خلص كرهت حملي!!

يا بنات والله مش عارفة شو أحكي..

أنا متزوجة وعندي بنت عمرها سنتين ونص... ومن فترة أنا وزوجي بنحاول إنه يصير حمل وما كتب ربنا نصيب بسبب الالتهابات المزمنة وآلام الظهر.

المهم من يومين اتأخرت الدورة كان صارلها أربع أيام، رحت وعملت فحص حمل والحمد لله طلعت حامل:04:.. اتصلت بزوجي وبشرته وانبسط كتير.. وكنت أنا قبلها بيوم بحكي معه، قلتله يا فلان إذا طلعت حامل وربنا رزقنا بكمان بنت بتزعل؟؟ قال أعوذ بالله، مزبوط أنا حابب يكون عندي ولد بس إذا أجت بنت أبداً ما راح أزعل بالعكس أنا نفسي بطفل لإني بحب الأطفال شو ما كان ولد أو بنت.. فرحت وارتحت.

المهم أنا خبرت حماتي أم زوجي بحملي وأبو زوجي وفرحوا كتير واتمنولي الولادة بالسلامة، حتى قلت لأبو زوجي راج تيجيك حفيدة جديدة، انبسط كتير وما علق على كلمة حفيدة!

بعد ما روح زوجي على البيت كان واقف برا بلاعب في بنتي، مّرت عمته أخت أبوه وهي ساكنة جنبنا، قام خبرها إني حامل.. فرحت وباركت وقعدنا في بيتها نشرب شاي.. المهم هذي عمتة زوجي بالرغم من طيبتها بس أطباعها بترفع الضغط.. وهي من قبل ومن بعد ما جبت بنتي الأولى كل يوم بستمعنا نفس الموشح بدنا ولد بدنا ولد لدرجة إنه ينتي الصغيرة مرة قالتلها: عمتي بكفي خلص"

المهم واحنا عندهم، قال يا رب ولد، قلتلها عمتي اللي من الله حيا الله، قالت مزبوط بس احنا ما بدنا بنات، اصحك تجيبي كمان بنت، بكفي فلان جاب بنتين ورا بعض (قصدها عن ابن عم زوجي).. قام زوجي قلّها وإن شاء الله أربع بنات كمان وين المشكلة.. قال لا ما بدنا بنات، كتير راح أزعل لو جبتي بنت.. أنا اتضايقت كتير لإنها مش عم توقف تعليق على نفس الموضوع.. وزوجها يقولها خلص يا مرة شو دخلك فيهم إنتي.. أبداً ما في مجال.. بالآخر صرت حاسة حالي راح أبكي، حسستني بالذنب إذا جبت بنت.. قمت قلتلها: عمتي إذا جبت بنت لا تيجيي تباركيلي كويس؟؟ قال لا مش لهالدرجة بس احنا بدنا ولد.. أنا هون خلص انفجرت قمت قلت لزوجي أنا تعبانة ورابحة على البيت ارتاح.

وبالليل كانت بنتي عند دار حماتي طلعت أجيبها ولقيت عمة زوجي فوق وبتعيد بنفس الكلام، ما بدنا بنت بدنا ولد.. قامت حماتي حست إني متضايقة قالتلها يا فلانة ما بصير تحكي هيك اللي من الله كويس.

الآن شو رأيكم باللي صار بالله مش أشي بقهر وبرفع الضغط، صرت حاسة بالذنب إذا راح أجيب بنت تانية.. أصلا الكل لما عرف إني حامل قال إن شاء الله تيجيبي ولد أخو لبتنك.. والله اشي بضايق، طيب يا ربي هذا اشي بإيد ربنا احنا شو ذنبنا إذا بيجي ولد ولا بنت.. ليش هيك بخلوا الواحد يكره حاله.. والله حسيت إني كرهت الحمل اللي تمنيته.. صرت أقول لزوجي إن شاء الله ربنا يبعتلي توأم بنات علشان عمتك تنقهر بس.

إنتو هيك صار معكم.. صارلكم مواقف متلي.. قولولي وخففوا عني!:06: