خلصنا الشنطة باركولي

حلوة بصراحة ما شاء الله ابدعتى
واعتقد انو التصوير ظلمها

ماشاء الله حلو اعجبتني كم جرام كلفتك؟؟؟

ماشاء الله حلوووووه
تتهنين فيها قلبي

ماشاء الله روعة
الله يهنيك فيها
ممكن الباترون وطريقة العمل ولو فيه فيديو بعد نكون لك من الشاكرين

نا الشنطة عجبتنى كتيربالرغم ان مالهاش باترون وأحلى حاجة فيها ان غرزتها سهلة وفى نفس الوقت الشنطة جدا أنيقة وأنا بدأت فيها بالفعل وقلت أنزل الدرس ده عشان نتعلم الغرزة وفى نفس الوقت نتعلم طريقة عمل الشنطة والصراحة الطريقة ولا أسهل

ان شاء الله بنزل تطبيقى للشنطة اليوم أو بكرة




ملحوظة ///// أنا استخدمت خيط جنجاة فى عمل الشنطة فأرجو أن تكون الصور واضحة والغرزة واضحة

نوع الخيط اللى أنا استخدمته / خيط قطن سميك

كمية الخيط / حوالى 150 جرام وطبعا حسب حجم الشنطة


بسم الله الرحمن الرحيم نبدأ الشرح

البداية / هنعمل سلسلة وهيكون هو قاعدة الشنطة (وعايزة أقولكم ملحوظة السلسال هتعملوه أصغر من حجم الشنطة لأنه هتكون أصغر من الاسفل وتطلع على أوسع )


ملحوظة هامة جدااااااااااااااااااا ////// لازم السلسة تكون مرخية (غير مشدودة ) عشان القاعدة ما تكون مشدودة كتير ويطلع النتيجة وحشة )

السطر الاول / هنعمل 3 سلسلة بمثابة أول عامود ثم نعمل بأول سلسلة على السطر عامود (كده أصبحوا 2 عامود ) ثم نعمل سلسلة وبنفس الغرزة اللى عملنا فيها العامود نعمل عامودين (كده المجموع 2عامود+سلسلة+2عامود) وكله بغرزة واحدة




ثم نترك 2 سلسلة على السطر ونعمل فى الثالثة (2عامود+سلسلة+2عامود) ثم نترك 2 سلسلة ونعمل فى الثالثة
(2عامود+سلسلة+2عامود) وهنفضل نكرر حتى اخر السطر لكن هنترك اخر ثلاث غرز



هنترك 2 سلسلة وفى اخر سلسلة بالسطر هنعمل التالى (2عامود+سلسلة+2عامود+سلسلة+2عامود) يعنى زودنا سلسلة+2 عامود (ليه؟؟؟؟؟؟؟؟؟؟؟؟) عشان نحصل على الشكل البيضاوى لقاعدة الشنطة وعشان نعمل الزيادة فى الاسطر القادمة





بعد كده هنكمل عادى هنترك 2 سلسلة ونعمل (2عامود+سلسلة+2عامود) فى الثالثة لحد ما نوصل للغرزة الاولى خالص اللى بأول السطر واللى عملنا فيها (2عامود+سلسلة+2عامود) هنشتغل فيها 2عامود +سلسلة ونغلق بمنزلقة



وهيكون ده الشكل النهائى للسطر الاول وهتلاحظوا ان الشكل صار بيضاوي




السطر الثانى ////// السطر الثانى ده بيكون حسب رغبتكم اللى عايزة تعمل الشنطة أوسع أو اللى الخيط بتاعها مش سميك كتير هتعمل تزايد وهقولها ازاى

أما اللى الخيط بتاعها سميك وعايزة تثبت على المقاس هقولها برده ازاى

بالنسبة للى عايزة تثبت على هذا المقاس وما تزود هتعمل بكل فراغ أسفل السلسلة اللى بين العامودين التالى (2عامود+سلسلة+2عامود) وهذا على طول السطر وباقى الاسطر ستكون على هذا الحال (بكل فراغ تحت السلسلة (2عامود+سلسلة+2عامود) لحد ما توصل للطول اللى هى عايزاه






أما بالنسبة للى عايزة تعمل تزايد (وأنصح اللى خيطها رفيع تعمل تزايد ) هتعمل برده بكل فراغ تحت السلسلة(2عامود+سلسلة+2عامود) ماعدا الفراغين اللى على الجانب الايمن والفراغين اللى على الجانب الايسر هتعملوا فى كل فراغ منهم التالى (2عامود+سلسلة+2عامود+سلسلة+2عامود)

أما الاسطر اللى بعد كده هتكون عادية وثابتى (يعنى هتعملى بكل فراغ اسفل السلسلة (2عامود+سلسلة+2عامود)





هذا شكل الغرزة من قريب



وهذا شكل الشنطة بعد ما اشتغلت شوية فيها



طبعا انتوا بتفضلو تشتغلوا لحد ما توصلوا للطول المناسب بعد كده نبدأ نعمل أسطر من غرز الحشو عشان الشنطة تزم من فوق

بالنسبة للأسطر اللى بغرز الحشو هتكو كالتالى بعد ما خلصنا الشنطة هنعمل أول سطر من غرزة الحشو بهذه الطريقة

هنعمل بكل فراغ غرزة حشو (وأقصد هنا بكل فراغ ليس كل فراغ تحت السلسلة فقط ولكن كل فراغ بين الاعمدة (يعننى هنعمل غرزة حشو ونترك عامودين وبعدين فى الفراغ اللى بعده غرزة حشو وبعدين نترك عامودين وفى الفراغ اللى بعده غرزة حشو وهكذا )

اذاحسيتى ان الشنطة زمت كتير وانتى عايزاها تزم أقل ممكن تفكى السطر وتزودى غرز الحشو حسب تقديرك ورغبتك

ثم تقوم بعمل كمان 3 أسطر او 4 من غرزة الحشو بحيث يكون بكل غرزة غرز حشو

ثم نيجي للسطر الاخير وهتلاحظى فى صورة الشنطة انه مختلف شوية

طريقة عمل السطر الاخير //// بعد ما انهين اسطر الحشو هنبدأ السطر اللى بعده بأننا نعمل سلسلة ثم غرزة حشو ثم 3 سلسلة ثم غرزة حشو بنفس الغرزة ثم ننتقل للغرزة اللى بعدها بمنزلقة ونعمل فيها نفس الحكاية (غرزة حشم ثم 3 سلسلة ثم غرزة حشو بنفس الغرزة) ثم ننتقل للى بعدها بمنزلقة وهكذا


اما بالنسبة ليد الشنطة ممكن تعمليها مثل الصورة أو ممكن تعمليها بغرزة حشو أو عامود

بالنسبة لى عملتها ضفيرة جمعت مجوعة من الخيوط مع بعضها (طبا من نفس الخيط) ثم ساويت الطول وقسمتها ثلاث مجموعات ثم ضفرتها وشبكتها بالشنطة من الناحيتن وطلعت نتيجتها هايلة ولايقة مع الشنطة

ان شاء الله بتشوفوها بالتطبيق

بعد كده نركب بطانة للشنطة وسوستة

بعد كده بتزينى الشنطة بشريط الستان حسب ذوقك


وألف مبرووووووووووك عليكي الشنطة

تتهنى فيها

يلا منتظرة تطبيقاتكم