خلطاتي < قعدت أيام افكر وش اسوي موضوع وطحت في ذي الفكرة :)

السلام عليكم ورحمة الله وبركاتة
كيفكم أخواتي ان شاء الله كلكم بصحة وعآففية ؟
وكيف تجهيزات العيد معاكم خلصتوا ؟
اليوم بنزلكم خلطات بس طبعاً الموضوع ذا بدون صور
لكن ان شا الله يخلص رمضان لاني في رمضان مشغوله
فطور واروح السوق وارجع اسوي سحور وانام فانتم
فاهمين كيف :)وفي العيد فاضية بنزل
مواضيع خلطات وديكورات وقمبع بممبع ههههههههههه
ابتسموا طيب :) المهم حتكون يعني خلطات كثيرة
بس كلها بسيطة ويعني كل الاغراض موجوده في
البيت عندكم :) طيب بسم الله نبدأ :
الوجه
هيا خلطة وتخلي البشرة ناعمة وصافية مثل بشرة الاطفال اوكي
روحي حطي على وجهك زيت زيتون اذا كانت بشرتك جافة
واذا كانت دهنية حطي أي مرطب :) المهم ودلكي بشويش
وبعدين غسلي وجهك جيبي فرشاة مكياج بس نضيفها والطريقة
تغلي موية حارة وتحطي الفرشاة في الماء الحار المهم
يوم تنظف جيبي صابون وحطي في يدك وادلكي وجيبي الفرشاة
وادلكيها في يدك يعني الصابون اللي في يدك صار في الفرشاة
وجيبي الفرشاة وحطيها في وجهك وخليه لين ماينشف وبعدين
اغسلي برفق مو تلطشين في وجهك :( حرام تراه يشكيلي أمزح :)
وحتشوفي النتيجة من أول مره استمري عليهآ :)انا احطها بالاسبوع
ثلاث مرات ايوه صح ويوم تغسلين يدك وتنشفين بالمنشفة لاتنشفي
وجهك عشان المنشفة تقضي على رطوبة البشرة
طيب دحين حنروح للهالات السوداء :
تجيبي خيار وتقطعي بالسكين لين مايطلع موية
وتجيبي قطن وتحططي الموية حقة الخيار في القطن
وتحطيها على فيسك < وجهك وتخليه لمده 15 دقيقة
انا استعملت الخلطة دي اربعه أيام
طيب نروح للأسنان :
فحم ونحطه في الهوند وندقه ونحط عليه ملح
ونستعمله وبعد كل أكلة مسوآك وتشوفوا النتيجة
انا من اول مرة شفت الفرق
نروح للشفايف :
زيت زيتون وسكر وتحطي ع الشفايف وبعدين
بعد 15 دقيقة ولا 10 وبعدين تغسلي وعند النوم
تحطي عسل يَ أممي تلاتة ايام وتشوفي الفرق
والمناطق السمراء :
زيت زيتون ليمون ماء ورد وتخلطيهم
وتستعمليهم مرتين باليوم وبتلاحظي الفرق
من أربعه او ثلاثة آيام
اليد والرجل :
تنعيم بس تبيض مادوري أنا عشاني الحمدالله الق بياض
تحتاجين شوفان ولبن زبادي اذا بشرتك دهنية استعملي
الزبادي الخالي من الدسم :)))) تحطيهم وتخلطيهم وتسيبهم
لمدة من 15 ل 10 دقايق عشان يتجانسون وبعدين تحطيها
على يدك أو رجلك وتخلينها لين مايجفوا وتغسلينهم
طيب دحين نجي لللل الابط :
ليمون ونشا تحطي الليمون على باطك
وبعدين تحطي نشا ووتغسلينه يوم تشوفيه
صار آآآسود
هاذا كل شيء لليوم أخواتي
موضوعي يمكن مو كآمل بس آنا مابا لكم
الضر يعني مابجيببلكم خلطات آنا ماسويتها
وجربتها فسوري وآتمنى اني افدتكم ودعواتكم
لي انه يتحقق اللي في بآلي وشكرا
استودعتكم الله الذي لاتضيع ودائعه :happy::happy::happy::happy::happy::happy::happy::happy::happy::happy: