خلاص ما عاد فيه بنات يبغون الستر و لا كيف ؟؟؟؟ فينكم يا بنات ..

السلام عليكم ورحمة الله وبركاته ..

لي ساعه أكتب و أرجع أمسح .. ما أدري كيف أبتدي .. يابنات .. بس ودي أسألكم سؤال قبل و جاوبوني ..

خلاص ما عاد فيه بنات يبغون الستر و لا كيف ؟؟؟؟

أنا أبأقولكم شسالفه .. أنا أخويه عمره 27 سنه .. كان متزوج قبل سنه .. المهم وماطولت معاه .. بس قعدت يمكن ثلاث شهور و مارضيت تجلس تقول ما تعجبها جده كلها خوارج ومن هالكلام و قالت البيت اللي أخذتني منه رجعني ليه .. مع انو أخويه عنده بيت ملك وساكن لحاله و سياره ليمتد فخمه وسنه لسا شباب وراتبه ممتاز ووظيفته حكوميه و خلوووووووق جدا وربي و الكل يشهد بهاالشي وعائلتنا طيبه ومعروفه في قريتنا .. حتى لمن سؤلوا عنه في عمله قالوا لهم حطوا البنت في هديه و أرسلوها للولد .. و عاد ما ودي أتكلم في الناس الله يستر عليهم .. بس هي وحيدة أمها ومرررررررررره مدلعه .. لا تبغى تشتغل و لاتطبخ ولا تبغى تسوي شي .. دلتنا عليها وحده ثقه و توكلنا على الله .. المهم عاد كان زواجهم يمكن 8 شهور قعدت عنده 3 شهور و الباقي عند أهلها .. ولمن أصرت ماترجع عاد طلقها .. بس قبلها راح لجنة اصلاح ذات البين و مارضيوا أهلها يردون أو يتجاوبون ..

أنا كتبت هالكلام عشان بس تعرفون سبب الطلاق ..
تخيلوا يوم جينا نخطب له ألحين .. موب راضي أحد يوافق إلا إللي فوق 25 .. عشانه مطلق و أخوي يقول أبغى وحده من 20 إلى 24 سنه يكون بيننا فرق بالعمر ..و أبغى وحده سنعه في بيتها ويقول ركزوا على هالشرط .. متأثر عشان طليقته ماكانت تهتم في البيت وكان إذا طلبها في أكل تقول قوم خذ و لا عساك لا أكلت .. و بتقولون ضربها و لا مد يده عليها .. يقول أنا ماضربتها لأن ماأرضى أحد يمد يده على خواتي و لا هو الرجال اللي يمد يده على مره .. و يبغى وحده حلوه و يقول أنا وش قاصر علي .. و هاذا موب زواج اللي تزوجته ولا يحسب علي زواج .. و لا تلبس قصير قدام الناس لأن الأولانيه كان يعترض على لبسها البناطيل و القصير قدام الناس .. ويبغى نفس قبيلتنا غامديه ساكنه في بلجرشي أو في جده ما عاد أبغى من الشرقيه .. عاد إحنا لاعشنا في بلجرشي و لا في جده و لانعرف أحد و إللي إندلينا عليهم يخافون عشان مطلق و بناتهم صغار يعني العمر قدامهم .. أمي تقول شوفي زميلاتك إذا يعرفون أحد .. حتى لو من هالطيبات و المساكين إللي عايشات مع عماتهن حريم أبوهن ولا يتيمة و لا أي بنت أهلها طيبين و يبغون الستر لبناتهن .. بس تكون البنت نظيفه ومحتشمه وصغيره و سنعه و حلوه وتعرف تبطبخ لأخوك .. هههههههه .. زعلانه عليه عشان قاعد عزوبي لحاله في بيته يمكن 5 سنين ..

جاااااااااااااااوبوني ألحين ,,
معقوله مافي بنات يبغون الستر .. بها المواصفات .. يا بنات ..

فين هذولي اللي يتزوجون العاطليييييين و الشياااااااااااب ..

والله شاب زي الورد .. يدق علي دايم يقولي ..ها مالقيتي لي بنت الحلال ؟؟

والله إني أحزن عليه يابنات .. بس ربي كريييييييييييم

مالي غيركن يا بنات أفضفض له بعد الله .. عسى ألقى عندكم حل لها المشكله ..