اهلين بنات **** الله تكونو بخير وصحة
طريقة الحمام المغربي
ترى مرة سهل
اولا يكون عندك سطل وكرسي انا اخدتو من محمود سعيد مربع وكبير من غير ضهر وتحطيه في البانيو والسطل قدام البزيوز وتفتحي المية على الساخن مش حار خدي بالك بس نبغى الحمام يدفى بالمية الي بتكون في السطل
يبغا لنا ليفة الحمام المغربي لونها اسود بتكون عند العطارين وفي المحلات اول مرة نجيبها نحطا في مية باردة عشان لاتخرب بسرعة ونشيلها ونغسلها بمية دافية
تانيا الصابون المغربي للحمام المغربي
زي العجينة بردو يناع عند العطار لونو بني غامق يناع في علب واسماء مختلفة واحسن نوع الي طبيعي مش مخلوط بشي تاني يعني بزيت الزيتون او الخزامى او الورد
قلنا الطبيعي احسن اوكي
طيب في ناس تحط عصير نص ليمونة وشوية حناء مطحونة وصابون سائل وتخلطيهم مع بعض تحصليت على عجينة هدي الخلطة تخلي الجسم يلمع وصافي وتبيض الاكواع والركب بس مش ضروري
ممكن تدهني الصابون لحالو بس
تبللي جسمك بمية سخنة وتدهني جسمك كلو بالخلطة وتخليها في هدا الاتناء حكي رجولك بالحكاكة الي نتنباع بالصيدلية على بال ما جسمك يرطب بالصابون وتنشال الزيوت الي بتفرزها البشرة
بعدين اشطفي جسمك كويس وحاولي تصبي المية وتسخني جسمك
وخدي الليفة وابتي تفركي واستحملي شوية مش على طول تطفشي
انو ماطلع الوسخ شويو شوية لما تفركي جسمك كلو
وادا حسيتي الحمام برد افتحي البزبوز وخلي المية تصب بالسطل
اوكيه
طيب لما تخلصي اتشطفي بالموية وغسلي شعرك وحطي الصابون المعتاد للشاور وتشطفي والشاور جل وتشطفي
وبالصحة والراحة
معلومات اضافية
المفروض مايكون يدخل الحمام هوا مثلا شباك مفتوح اومكيف او باب الحمام مفتوح او المروحة مفتوحة لازم مايجي عليكي هوا
عشان البرد يخلي الحمام بارد واحنا نبغاه زي الستيم فيه بخار او سخن
عشان ينجح لك الحمام ويسخن جسمك ويطلع البشرة الغير مرغوب فيها دسم واوساخ
اوكيه
وكمان ادا طلعتي من الحمام البسي الروب و تغطي كويس مش تتعرضي للمكيف على طول على الاقل لما تنشفي وتلبسي ويرجع لجسمك حرارتو الطبيعية
واشربي شي سخن مثلا شاي او مليسا نقول لها لويزة وتمددي شوية ارتاحي
وبالصحة
ادا فيه اي استفسار على عيني

الي بتال عن الكريمات بعد الحمام
والله مافيه شي معين للجسم
كل وحدة بتاخد الي يناسبها لبشرتها مو شرط هو احنا الحمام المغربي بنسويه كل اسبوع
كفيل انو يخلي البشرة تلمع وناااااعمة ونضيفة وريحتها حلوة

برضو لسا باقي اقول لكم على خدعة بتاعت كريم اسمو شيرلي
بيخلطوه مع اشياء مضرة ويبيعوه للبنات بقولكم عنو بالتفصيل مضر للبشرة بقولكم معع ايش يخلطوه ويبيعوه
لي عودة ***** الله يحفضكم جميعا

مرحبا حبيبتي
بالنسبة للصابون السائل يستعمل للحمام المغربي فقط
اما التاني الي هوة صابون الطاووس نسميه نغسلً بيه الجسم بعد الحمام عشان نتشطف بيه في الالاخير يعني الاتنين كويسين الا ان السائل مانحطو على الوجه

جزاك الله خير والله يكثر من امثالك