورم جلابية مع صروال داخلي وحجابها عليها ماتقطه سواء مسيحية ولا مسلمة ولا مالها دين وفكري بعيالج الصغار... ذيلا صبيان مهم يختلطون بابوهم ويروحون ويجون معه تتطلقين بيهمل مسؤوليتهم وبيتمون في رقبتج انتي تربين فيهم لحالج... اهلج مودايمين لج مرد اخوانج يتزوجون وكلن يشيل مسؤولية بيته وعياله سفريها وردي بيتج وكان شيئا لم يكن لانج شايله جزء من الخطا وجزء كبير مو بسيط كانج عطيتي ولدج علبة كبريت او ولاعة وكومة ورق وخليتيه ما رفعتي عنه الخطر

اسمحيلي تقربين النار من الحطب وعقب تقولين النار كلت الحطب ياما نسمع من كلام وسوالف عن...