خلتني اقول الله ياخذ ابوي بلحظه غضب

السلام عليكم
بنات انا مصدومه
تخيليوا ابوي وامي يضرب فيهم المثل
في الحب والاخلاص والرومنسيه والهدوء
ابوي رجل عاقل يخاف الله متزن هذا مو كلامي هذا كلام الناس
انسان دارس واعي مثقف روح روحه عياله
وامي امرأه متعلمه جمعت بين اصاله حريم اول واناقه وثقافه حريم هالحين
امرأه عن مليون رجال كنت لما اتعامل مع زوجي اتذكر امي لما يجي ابوي من الدوام
تكون بخرت البيت وجهزت الغدا وتروشنا وحنا صغار عشان نستقبل ابوي بريحه وشكل مرتب
وكانت تتزين وتقرا الجرايد عشان لا جاء تتناقش معه
ماني مستوعبه ابوي يموت في امي
كان لما تمرض يسهر عند راسها ومااذكر طلع من البيت الا قال لها
توصين شي يالغاليه ويبوس راسها
اتحملت ايام فقره ووقفت معاه الين كون نفسه
كانت في غيابه كأنه موجود البيت مفتوح للغريب قبل القريب
الصدمه امس
كلنا تحطمنا
كشفنا ان ابوي قرر يتزوج
ليه ومن؟؟
هنا المصيبه
بنت بالعشرين من الاردن ياليتها بنت اصل الا بنت ستين كلب بنت شوارع لعابه
ليه يابه
بدال ماتزوج اخوي تتزوج؟؟
امي انكسرت يالله
تخيلوا وش كانت رده فعلها
والله مابكت
دمعت عيونها وناظرت اخواني وابتسمت وسكتت
سكوت غريب
دعيت عليه في لحظه غضب
امي الشامخه اشوف انكسارها بعينه
حسيت قلبها يقول وشبابي الي هديتك
وحبي الي حلفت ماتخونه
والعشره
تاليها تخليني عشان وحده كبر بناتك
وياليت بنت اصل
والله ثم والله لو انها ينت اصل وبنت ناس لا اروح اخطبها بنفسي
ع الاقل فيها عزه لنا مو طيحه راس
رمى شيبته وهيبته وراح لها
انا عارفه ابوي ماله بالحرام
بس استغلته بنت الحرام
انا عندي رقمها وناويه انتقم
بس خايفه
وودي اتصرف قبل يطيح الفاس بالراس
واخوي مهددني
شسوي
الله يسامحك ويهديك يابوي :44: