خلطات استفدت منها ولله الحمد

السلام عليكم ورحمة الله وبركاته
حبيت اعطيكم خلطات جربتها واستفدت منه ومازلت مستمره عليها والله يشهد اني استغنيت عن سيت كامل خاص بالعنايه بالبشره ومحيط العين وكل هالسوالف اللي مافي ماركه ما جربتها ونفعت

اولا
بودرة الابط
وهي عباره عن نصف كوب من بودرة ادورا اللي مكتوب عليها للطفح الجلدي مع ربع كوب شبه مطحونه وربع كوب سبيداج مطحون بودره وملعقه كبيره مسك بودره مطحون واخرى نشا
هذي البودره لا تعرق ولا تطلع ريحه ولاتسود وايد مريحه خصوصا بعد لالستحمام

ثانيا
كحل العين ما ادري انا كل اقلام الكحل تحكك عيني حتى الجيرلان الكحل العربي وايد يهيج عيني
بس اللي نفعني وكثف رموشي هو الاثمد الاحمر الخام مكتوب عليه درجة اولى يباع عند القرشي خلوط مع كميه متساويه له من مسحوق نواة التمر بعد حرقه

ثالثا
زيت الرموش هو نفسه زيت الشعر واللي ياب نتيجه وهو خروع وسمسم نفس الكميه من كل زيت
استخدمته لرموشي بعد ما لاحظت ان شعري وايد اسود وصار شاب بعدين فطنت ان زيت السمسم هو اللي يقوي السواد فصرت استخدمه للحواجب والرموش
والحمدالله عطاني سواد مفتح لون بشرتي

رابعا
مخلوط ماء الورد وخل التفاح وماء الزهر بنسب متساويه احفظيهم في زجاجه ماء ورد وبعد الحمام والتنشيف ادهني جسمك كله فيه تشد الجسم بشكل رهيب

خامسا
كريم الاقدام وصدقوني رهيب
علبة صغيره فكس مخلوطه مع علبة صغيره فازلين واخرى صغيره جلسرين
دهان يومي والافضل لبس شراب قطني يوميا

سادسا
مرطب لمحيط العين ومانع التجاعيد بإذن الله
اخلطيه بزجاجه العطر التوله بعد غسلها وتنشيفها جيدا ثلث زيت زيتون وثلث زيت لوز مر وثلث زيت كبد الحوت (اللي يباع اقراص افدغيها وعبيها مع الزيو تالسابقه) زيت الزيتون والسمك يحوي اكبر نسبه فيتامين أ وهو اول فواقوى فيتامين مضاد للتجاعيد وزيت اللوز افضل مرطب للمنطقه بشرط تدهن من الخارج محيط العين مكان ظهور التجاعيد من الخارج للداخل يعني عكس اتجاه العين مره يوميا قبل النوم

سابعا
مرطب الوجه
زيت لوز وزيت زيتون وزيت مراميه
بعد غسل وجهك بالصابون ووجهك شبه رطب دلكي وجهك بهالزيوت بنسب متساويه

ثامنا لا تنسونا من دعواتكم الغاليه اذا فادكم الموضوع