السلام عليكم ورحمة الله وبركاته
اكيد كثير منكم عارف مشكلتي مع زوجي اللي لاحط لي بيت مستقل ولا طلقني ورافض اتوظف ويبيني
اسكن ارجع مع الضره واربي عياله له
انا الحين لي شهرين عند اهلي وكانو عيالي معاي ومن كم يوم جاء زوجي لبوي وقاله ليش ماتصبر
عشان عيالها قال ابوي والسكن المستقل قال زوجي مو الحين يمكن بعد سنه او سنتين
المهم انا بصراحه صرت علك بحلوق الناس الكل يسأل عني الكل يقول لاهلي ليش بنتكم
خلاها زوجها معلقه لاطلقها ولا حط لها بيت والله ماعاد نعرف وش نرد على الناس
المهم جاء امس زوجي يشوف عياله وكنت ملبستهم ملابس جديده وارسل رساله على جوال امي
لانه مايعرف رقمي كاتب فيها ليش ملابس عيالي شينه وش هالذوق انتي وش تسوين بالفلوس
ليش ماتشترين لهم لبس حلو وانا والله ذوقي يجنن بشهادة الكثير انا ماهمني تعليقه على ذوقي
بس اللي هامني اني شايله عيالي في عيوني ولا نكدت عليه هو وزوجته ابدا ومو من طبعي
بالرغم من ظلمه لي وجاي يقول وين فلوسهم تروح انا بعد كلامه هذا قلت تعال خذ عيالك
اللي مثلك يقول لزوجته الله يجزاك خير مو يتهمها وقلت تعال خذهم تحمل مسؤوليتهم
انا بصراحه مليت من هالحاله لامتزوجه ولا مطلقه ورافض الطلاق ورافض السكن خلاص
يمكن عيالي يجيبون نتيجه ادعو لي الله يصبرني على فراقهم
موني 2000 @mony_2000
عضوة فعالة
يلزم عليك تسجيل الدخول أولًا لكتابة تعليق.
Murray
•
الله يسخرلك زوجك ويسر امرك عليك بالاستغفار يااختي وربي يعينك
خير ماسويتي هذا الرجال مو مقدرك ولا محشمك وليه مايخليلك بيت لحاالك يامال الوجع فيه ولايبي يطلقك يبغاك مربية لعياله فلاقاه احسن وانتي ياقلبي عيشي حياااتك بالتوفيق
ايوه تكفون ارفعو معنوياتي احساسي الحين مثل احساس اللي فقدت ضناها غصب عنها
والله كل شوي تخنقني العبرات من فرقا اغلى ثنين بالدنيا لكن مااقول الا الله حسيبه ماسوى فيني خير
خلاني افارق عيالي وانا ماودي الله يحرمه مايتمنى مثل ماحرمني
والله كل شوي تخنقني العبرات من فرقا اغلى ثنين بالدنيا لكن مااقول الا الله حسيبه ماسوى فيني خير
خلاني افارق عيالي وانا ماودي الله يحرمه مايتمنى مثل ماحرمني
الصفحة الأخيرة