كيفكم يالغوالي ..
بما إني عكس الناس وللأسف مااحب الأعياد .. قلت خلوني انزل الموضوع واغير جو شوي ..
ادري ياحلوين انه غلط والمفروض افرح ووو ..
المهم ما علينا .. بقول لكم على موقفين صارت بعيد الحج ..
واللي عندها موقف تبطحوه ..
الموقف الأول:
زوجة اخوي مره راحت لأهلها بـ عيد الأضحى .. ويوم جاء الصبح الا الذبح والسلخ بالحوش
عاد ولد اخوي يمكن عمره 5 سنوات كان مستغرب لان أهلي طريقتهم بالأضحية كل شي بره عند ذباح الغنم خخخخخخ
وبرضوا كان مستغرب لان الجرس كل شوي يدق وجيرانهم يعطونهم لحم .. وهم يرسلون لحم ..
المهم عاد المرة الاخيرة يوم دق راح يفتح .. الا جيرانهم جايبين لحم صار الوليد !!!!! قال شكرا عندنا لحم ..
قال جارهم لا حبيبي هذا لكم هدية .. قال لا مانبي عندنا كثير مره ..
وصك الباب وكمل لعب هههههههه الا الجيران يتصلون ويعلمونهم بالسالفة ..
الموقف الثاني:
قبل كم سنه سافرت لأختي بإجازة الحج .. ويوم عرفة كانت تعبانة ودخلت المستشفى .. المهم رحت أزورها
وعاد قلت كيف عيدكم ؟؟ عسى مافي مهرجانات ؟؟ قالت لا ماعندنا مثل جده ؟؟ قلت لا اقصد مهرجان في بيتكم
ناس داخلين وناس طالعين وزيارات .. إذا عيدكم كذا تراني بشرد لبيتي .. ضحكت وقالت لا تطمني ونامي للظهر بعد ..
عاد من بكره الله لا يوريكم .. اول شي زوجها جاب الغنمه وذبحها بالحوش ..والله النوم ماجاني جالسة أتخيل شكلها مسيكينة ..
ويوم انتهى .. قلت ياالله بنام براحتي .. الا اللجة اللي برى والأصوات وكل شوي الجرس يدق ؟؟؟
اثره يقطع اللحم ويرسل للجيران.. والجيران بعد يرسلون لهم ..وجلست أتقلب .. ويوم هدى الوضع قلت الحين أنام بهدوء ..
وبصراحة مااقدرت ، بدت توصلني روايح غريبة ؟؟
اثر الراس جالسة الشغالة تطبخوه ؟؟!! وياسلام على الريحه مع الصبح .. المهم واكلم اختي قلت توبة اجيكم مره ثانيه بالحج ..
والآن لي 3 سنين ماجيتهم يعني قول وفعل ..خخخخخ
فيها وننسى كل شي يضيق الصدر ..
هههههههههه يازينه ولد اخوك يالبى البرائه
الله يحفظه ويخليه لكم
كل عام والجميع بخير