خلال نومي دخل اخواته لبيتي الوسخ...مشكلة اختي

هالمشكلة تخص اختي ياقلبي عليها احسها منهارة كثير وخجلانة من الكل وماودها ترفع عينها فعيننا

اختي الله يهديها مهملة لبيتها ماتنضف كثير غير لو عرفت انه في ضيوف وللعلم عمري مادخلت لبيتها وهو وسخ بالعكس مانجيها الا وهويلمع لكن هذا الشئ اتضح بعد مشكلتها مع زوجها
والطبخ ماتطبخ غير نادرا بالشهر مرة او مرتين
تقول ببداية زواجها كانت تهتم كثير وماترضي يخرجون الا وهي مشيكة عالبيت لكن هو كل شوي يقولها مو لازم تعالي اجلسي وكمان سهر لحد مايروح يداوم وكذا لحد ماصارت مايهما وتفوت كثير
وهو مايتكلم عن البيت وعدم اهتمامه الا اذا صارت بينهم مشكلة فتح موضوع البيت يلوي ذراعها فيه

اخر مشكلة نفس الشئ رجع فتح الموضوع وتزاعلو وهي دخلت تنام علي اساس اول ماتقوم كالعادة تنضف البيت كله وتخليه كم يوم نظيف لحد ماتهدا الامور ويرجعون لطبعهم وانه كل شئ يقولها مالازم ويتكوم الشغل من جديد





لكن المفاجاة وهي نايمة تسمع صوت بالصالة مو مصدقة نفسها دخل عليها وقالها اخواته عنده اطلعي سلمي عليهم
طبعا هي تبكي ومومستوعبة ان احد عندها وبيتها بهالمنظر ورفضت تطلع لهم
راح هو وصرفهم وهي اخذت عبايتها وجاتنا زعلانة من موقفه وتصرفه


طبعا لها عندنا حول الاسبوعين مع عيالها صغار ورافضة ترجع البيت تقول ما اقدر ارجع الا وانا انسانة ثانية
وكمان مو قادرة تسامحه علي الموقف المحرج والصعب اللي حطها فيه
احنا صراحة جدا تفاجانا لاننا ماتوقعنا هالشئ فعلا البيوت اسرار

رايكم كيف تتغلب عالموقف وكيف تواجه اهله والاهم كيف تتغير وتصير حياتها منظمة ومرتبة لانها رافضة ترجع تقول الا اذا حسيت نفسي اقدر ادير بيت واستاهله