خلاص ماشي وقت لا اطنشوني :(

هلا حبيبتي ألف مبروك والله يتمم لك بخير ياعمري نصيحه مني لك حاولي تريحين نفسك ولاتحاتين شكلي شي أكيد العروس هي نجمة الحفل تصدقين عندي قريبتي ملكة جمال ماشاءاله تبارك الله يعني جميله بجد كل شيء فيها حلو بس شوفي أذا جت مناسبه تطلع ولاشيءءءءءءءءءءءء تدرين وش السبب أنو ماعندها ثقه بنفسها وطول الوقت تحاتي فها الشيء يأثر على نفسيتها من جوا ويبان للناس بعكس أختها جمالها متوسط يعني اقل من أختها بكثير بس بس واثقه من نفسهاااا ولاتحاتي شكلها في الزواج أو المناسبات يعني تسوي اللي عليها وتتعدل وتتكشخ وخلاص ينتهي الموضوع وتنبسط بشكلها وابتسامتها ماتفارقها وهالشيء يظهر على شكلها الخارجي
والناس كلهم يسألون عنها من ثقتها بنفسها وأبتسامتها بعكس أختها اللي كلالوقت تحاتي وفي الأخير يأثر عليها سلبآ
خليك واثقه من نفسك واللي عليك سويته وأن شاءالله تكونين أحلى عروس والله يتمم لك على خير

وأنا بعدني مخبوطه بس حبيت أفيدك باللي عندي

وأستنى تجارب المتزوجااااااات

الله يوفقنا وكل المخبوطات ويتمم لنا على خير يارب

el3rooos

اولاً الف مبروك على الزواج مقدماً وإن شاء الله يكون الزوج الصالح إلي بيسعدج طول حياتج يااارب

شووفي اختي

طبعي إنج تخافين الكل مر بهالمرحله بس لا تخلين خوفج يأثر على صحتج لان اكثر إلي يعرسون قريب من كثر خوفهم وقلقهم يأثر على صحتهم فخليج طبيعيه ولا تنسين ان الكل مر بهالمرحله

شوفي اول شي خليج مستعده وجهزي كل امورج ورتبي امورج كل شي بتماام التمام ولا تعتمدين على احد امورج سويها بنفسج علشان تتأكدين ان امورج كلها تمام وهالشي بيريحج نفسياً ومابيخليج تحاتين

وثانياً لا تفكرين بليله العرس اهم شي تفكرين في نفسج وتجهيزج لهاليوم نفسياً ومعنوياً وخلي امورج كلها جاهزه

واما معاملتج مع زوجك طبعاً بتكونين خجوله اول الايام بس مع مرور الوقت إن شاء الله بترجعين على طبيعتج ودايماً خلي الوضوح والصدق في بدايه حياتج وخليج دايماً واضحه معاه من البدايه خلي يعرف من البداية الشي إلي تحبينه ولي ما تحبينه والشي إلي يعجبج والشي إلي ما يعجبج لان بداية الحياة الزوجيه الزوج يتعلم كل الاطباع منج وإذا علمتيه الشي الغلط خلاص بيتعود عليه وصعبه بعدين تغيرينه
فخليج واضحه معاه من البدايه
وخليج صادقة معاه من البداية فخليه ياخذ فكره زينه من اول يوم لان الفكره ذي بتم على طول في باله فعطيه الفكره الحسنه والزينه

اما بخصوص هله نصيحه مني لج
معه والدينه عامليهم مثل ما تعاملين امج وابووج بالضبببببببببططططط لا ازيد ولا انقص
واما عن خواته خلي علاقتج معاهم فيها احترام ولا تخلينهم يتدخلون في شئونج الخاصه يعني خلي علاقتج معاهم طبيعية بس فيها حدود وكل واحد يعرف حده زين
اما عن حريم اخوانه الصراحه ما عندي فكره عنهم لاني ماعندي اخوان فما اعرف شلون يكونون حريم الاخوان :D

بس نصيحه دايماً خليج علاقتج معاهم فيها حدود حطي لج حدود من البدايه علشان لا يتجاوزون هالحد وبعدين يصير الغلط


وبسسسسس إذا تذكرت شي ثاني اخبرج إن شاء الله

مووفقه حبيبتي

السلام عليكم،
وأنا بعدني مخبوطه بس حبيت أفيدك باللي عندي

حلوة مخبوطة هذي>>>>>>>>لوووووووووووووووول