كوبونات الراقية تسجيل الدخول

العالميه الصفراء

خلاص ياخواتي تعبت ادعولي تكفووووون

الأسرة والمجتمع •

بسم الله الرحمن الرحيم



خواتي انا بنت جامعيه عمري 25 جميله والحمد لله .

ابيكم ياخواتي وطلبتكم طلبة المحتاج لإختها أنكم تدعون لي بالفرج ..



انا يمكن قصتي عاديه عند البعض لكن عندي غصة بالقلب , انا حبيت واحد مو من نفس قبيلتنا من قبيله ثانيه وبمنطقة بعيده عن منطقتنا لكن الانسان هذا حبيته لانه انسان راقي ويخاف الله وبار في والديه ( وعلى فكره الشخص هذا اللي احبه انسان مشهور جدا ً يعني يطلع بالتلفزيون لكن مو فنان )

فاتحني بالموضوع للزواج قلت له اصبر انا بفاتح اهلي لان صعبه تجي وتتقدم وانت مشهور اهلي بيستغربون من وين عرفتنا ومن قالك عنا ؟ قلت لامي وتفهمت بعد جهد جهيد وقلت لها انه انسان شاريني وجاء على شرف ومااستغل حبي له بلوي ذراع إلا جاء وقال برفع راسك واهنيك ِ المهم امي فهمت لكن الطامه الكبرى ابوي كيف بنقوله , راحت امي وفاتحت ابوي بالموضوع وكما توقعنا صرخ في وجه امي وقال من وين عرفتوه ومن وين عرفنا هالشخص بالذات وكيف بيجينا وهو لامن منطقتنا ولامن قبيلتنا ؟ حاولت امي تقنعه ان البنت تعرفت عليها اخته لكن قال لا وناداني ابوي وناقشني بعصبيه كبيره وقالي انتي اكيد تعرفينه وتكلمينه وقلت له لا لكن الشخص شارينا ويبي قربنا وانا مقتنعه ( وانا بقلبي اموت عليه حب وهو اول حب بقلبي واخر حب ) قال ابوي شيلي الموضوع من راسك وانسيه بدون سبب ابدا ً بس انا ماابيه لان مو من قبيلتنا حاولت قال شوفي طول ماانا حي لاتطرين هالموضوع لان ماراح اخليك ِ تتزوجينه ويوم قالها قطع قلبي ابوي وطعني ولااقدر اكل ولااعيش طبيعيه وبقلبي جرح كبير كيف بعيش حياتي من دون الانسان اللي حبيته بعمري كله وهو حبني لدرجة الجنون وحتى يوم قلت له ابوي مايبيكم تجون قال بنتظر العمر كله وماراح ابدلك لين يوافق ابوك ِ وانا ماادري وش اسوي ضاقت بي الارض وادري ان ربي كريم ومابيخليني لكن الحزن مخيم بقلبي . حلم عمري البس الثوب الابيض من انسان هو اللي ابيه واحبه ويحبني لكن ؟ هو فيه نصيب او ابوي حكم علي بإعدام ؟

انا كل ليله ادعي الله وابكي لين اتعب وانام . بس قلت بكتب هنا لكم ياخواتي عشان تدعون لي يمكن تكون دعوه من دعواتكم فيها المفتاح من عندي ربي بالفرج ادعولي اني اتزوج اللي احبه تكفوون ارجوكم ياخواتي ارجوكم لاتتركوني كذا وانا محتاجه دعواتكم ارجووووووووووكم ...
34
2K

يلزم عليك تسجيل الدخول أولًا لكتابة تعليق.

تسجيل دخول

~ كلي امل ~
~ كلي امل ~ •
إن كان فيه خير وصالح عسى ربِ يباركـ فيه ويجعله من نصيبكـ
ويهدي ابوكـ ويوافق ...

الله يرزقكـ ماتتمنين يارب
فيفو20020
فيفو20020 •
ياقلبي علييييييييك الله يفرج همك ياااااارب يجمعك فيه بحلالة

استمري بالصلاه الليل والدعاء والله ماينسي عباااااااده انظمي لملفنا لايرد القضاء الا الدعاء يارب يفرج همك يارب فرج همها واسعدها ولاتفرق بينها وبينه اللهم انك تعلم انها تريده بالحلال ياااااارب قدره لها انك علي كل شي قدير
العالميه الصفراء
العالميه الصفراء •
آمين يأم ديمه وربي يخلي لك من تحبينه ولاتذوقين يومه يارب ويسعدك
الجميله 2008
الجميله 2008 •
أقسم بالله حزنتي ..

الله يجمعك فيه أمين أمين أمين ,,
وأنــا كل ما أصلي بدعي لك ..
لأني مجربه وعاايشه الوضع ..
بس عاد مو مشهور <<== هع هع ..

صراحه هذي القبااايل بديت أكرها ,,
ياليت مافي قباايل ونفتك .. أوف بس ..
لاتفكرون اني موب قبيليه ..
لا انا قبيليه .. بس دايم أسمع عن ناس يتفارقون ..
عشاان قبااايل أوف بس ..
أرجووووان
أرجووووان •
إن كان فيه خير وصالح عسى ربِ يباركـ فيه ويجعله من نصيبكـ
ويهدي ابوكـ ويوافق ...

الله يرزقكـ ماتتمنين يارب