خلص الشريط وتميت أستخدم الحبوب

السلام عليكم ورحمة الله وبركاته..


أولاً كل عام والجميع بخير ... ولو انها متأخرة شوي :)



حبيباتي..

أنا أستخدم حبوب منع الحمل ياسمين من كم شهر عقب ما فطمت بنتي .. وكان المفروض الشريط الآخير يخلص على نهاية شهر رمضان والدورة المفروض كانت تجيني قرب العيد .. بس مثل ما تعرفون الشهر شهر عبادة وصلاة فما كان في وقت مناسب للحركات الزوجية .. فقلت حرام أعكر مزاج زوجي في العيد وتطلع لنا الدورة وتخرب علينا .. فقررت من راسي اني أأخر الدورة لين عقب العيد .. يعني خلصت الشريط وواصلت بشريط جديد كم يوم على أساس تنزل الدورة بعد انتهاء العيد .. وفعلاً نزلت آخر يوم العيد.

هذا اللي صار.

اللي بيصر عاد اني ناوية بإذن الله أحج هالسنة .. ومدة السفر إن شاء الله بتكون حوالي ثمان أيام .. والمفروض الدورة بتنزل خلال فترة السفر .. وطبعاً ما أباها تخرب عليّ الحج فناوية أأخرها لين عقب رجوعي إن شاء الله .. وهذا معناه اني اخلص الشريط واواصل بشريط يديد كم يوم لين ارجع من السفر.


سؤالي..

هل ممكن تحصل لي مشكلة لو سويت جذي .. خاصة اني باكون لعبت في الدورة وأخرتها مرتين ... وانا ناوية بإذن الله أحاول أحمل عقب حوالي ثلاثة أو أربع شهور من بعد رجوعي من الحج إذا الله يسر الأمور .. فهل ممكن تصير لي مشكلة في الحمل عقب بسبب تأخير الدورة وزيادة استخدام الحبوب أكثر من شريط في الشهر الواحد؟؟

مع العلم ان هذه المرة الأولى اللي اسوي فيها هالشي وآآخر الدورة عن وقتها جذي.

اذا حد عنده تجربة أو خبرة يفيدني الله يرضى عليكم.