شحالكم ياأحلى عالم
الحمدلله بفضل الله خلصت من غرفة عيالي
كان هم كبير على قلبي
صبغت الحجرة وخيطت الستاير والحمدلله أتركم مع الصور
بداية صبغ الغرفة
استخدمت اربع الوان زيتية ( صبغ جدران ) من ناشونال
وهذي صور الستاير
اربع الوان من قطع المخمل وقطعة تور فوق كل ستارة بلونها
وهذا الاثاث مفصل عند النجار
صح اني رسمت له شي وسوالي شي بس الحمدلله
شي يوفي بالغرض
الكبت ( الدولاب ) الكبير تفصيل عند النجار والثاني جاهز بس انا جلدته
بلون أحمر شي يمشي معاهم
وخيطت المخدات ومفارش السرير خذت قطع صوف انا ادري ان القطن احسن بس الصوف كان مايباله تنظيف خياطات وتعديل يعني شي سهل
وفصلت جيوب بالقماش الزيادة
نتابع
وهذي
وهذي
الحمدلله خلصنا
يمكن ير علي حد ويقول ليش ماسويتي لون وردي
غرفتهم القبلية كانت بنفسجي ووردي
والنجار بعد ماكان عنده هالالوان
فقلت نخرج عن المألوف
ونستخدم كل الالوان
والارضية احنا فرشنا وماسوينا سيراميك لضيق الوقت
وفرشته وردي على اساس اثثهم بيكون وردي
في الخطة المستقبلية بنسوي سيراميك
اتمنى ان الغرفة تعيبكم
تقبلوا كل احترامي