كلامك صحيح جدا وحاصل في كثير من البيوت

ولك بالمثل اختي نظرة غموض وحياك الله

الله يعين الشغالات على هالجهل المطبق بين العالم بجد صار الخادم مايعامل معاملة انسااان


المشكله اننا مسلمين والرحمه والشفقه مأمورين بها مع الحيوانات مو عاد الاوادم الله يرحمنا برحمته

وربي شي يتعب ويعوور القلب


راح اقولكم عن شغالة اختي

احمد ربي انو طلع من عندنا خادمه بهذا الشكل واشكر ربي ان رزقنا حسن التعامل

شغاله اختي يوم جت برتووح قالت انا بس شهر او شهرين وبجي هنا

تخيلوا الحمد لله تأثرت بنا حتى من ناحية الدين مو بس الخلق
راح اندونيسيا بعباية راس وتنورة طويله وبلوزه كم طويل تقول خلاص انا بصير كذا داااايم

وكانت اختي ماليه لها شنطه هدايا لاهلها طبعا من حساب اختي ما اخذت منها شي وربي تستاااهل

المهم بالمطار رافضين يشحنون شمطة الهدايا الا ب 4000 ريال يعني اكثر من قيمة التذكره وقال رجل اختي لا حرام مايصير كذا
طبعا الشغاله ضاق صدرها لانها بتدخل فااضيه على اهلها
قالوا لها رووحي واحنا نشحنها لك بشركة شحن ماتكلف ولا 500 ريال وان شاء الله توصل قبلك وربي تبكي وهي رايحه وتضم الصغااار وتصيييييييييح من قلب

الله يذكرها بالخير بجد هم اوادم وفيهم الطيب والخيب مثلنا
فعلا :: اذا اكرمت الكريم ملكته واذا اكرمت اللئيم تمردا

فيه ناس عندنا لئيمين مهما اكرموهم خدمهم الا انهم يتمردون عليهم

ونفس الوضع بالنسبه للخادمات اذا اكرمت الكريمه منهم ملكتيهم وان اكرمتي اللئيمه تمردت


الله يرزقنا الاخلاص بالقول والعمل

حياك الله اختي همسة

الحمد لله
كلا مج صحيح وعداه الغلط...

والله الشاهد إن هذي الأمور عمرنا ما نسيناها لأن أهالنا عودونا إن نحب لهم مثل مانحب لنفسنا .... ونحترمهم مثل ما انحب الناس تحترمنا ..... وإن نرحمهم مثل ما انحب إن الناس ترحمنا

بس اللي أستغربة من شغالاتنا إللي هم آخر دفعة؟؟!!!!

في العادة إذا حطينا الغدا أول شي نشيل لهم
وبما إني ساكنة عند أمي فتشل لي غداي لأني موظفة ... فتقول لهم هذا الغدا للمدام
أوصل البيت فاحياناً أكون تعبانة أرقد ساعتين وأصحى ... فأقولهم حطوا لي الغدا
تتوقعين شو ردهم؟؟؟!!!!
كلناه لأنج ما كلتيه للغدا مثل ما ماما قالت !!!!! :o
أحياناً ما يكون أحد في البيت غيري أنا والشغالة
وأشتري كيسة صمون الظهر
يعدي وقت العشاء أقولها سوي لي ساندويشة
تقول لي خلص الصمون :eek:

أطلب أحيانا من زوجي عشاء من برع
فيدخل ومعاه الكيس
وبدون ما أبالغ تخيلي يركضون على مينيو كنتاكي أو أحد الكافتيريات
أقولهم هيدوا أنا ما نسيتكم طلبت لكم مثل ما طلبت لي !!!!

فاستغرب واسأل نفسي
لو ما كنت أسير كارفور وآخذ لهم من المأكولات الفلبينية شو كانوا بيسون؟؟؟؟!!!!!

أكيد بيكسرون الصحون على راسي :angry:

فشو تقولين في هاي النوعية من الخدم؟؟؟

وإذا حاولتي توضحين لهم إن تصرفهم هذا غير لايق
يستوغدون بطريقة ما تتخيلينها ...
بتقولين برجعهم المكتب
عندنا آفات منهم اللي عند خواتي واخواني كلهم نفس الطينة فكل ما تجي
وحدة جديدة علموها نفس الشي
والله تعب
بس الله كريم