موني 2000

موني 2000 @mony_2000

عضوة فعالة

خلاص قررت ......... عيالي بيروحون عند ابوهم

الأسرة والمجتمع

السلام عليكم ورحمة الله وبركاته

اكيد كثير منكم عارف مشكلتي مع زوجي اللي لاحط لي بيت مستقل ولا طلقني ورافض اتوظف ويبيني

اسكن ارجع مع الضره واربي عياله له

انا الحين لي شهرين عند اهلي وكانو عيالي معاي ومن كم يوم جاء زوجي لبوي وقاله ليش ماتصبر

عشان عيالها قال ابوي والسكن المستقل قال زوجي مو الحين يمكن بعد سنه او سنتين

المهم انا بصراحه صرت علك بحلوق الناس الكل يسأل عني الكل يقول لاهلي ليش بنتكم

خلاها زوجها معلقه لاطلقها ولا حط لها بيت والله ماعاد نعرف وش نرد على الناس

المهم جاء امس زوجي يشوف عياله وكنت ملبستهم ملابس جديده وارسل رساله على جوال امي

لانه مايعرف رقمي كاتب فيها ليش ملابس عيالي شينه وش هالذوق انتي وش تسوين بالفلوس

ليش ماتشترين لهم لبس حلو وانا والله ذوقي يجنن بشهادة الكثير انا ماهمني تعليقه على ذوقي

بس اللي هامني اني شايله عيالي في عيوني ولا نكدت عليه هو وزوجته ابدا ومو من طبعي

بالرغم من ظلمه لي وجاي يقول وين فلوسهم تروح انا بعد كلامه هذا قلت تعال خذ عيالك

اللي مثلك يقول لزوجته الله يجزاك خير مو يتهمها وقلت تعال خذهم تحمل مسؤوليتهم

انا بصراحه مليت من هالحاله لامتزوجه ولا مطلقه ورافض الطلاق ورافض السكن خلاص

يمكن عيالي يجيبون نتيجه ادعو لي الله يصبرني على فراقهم
180
18K

يلزم عليك تسجيل الدخول أولًا لكتابة تعليق.

تسجيل دخول

Murray
Murray
الله يسخرلك زوجك ويسر امرك عليك بالاستغفار يااختي وربي يعينك
شروق الامل24
شروق الامل24
خير ماسويتي هذا الرجال مو مقدرك ولا محشمك وليه مايخليلك بيت لحاالك يامال الوجع فيه ولايبي يطلقك يبغاك مربية لعياله فلاقاه احسن وانتي ياقلبي عيشي حياااتك بالتوفيق
اخت اخوها..
اخت اخوها..
الله يكون بعونك
جدة مملكتي
جدة مملكتي
طيب ايش ذنب عيالك؟؟؟؟ تحملي يابنت الناس هو قاعد يحاول يستفزك
موني 2000
موني 2000
ايوه تكفون ارفعو معنوياتي احساسي الحين مثل احساس اللي فقدت ضناها غصب عنها

والله كل شوي تخنقني العبرات من فرقا اغلى ثنين بالدنيا لكن مااقول الا الله حسيبه ماسوى فيني خير

خلاني افارق عيالي وانا ماودي الله يحرمه مايتمنى مثل ماحرمني