خلطات طبيعيه سهله للمحافظه على جمالك.

بسم الله الرحمن الرحيم

هذي خلطات من تجاربي الشخصيه ،،طبعا شفتهم في النت وجربتهم وحابه افيد غيري

خلطات للجسم:

1- الحمام المغربي (شهريا).
طبعن الكل يعرف طريقة استخدامه،، لكن الافضل تخلطين الصابون المغربي (الطاووس) مع حنه مغربيه مع حبه ليمونه
وتستخدمينه بالطريقه المعروفه

2-ملح الحليب بعد كل استحمام.
بللي جسمك بمويه حاره وحطي الملح ع جسمك كله وافركيه بالليفه من تحت لفوق وبعدين غسلي جسمك ولا تستعملين بعده شاور جل

3- الصنفره بالمشمش مهم جدا.
كل اسبوع تسوين صنفره لجسمك تبلليه بمويه حاره وتحطيه الصنفره وتفركين فيها جسمك لمدة 5 دقايق وبعدين تغسلينه.

4- لتفتيح المنطقه الحساسه:
زيت الجلسرين +ليمون

5- لتخفيف خطوط الجسم وصفاء بشرة الجسم:
زيت جنين القمح.

6- لتخفيف دهون البطن بعد الولاده:
خل التفاح من العطار + ماء ورد رشيهم على بطنك قبل النوم. بس لحد يستعمله وزوجها عندها هههه.





خلطات للوجه:

1- الحنه المغربيه مع كركم الجسم تخلطينها بموية ورد وتحطيها بالبشره لمدة ربع ساعه
تقدرين تستعمليها للوجه بس وتقدرين تستخدميها للجسم كله.. يفتح البشره ويصفيها
وغسليه بعدها بصابونة الكركم .

بعدها غسليه ورشي على وجهك موية ورد تعطي نضاره. >موية الورد مفيده اكثر شي قبل النوم

2- الحنه المغربيه +عسل ابيض + زبادي تخلينها ربع ساعه عالبشره.

لتنفيخ الخدود:
ملعقه خميره فوريه + ملعقتين زبادي
تخلينها لين تجف على الوجه وتغسلينه

لتوريد الشفايف:
دم غزال + فازلين :اخلطيها سوا وحطيها في علبه كل مابغيتي منها حطي ع شفايفك بالفرشاه.

++ اهم شي يا بنات بعد هالخلطات كلها تستعملون الكريمات للجسم والوجه اللي تناسب بشرتكم.. لان الترطيب مهم للجسم.. مايخليه يجف ويسمر..



كل اللي ابيه منكم دعوه بظهر الغيب ان الله يفرج همومي ويرزقني بالوظيفه اللي تغنيني عن الناس. :26: