خلص العرس وتهاني فشلتنا قدام الناس :-( ((( إلى بنات قطر )))

أنا زعلانه .....
شو فو شو صار فيني .. أنا وخواتي يوم عرس ولد خالي ..
حجزنا عند نهاني مكياج وشعر وياليت ما حجزنا.. أستاهل لأني ما سمعت الكلام ..
أول ما دخلت كانت تحاول تغير الفكرة اللي ما خذينها عنها كل البنات ( الله شاهد علي وعلى كلامي ) تضحك وتسوي دمها خفيف .. وتقول إن الناس يعاملونها مب زين ويأخرونها دايما ... الخ
أنا قلت حرام ظالمينها .. المهم
حطت المكياج حق وحده منا .. كان زين مقبول .. بعدين حطت لي ( اسبيشل) والله العظيم يا بنات أول مرة أحط مكياج بهالبشاعة .. كريه كأني رايحه حفلة تنكرية ( حتى زوجي قال كأنج لابسة قناع ) قلت لها مب عاجبني وعدلت يه شوي بس بعد يلوع الكبد ...ووحطت حق خواتي وحده عادي وحده مكياج خطوبه .. وبعد يلوع الكبد هذا اللي أقدر أقوله .. والروج اللي تحطة مب مرتب أبداًً والله يا بنات إنها ما ترضى تغيرة ولا كأنا نكلمها .. وتمت تتكلم بأسلوب أبداً مب حلو .. وتتأفف .. مع أنا وخواتي مب وقحات وما نعطي في الوجه وإذا طلبنا منها شي .. لو سمحتي و اسمحي لنا .. نكلمها بكل ذوق .. بس ترى ما ينفع الذوق مع اللي ما عنده ذوق .. والتسريحات ما أقدر أسميها تسريحات .. ما تشوفين لها معالم وتخترب أول ما تسويها اللي معاها .. و آخر العرس لو شفتوني أنا وخواتي ,,, الأساس تقطع .. والله العظيم والله شاهدع علي عمري ما شفت أساس بهالطريقة يخترب .. شي ما اقدر أوصفه يوم شفت وجهي بالمراية انصدمت .. صار كريم الأساس تجمعات في كل مكان وجهي وخواتي نفس الشي ..وهذا أخس شي في مكياج تهاني .. والعجلة اللي فيها .. أعوذ بالله ..
يا بنات نصيحة .. احذروااااااااااااااااااااا مكياج تهاني والأخص أسلوب تهاني في التعامل مع الناس
( ما يلفظ من قول إلا لدية رقيب عتيد )... الله شاهد علي إني ما زدت ولا شي على اللي صار معاي ..
عشان ما في وحد تتعرض للي تعرضت له ..
هذا رأيي ولكل حده رأيها .. وأحترم كل الآراء ....
وبعد اسبوع عندي عرس ثاني وين أروح .. ساااااااااعدوني تكفون يا بنات قطر