صباحكم ورد
بنات انا خلاص تعبت..تخيلو بنات انا كل يوم افكر في الطلاق..
مشكلتي مع زوجي بدت من اسبوعين والى هذه اللحظه واحنا زعلانين من بعض ومابيننا اي كلام يادوب سؤال ورد غطاه..
بداية المشكله انه كان ماله اي اهتمام في النت بس يدخل يتابع افلام او يحمل برامج او من هالاشياء ..طبعا كان الوضع عندي عادي
بس من فتره سوى على جهازه رقم سري ويحاول اني ماشوفه...طبعا انا هنا شكيت:angry2:
ماقلت شي..عااااادي
بس صار كل مايطلع من البيت ويروح الاستراحه ياخذه معه ويسهر عليه...وش يسوي طبعا مادري؟؟
المهم صار يجيبه البيت ويجلس بروحه بالمجلس..
من اسبوعين دخلت عليه بالصدفه المجلس تخيلو لما شافني وش سوى؟؟؟؟
سكر الصفحه على طووول..طبعا انا هالتصرف قهرني..قلت ليش سكرت الصفحه..قال وش دخلك؟؟:06:....قهرني
قلت انا احس انك غامض ..قال مالك شر
قلت اجل ليه تسكر.. قام وعصب علي وقالي كلام ماينقال...طبعا انا انسانه حساسه والله يابنات حسيت اني بموت
قمت وطلعت وانا منقهره....
بالليل جيته واعتذرت تخيلو هذا وهو سابني وشاتمني ومهددني بالطلاق..
طبعا هو اغلب الوقت جالس عليه...اليوم الثاني جيته وسوى نفس الحركه قفل الصفحه...وجلس يموه علي ويفتح الصور اللي بالجهااز...
طبعا انا خلاص انفجرت وما قدرت اتحمل قلت يعني تعيد نفس الحركه ...ليه سكرت الصفحه؟؟؟؟
قال كذا لعانه؟؟؟؟؟؟؟؟؟؟؟؟وانا عارفه انه يكذب ولا كان ماصرفني بالصور..
المهم بعد اللي صار قال شوفي انا خلاص ماقدر اتحمل تبين الطلاق طلقتك..نصيحه من محب نصيحه لوجه الله رووحي دامك خفيفه ..قلت وش يعني ماتحبني ..قال انا كنت احبك كنت
فكري في الموضوع على راحتك وانا مستعد..
قلت خلاص بفكر...
المهم انا قلت بضحي عشان ولدي..
في الليل قلت له خلاص لاتطلقني...
المشكله اني واثقه انه يحبني..ومن يوم السالفه مانكلم بعض الا في حدود
طبعا يوديني ويجيبني ويجيب اغراضي ويرد على اتصالاتي عااااااادي
وقبل اسبوع كلمته ..قلت انت معجبك الوضع احنا بنستمر كذا....قال من قالك استمري
حد غاصبك..قلت خلاص انا اسفه...قال هذي شعرة معاويه قطعتيها..قلت سامحني..قال ماني مسامحك..قلت انت تغلط علي وانا اسامحك..وانا اذا غلطت ماتسامحني..قال انا كيفي اغلط
قلت طيب مافيه اشياء حلوه تشفع لي ..قال شكرا على كل شي سويتيه وزي ماقالو المصريين لحسنيي سعيك مشكوووور قهرني قمت وخليته
مع العلم اني مدلعته اخر دلع والبس له احلى لبس وانت اللي اصرف على نفسي
ومن ذاك الوقت وانا معه رسميه وهو رسمي لا ومقابل النت اربع وعشرييين ساعه مدري وش يسوي
اخاف انه متعرف على بنات ودردشه وقيمزر والله احس اني بموت من القهر
لا ويسكر على نفسه المجلس بعد...
خلاص انا مليت واحس اني بانفجر
تكفوووون ساعدوني....شورو علي
اميره ببساطه @amyrh_bbsath
عضوة جديدة
هذا الموضوع مغلق.
مثل العسل2011
•
الله يهديه ويصلح حالكم
طبعا يابنات لما تهاوشنا جلس يذكرني بكل مشاكلنا اللي راحت من سنيييين:angry2:
ابو الشباب طلع ماينسى شي..ويقول تراكمت على بعض
الله يعني انا انسى اللي سويته واللي قلته وانت ماتنسى.....طبع غريب
ابو الشباب طلع ماينسى شي..ويقول تراكمت على بعض
الله يعني انا انسى اللي سويته واللي قلته وانت ماتنسى.....طبع غريب
يالله صراااحه قويه حركاته لك بس انتي ادعي في صلاتك ان الله يهديه وقوليله انك ساكته عشان ولدك واشغليه بنفسك غيري حياتك معاه وشوفي اذامرررررررره الوضع كرامتك اصرفلك ربي بعوضك خيرمنه ان شاءالله وخوفيه من الذنب
الله يصلح حالكم
بس يختي ليه تتنازلين له وتعتذرين واضح الرجال يبي يطفشك وكمان يخيرك بالطلاق ويقول نصيحه اطلقك دامك خفيفه ..!!
لا معليش لازم تدخلين احد بينكم والا تستخيرين وتطلبين ربك وشوفي وين الخيره فيه : (
ربي يفرج همك وينصرك على من ظلمك
بس يختي ليه تتنازلين له وتعتذرين واضح الرجال يبي يطفشك وكمان يخيرك بالطلاق ويقول نصيحه اطلقك دامك خفيفه ..!!
لا معليش لازم تدخلين احد بينكم والا تستخيرين وتطلبين ربك وشوفي وين الخيره فيه : (
ربي يفرج همك وينصرك على من ظلمك
الصفحة الأخيرة