خلصت التاسع ودخلت العاشر لي يوم والرحم فاتح نص سانتي بس 😭

اكلي تمر ورطب يصير عندك الم للولادة انناس بعد زين يسوي توسع

اكلي تمر او رطب و اناناس مفيد و حتى ماي جوز الهند ممتاز

والمشروبات تفوري داسين ( جرفه ) مع زنجبيل تصفيه وتشربيه يجيب الطلق

امشي بس بدون ما تتعبي نفسج باللي تقدري عليه ..

اصعدي درج وانزلي باللي تقدري عليه مو ضروري الاجهاد لان وراج ولاده لازم تكوني بخير وقويه .

اذا عندج بانيوو فالحمام عزج الله عبيه ماي دافي تتحمليه واقعدي فماي دافي تسرتخي ويساعد على ان الرحم يفتح يلين عنق الرحم ..


بعد الرياضه جربي تقعدي فالبانيو واذا ماعندج اسبحي بماي داااافي بترتاحي والله


الله يسهل عليج حبيبتي .

حملي ف بنتي دخلت خذت اسبوع زياده وعطوني مهله ونصحتني الدكتوره ب زيت الخروع مع عصير برتقال او سفن اب بصراحه اول شي سالتها ما يضر ؟ لانو الاغلب ياخذه والبيبي يعملها فالبطن ف لاتقولي عمليه قالت لا انا خذي ما يضر معروف ف مصر واغلب الدول العربيه مفعول الخروع

وتوكل على الله طبعا هي قات نص العلبه مع اي عصير برتقال او همبا

خفت اخذ نص العلبه
خذت ملعتين ( اللي هي ملعقه الاكل اللي ناكل فيها ) وخلطته مع عصير همبا طبعا الطعم 🤮 سكرت خشمي وشربي ونمت شوي صحيت على طلقققققققققق واسهال

الاسهال معروف يفتح الرحممم وصار الالم يروح ويرجع وانتظرت يومين وحتى سداده عنق الرحم نزلت معناتها قربت عالولاده والالم كان يروح ويرجع طلق حقيقي وطبيعي الحمدلله ، وبعدين رحت المستشفى وكان فاتح 3 اعتقد نسيت والله

المهم ولدت بطلق طبيعي الحمدلله

مشكورين ع الرد اليوم باخذ زيت خروع أن شاءالله ربي يسهل

الله ايسهل عليك كثري دعاء وحوقله