خلاص ما في حل غير الطلاق

انا بدي احكي لكم قصتي :( ... يمكن البعض يحكي انه الغلطة مني بس يعلم الله انه انا على نياتي .. زوجي ضحك عليا بسهولة ... بس بحكي الله لا يسامحة ...

انا فتاة بسيطة كنت البكر عند اهلي وطبعا بتعرفوا البكرية عندنا كيف بتكون .. شغل الدار ضرب الوالدة اهانات الوالد ظلم اخوي الاصغر مني بسنة لي ... وغير هيك لما كنت 16 و 17 سنة الوالدة انجبت سنتين وراء بعض .. وصرت طبعا بيبي سيتر .. واثر هالشي على علاماتي في التوجيهي لانه ما كان عندي وقت للدراسة ... ودخلت كلية ... و الوالد جاب مرته xxx .... الله لا يوريكم هجر الوالدة ... بطل يصرف على الدار صار يضرب في الوالدة ليل نهار عشان يرضي مرته الثانيه وكنت انا دايما ببوز المدفع ..... المهم خلصت كليه .. الوالد والوالدة كانوا الهم 3 سنوات مختلفين عشان يخلصوا مني اتفقوا... بس ابدا ما رديت عليهم .. في سنة 2001 اتخرجت من الكليه وبعد 3راشهر كان رمضان والصدفة كانت الوالدة عند بيت اهلها معزومة دخل عليا الوالد الله يرحمة و كب طنجرة الطبيخ ف ي المجلى ومسك غطاية طنجرة الظغط وقعد يضربني فيها ... كسرني يوميتها تكسير.. وهو بضربني كان اذان المغرب بياذن قعدت ادعي يا رب يارب تبعثلي جوز يكون اخر ما عمر الله يشتهوا اهلى يشوفوني في السنة مرة.. والله انه يومها ما عملت اشي اني انضرب عليه بس مرته كانت غيرانة مني لاني كنت ضعيفة كثير وشو ما بلبس بيلبق عليا ... وكانه السماء كانت مفتوحة واستجاب رب العالمين لدعائي و ما في كم يوم الا و ابن الحلال جاي ... بس لو تعرفوا كيف اتزوجته يمكن لتحزنوا على حالي .... امي و مرت ابوي اقنعن الوالد بالعريس وكان ريال عمره 53 سنة قبل 5 سنوات هالحكي.. عايش في ا لمانيا ومطلق المهم تحت ضغط الوالدة وافقت وتلفلفت جيزتي بثلاث ايام حتى اهلي ما كلفوا خاطرهم سالوا عنه مع العلم انه من العيلة بس من بعيد وساكن في منطقة ثانية.. وما في اسبوع الا وانا صرت متجوزة واشترط عليا انو عندو ابن و بدو اياه يظل معاه .. و وافقت ما كان عندي خيار ثاني .. اتجوزني 10 ايام وقدمنا اوراق الضم للسفارة وسافر وما شفته بعديها الا بعد 7 اشهر .. بعد ما دخل عليا والا هو بيقول شو رايك ناجل الخلفة سنتين لانوا بدك تدرسي اللغة الالمانية وما بتقدري اذا كان عندك اولاد طبعا انا ما كان عندي خيار اعارضه لاني كنت عروس ولو صار اي خلاف بينا الناس بدهم يحكوا كاني وماني وابصر شو مالها و انتوا عارفبن كيف الناس... واجبرني اخذ اكم حبة منع حمل عملن معاي نزيف الله اعلم اذا كانن سبب منعي من الخلفة او لا... وبعد 8 اشهر توفى الوالد في حادث سيارة.. و اجا زوجي من المانيا ... وانا طبعا كان الاوالد وحيد ابوه ولما شاف انا ما لي حد يدافع عني انبسط كثير... و لما صار لي سنة و 4 اشهر اجاني القبول من السفارة و اجيت على المانيا ...... و ياريتني ما طبيتها ... و اجيت و طلع الحال غير ما كان .... عندوا محل بقالة من ثاني شهر خلاني اشتغل من قبل حتى ما اتعلم الماني وبعدين والا هو بدوا يجيب بنته وكان عمرها 18 سنة و لحقتني بعد ب 5 اشهر .. و لو شفتوا وراني الويل و ابنه زهقني عيشتي و كنت كل ما بحكيله عنه بيقولي هذا ابني انا مربيه انتي ما بعرف كيف مربيه .. ترباة شوارع اللي بيسمعه بيفكرني هيك ... ولما اجت بنته يا سلام ... جاب الها ملابس احسن من اللي جابهن الي .. و صار طول الوقت بس بده راحتها حتى الاكل بيقولي قومي ساويلها اشي .. بس انا صبرت و صرت انا وياها صحبة وعلمتها شغل البيت والطبيخ يعني كنا مثل الخوات وهو ما كان عاجبه الوضع ا\بدا... و دخلت انا معهد الجامعة .. بس بتعرفوا يا بنات انا حططني كل قرش حطه في اقساط معهد اللغة ... وصار يخليني اشتغل كثير حتى مصروف للمعهد ما كان يعطيني الا اشي بسيط ويعطي اولاده .. وكان حالي بالويل و تعلمت اللغة الاالمانية بسرعة ... و صار بس بده يخليني اشتغل ليل نهار كنت بشتغل بروح على المعهد و برجع اشتغل غير شغل البيت والطبيخ ... ويا بنات كنت بخاف منه ما كنت استجري احكيله لا... واول ما اجيت على المانيا خلاني اروح على الدكتورة واخذ حبوب منع الحمل و اخذتهن سنتين ونص وبس اتطمن الي صرت اكبهن كان بالاول الا يشوفني وانا باخذهن.. وتركتهن و ما حبلت ... لما صار لي سنتين في المانيا وداني ازور اهلي بس 10 ايام قال عشان شو... مين بدو يشتغل في المحل طرد العامل اللي كان عنده وصرت كل يوم من السعة 10 الصبح لحد الساعة 8 بالليل اشتغل و اروح اشتغل شغل الدار و..... كل شيء بعد ما روحت على اهلي ورجعت بعد اقل من شهر راح سافر و خلاني 3 اسابيع اشتغل لحالي في المحل و كان في واحد بيساعدني... و لما صار لنا 3 سنوات متزوجين قلتله يلا بدنا نخلف قالي ابدا ما في خلفة هالحين الا لما يصير لك 5 سنوات .. و انهميت و شو بدي اعمل و صار يتلائم معي و يعمل قذف خارجي و صبرت .. و بنته تزوجت وعلى طول حبلت ولو تشوفوه جهز الها كل شيء ولما كبر ابنها بس دوبه يجيب له و يحط له واقوله خليني اخلف .. حتى افرح مثلي مثل بنتك .. و هو يقولي لا تقارني حالك ببنتي ... طبعا مهي البرنسيسة .. و صبرت للخمس سنوات و الحين لي 5 سنوات و 6 اشهر ما حملت و رحت على الدكاترة حوالي 5 و ععملولي فحوصات وكل شيء ويقولولي خلي زوجك هو اللي يفحص .. اخر دكتور كنت عنده حكالي زوجك كبير عمره 58 سنة ممكن يكون الاخصاب عنده ضعيف و كل شيء عندك سليم ما بنصحك توخذي دوا لانه بياثر عليكي .. و قالي ليش بدك تعملي صبغة طالما انه الهرمونات والفحص الداخلي كله تمام وسليم وقالي بالحرف الواحد مش منك السبب .. لما جيت لزوجي رفض و قالي انا عندي اولاد ما بدي وجع راس واليوم جاي يفرحني بنته حامل .. لما قلتله خاف الله روح اعمل فحص عشان اشوف حالي كمان قالي لا اعملي اللي بدك اياه بس فحص ما تحلمي فيه ... بيقولي شو بدهم يعملولك الاولاد .. طبعا لما احمل ما رح اقدر اشتغل في المحل... الله ينتقم منه 00 ادعوا لي يا بنات عليه امانه امانه .. ظلمني وهد حيلي بيخليني اشيل اغراض المحل ثقال بيكسرن الظهر حتى الدورة لما تكون علي ما بيرحمني ... بروح بشتغل و وجعها موتني تمويت ... واليوم خلاص قلتله اني الشهر الجاي اذا اجتني الدورة بدي اروح على بيت اهلي و اطلق قالي روحي هسا بحجزلك اذا بدك انا ريال ما بدي ولاد000 الي يا بنات صابرة ومتحملاه 5 سنين حتى بالاخر يجي ويحكيلي هالحكي:icon33: :angry: :angry: ... الله ينتقم منه .. وهاي هي حكايتي ....