• ربي يرزقك ويرزقني ومن يريد

• اختي استهدي بالله واذكريه

كلنا نفسش اختي ومرينا بنفس الحاله
انا لي 7 سنوات و الحمد لله قاعده اصبر نفسي ما اريد اوصل لحالة اليأ
كلنا لنا حالتنا الخاصه المؤلمه
لدرجه ان بعض الناس قاموا يكلمون امي عشان ما احسد بنتهم
لانها حملت وجابت وراحت تعالجت
وامي مسكينه جات لي تقولي واهي مقهورة
ودموعها ع خدها
انا مابكيت قدامها لما رحت شقتي تألمت وتألمت
تخيلي انا الوحيده من اخواني واخواتي اللي ماجابت عيال
وعيالهم كنهم عيالي
ولا مره حسسوني اني ناقصه
وعيالهم يفرحون بروحتي للبيت كلهم يقومون يستقبلوني
بس اللي خارج البيت هم اللي يقثون الواحد وابتعدت عن اللي
ينحز ويتكلم شله اعور راسي وازيد همي
لا تيأسي اختي لايدخل القنوط في قلبش
والجأي لربش واستغفري 100 مره باليوم
بعد كل صلاه عشان تتعودين
واكثري من الصلاه على الرسول
روحي لمكه اذا تقدرين سوي عمره
ترتاح نفسيتش
اقرأي الرقيه الشرعيه
الله ماخلقنا عشان يحرمنا..مستحيل
كل شخص على هذي الارض وله رزقه
بس الرزق بعضه يبي له سعي ورزق يجيش لعندش
كل ماحسيتي بضعف ألجأي لله

نفسي تسالين نفسك هالسوال انتي اسوا ماخلق ربي بهالدنيا طبعا لالالا فيه ناس يتمنون يعيشون عيشتك الي تشوفينها هم ونكد ياقلبي ياعمري هذا نصيب وقدر قدره ربي علينا ورب الكعبه ماتموتين ولك رزق ان تاخذينه فتوكلي ع الي ماتنام عينه الي قسم رزقي ورزقكك وخليك متفائله لاتسخطين وتاكدي ان فيه اسوا منك الف الف مره بعدين كيف تبغين تحملين وانتي متوتره كذا ومشدوده خليك رايقه شوفي الاشياء الاجابيه في حياتك احمدي ربي ان الدوره الي تكرهينا ونكرها انها تنزل من ربي بدون ادويه ولاعلاجات غيرك تتمني تنزل عشان ترتاح من الالم والاحتقانات والناس من متى مراقبه الناس خليهم اخر همك ومن حملت ولاولدت ماعليك منها انا زيك انكويت من اخوات زوجي لين كرهت الاطفال وربي انها تعطيني المولود احبه عشان مااشتهي عليه ويصيبه شي مني😞😞شي شي الله لايوريك فعاد الي تمرين فيه جدا

• االله يكتب لنا أجر الصبر... اختي في ايه بالقرآن لو تأملنها صح والله ماراح نحزن انا لما اسمعها ابكي... الايه في سورة الذاريات

(وَفِي أَنْفُسِكُمْ ۚ أَفَلَا تُبْصِرُونَ وَفِي السَّمَاءِ رِزْقُكُمْ وَمَا تُوعَدُونَ فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُون) ربي اقسم ان رزقنا حق مثل ما احنا ننطق... يعني ياقلبي رزقك بيجيك ماحد يموت وما أخذ رزق مكتوب له... عليك بالدعاء والاستغفار والصدقة فإنها تطفي غضب الرب...الله يرزقك ويرزقني ويرزق كل من تتمنى الحمل عاجل غيرآجل يارب

انتي مؤمنه بالله كيف تقولينن هالكلام!
حتى لو كنتي ما بتحملين ابد
الحياه ماوقفت ع الحمل والولادة
ماانخلقنا علشان نحمل ونولد
صح نتمناه ونسعى عشانه ونبكي اذا ما حصل
بس ماتوصل اقول بانتحر وماابي اعيش
هذا وانتي عندك بنت ماشالله يعني جربتي الامومه
وتسمعين كلمة ماما يوميا!
كل هالنعم اللي فحياتك ما التفتي لها
ماشفتي الا انك تبين طفل ثاني وماحصل!
لا يكون ايمانك ضعيف روحي ابكي ع سجادتك
وادعي ربك وخليك قريبه من الله وقتها ربي بيسخرلك كل اسباب الحمل لو كان بانابيب ادعي ربي يسخره لكم راح تلقين امره تيسر وجاتكم فلوسه من حيث لا تحتسبون
يكفي ان كل دمعه وكل الم وكل خيبه انتي مأجوره عليها كله بأجرررره لا تضيعين هالاجر عليك




ونصيحه من اختك قلتلك من قبل تحاليل زوجك
مايصير معها حمل طبيعي انا زوجسي نفس حالتكم
والله المشكله من زووجك لا تلعبين بنفسك بالمنشطات!
لا تقولين الدكتور قال مو سيء فعلا هو مو سيء
بالنسبه لحالات الصفرر اللي تمر ع الدكاتره
لكن برضوا حاله تحت المعدل الطبيعي مايصير معها حمل طبيعي


دام تبويضك تمام وهرموناتك تمام خلاااص
اشتغلي ع زوجك ياخذ منشطات ابر خلطة عسل
وعيدوا التلقيح الصناعي او يضغط ع نفسه ويدبر حق اطفال الانابيب




الله يفرح قلبك ويجازي انتظارك كل خير