خلاص ماابغاه

السلام عليكم


((( هذا نك صاحبتي وانا سجلت (( منهاره حاليا))ولسا ماقبلو عضويتي ودخلت بنكها لاني ابغى حل سريع )))


بنات انا اكتب هالموضوع وانا منهاره ولا ادري وش اسوي


ادري الشكوى لغير الله مذله بس انا ابغى حل ومساعده منكم


مشكلتي زوجي


كرهته مابغااه


تخيلو يا بنات زوجي من النوع الي مايسويلي اعتبار


ومستحيل يقولي كلام حلو ويحسه عيب انه الواحد يكون رومنسي


ودايم يقول انتي رومنسيه وحساسه حتى احبك عمره ماقالها لي



انا حاولت فيه بكل الطرق اني اغيره وحتى لما اتصل عليه وهو يكون برا مستحيل يعطيني وجهه كلمه ويقفل بوجهي



وعنده عيب الواحد يتغزل بزوجته وانه ماهو رجال الي يسوي كذا ودايم بيننا حواجز


المهم دخلنا النت للبيت


وسار 24 ساعه جالس عليه



ومره جلست على جهازه وقريت محادثات بينه وبين بنت متعرف عليها



انواع الغزل والحب ولا طلع يكلمها على الجوال



وجواله على طول مقفله برقم سري



المهم اتهاوشت معاه وقلتله مابغاك ولازم ننفصل



وهو انكر وقالي غلطه ولا تذكريني فيها


واكتشفت رسايل بجواله ونفس الشي مشاكل وهو ينكر وبعدين يعترف انه غلط



وعلى هذا الحال



وامس اتقابلت مع وحده وقالتلي انتي تدخلين منتدى زوجك



قلتلها اي منتدى قالتلي اسمه



وطول اليل وانا منقهره ومانمت واليوم صحيت وعملت بحث عن الموقع ولقيته



وهو مدير الموقع ومعه خويته الي كان يكلمها من قبل 3 سنوات اداريه معاه


وتاريخ ***** الموقع له سنه


وعندي مايثبت انه هو مدير الموقع



رحت سجلت فيه ونزلت بالشكاوي والاقتراحات موضوع



كتبت له فيه اني ما ابغااه ومافيه شي يجبرني اتحمل خيانه اكثر من كذا



مع العلم انه انا ماناقصني شي جمال وعلم ودين وغير كذا قايمه بواجبه على احسن وجهه



وهو سوى المستحيل عشان يتزوجني وانا كنت رافضه وبالاخير اتزوجته غصب عني وانا عمري 18



لانه مافيه شي زين مايصلي ويدخن واخلاقه ماهي زينه وماهو متعلم وانا اخر اهتماماته




خلاص كرهته وماني قادره اتحمل



بس المشكله عندي اطفال منه




ولما اهدى اجلس افكر اقول استحمل كل عيوبه وممكن يتغير ومع الدعاء والاستغفار مافيه شي بعيد على الله



بس ابغى اسألكم



تصرفي اني سجلت بالموقع وكتبت اني مابيه بقسم الشكاوي عشان محد يشوف الموضوع الا هو وخويته



صح ولا غلط وايش اسوي كمان الحين هو نايم وماواجهته بالموضوع



بنات ايش الدعاء الي يخفف الحزن لان والله حالتي جدا صعبه



شي اخير لا تطنشون الموضوع والي يرحم والدينكم الي عندها كلمه تريح تقولها