خلطات تفتيح الركبه

سمعت ان ممكن تسوي تقشير حق الركبه
اختي قالت لي ان معاهم مدرسه مسويه تقشير حق رقبتها
وكوعها وركبها ،،، اذا جذي قلت اسويها
الرياييل مايحبون ام لركب السود :(
بس طالعي ركبهم اسفلت شارع

حبيبتي اضمن لج بطريقه سهله انها تفتح معاج

اول شي تاخذين ليمونه تقصينها نصفين تاخذين نص وتحطين علي وجه الليمون رشه ملح خشن وفركي الركبه بهدوء وبشكل دائري وبراحه بعدين اسرع الحركه واقوى مع ضغط خفيف

وكل مايروح الملح ضيفي شويه حبتين بس وفركي

بس تنشف الليمونه حطي زيت زيتون وخليها ليما تتشرب الزيتون يعني لاتنزلين ملابسج الا بعد ماتنشف

كل يوم سوي جذي كل يوم

وبالحمام عزج الله سوي حمام مغربي وفركيها سواء اهي او الكوع كلهم

وفركي عدل بس لاتشلخين جسمج بالراحه الشغله يبي لها حركه مو قوه مبالغ فيها!

وبيوم ثاني سوي لها تقشير بسنفرة المشمش اثناء الاستحمام وفركي

ولما تطلعين من الحمام رطبيها بزيت جونسون بالبابونج او بيبي اويل

اللي يريحج

المهم

اهم شي التقشير والترطيب كل يوم

واستخدمي صابونة البقدونس مع كل استحمام ولا تستخدمين اي صابونه ثانيه

راح تكون عندج احلا ركب خلال شهر او بالكثير شهرين انشاء الله

بس ها استمري مو تقولين مليت

ولج احلا بووووسه امواه :)

ولو تبين مقادير الصابونه عشان تسوينها لاني جربتها رووووعه شويه عليها

اي ونسيت اقولج

قبل الاستحمام حطي عليها طحينه ساعه ومسحيها بعد ساعه او نص ساعه عالاقل

وروحي تسبحي بالهنا

من الخلطات اللي جربتها وجميعها بأت بالفشل للركبه طبعا وكنت ناويه أكتب عن هذا الموضوع ولكن سبقتيني له

الفازلين والكركم والليمون والجلسرين والتقشير بكريم فرنسي من محلات محمود سعيد
والكريم السحري من النهدي الحرامي

في البدايه تحسين بفرق خفيف جدا وبعدين ترجع ريمه لعادتها القديمه وبالعكس زادالسمار أكثر وحتى صار سواد مو سمار

وفيه شي ناويه أستخدمه بس ما جتني الفرصه
لما رحت قزاز لقيت عنده كريم مصور فيه صوره للركبه المسمره يعني هو خاص للركبه السمراء
وكان زوجي معي وما حبيت ألفت أنتباه
لكن أذا جتني فرصه برسل حد يجيبه ليه

ويارب يكون فيه الحل لهذي الركب اللي بهذلتني وسببتلي أحباط

مافيه حل الا الليمون والملح انا جربت خلطة الفيكس مع الفازلين والليمون نتائجها بطيئه جداااااااااااااااااااااا
يا اخت هنوه
كريم قزاز اذا تقصدين اللي علبته بيضاء واسمهknee & elbow
انا استخدمت منه علبتين وبدون فائده