الجدول انا بنفسي راح اراهنها على تفتيح الجسم والبشره واتحدا اي وحده تقول مااستفدت منها.....
اولا......... به خلطه اسمها خلطة الجلسرين ... انا بعد ماطلعت الاربعين رحت للكليه وقابلت وحده من صديقاتي وكانت لابسه اصفر وبصراحه لونها مع الاصفر خيال ... البنت كانت سمراء شلون تفتح جسمها بشهرين مدري الوكاد سالتها ....
قالت... انا لي فتره استخدم خلطة الجلسرين ومستمره عليها صح بلا تاخير او تقديم...
ثانيا....... والله العظيم يابنات مابه احسن من الطبيعي لان غير الطبيعي مايطمن... ويبقى الخوف بقلبك من نهاية هالخلطات اللي ماهي طبيعيه...
ثالثا...... انا وحده من صديقاتي ماديتها جدا ضعيفه وتقدم لها واحد مو احسن من ماديتها بس انه يقربلها طبعا ولد عمها .. وابوها حاس بضعف ماديته وما حط عليه مهر غير 30 الف؟؟؟؟ ((وش بتسوي 30 الف في هالزمن)) لكن الشكوى لله ابوها مابغى يعقد الامور وخلى بنته تشوف طريقها... المهم قالت لي انا ماعندي فلوس ادفع للمشغل قيمة برنامج والا قيمة حلاوه والا نقش والا مكياج وقت الزواج...
وقالت لي ابي الفزعه بكريمات وخلطات اسويها بالبيت ارخص واحسن...
المهم اني سويت لها هالبرنامج ... واستمرت عليه مثل ماقلت لها... ثلاث شهور ويوم جا وقت الشيل ماتصدقون يابنات شلون طلع شكلها...
خيااااااااااااااااااااال... المهم انه بعد زواجها بشهرين جابت لي هديه... قالت انها لحد الان مستمره على البرنامج اذا نام زوجها او راح الدوام او طلع سهره...
وكان يقول لها لون بشرتك احلى من وقت العرس ... لان بعد العرس البنت حسبت حساب ان الزوج يلاحظ كل شي وحتى لو ماقال ..لانه ممكن مايبي يحرجك او يجرحك بشي... ويحب زوجته لونها حلو مو شرط بيضاء بس يكون صافي جسمها وناعم وحلو ...
المهم مالكم بالطويله... شكلي بفتح مجال للقصص....؟؟؟؟؟ خخخخخخخخخخ
انا راح اكتب لكم برنامج والشاطره تطبقه وتستفيد منه... وترتاح من وجع الراس والبرنامج جدا طبيعي....
على فكره............
يابنات انا بنفسي مجربه هالبرنامج ماراح اقول لكم منقول او غيري جربه... انا بنفسي اجربه واعلم به غيري ... وماابي الا الدعاء والفايده لكم....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
بالنسبه لخلطات الجسم..........
الاولى ...... خلطة صابونة الغار... ومقاديرها معروفه....
ـــــ تبشر صابونة الغار ثم يصب عليها علبة ماء ورد وتترك لمدة اربع ساعات ثم تضاف عليها باقي المقادير التاليه...
ـــــ علبتين جليسوليد الاحمر
ـــــ عبة فكس صغيره
ـــــ ثلاث ملاعق كركم جسم
ـــــ فنجان قهوه زيت الزيتون
ـــــ فنجان قهوه زيت اللوز المر
ـــــ فنجان قهوه الجلسرين السائل
ـــــ فنجان قهوه زيت الخروع
ثم تخلط المقادير مع بعض وتوضع بعلبه للاستخدام ...
لتنبيه...........(لا توضع على الوجه).... وتوضع الخلطه على الجسم لمدة ماتقل عن ساعتين ثم يفرك الجسم بعد ذلك باليفه وباليمون والملح...
مع الابتعاد عن الشانبو....
الثانيه.... خلطة الجلسرين... ومقاديرها كالتالي...
ـــ فنجان زيت الجلسرين السائل
ـــ فنجان زيت اللوز المر
ـــ نص ليمون
ثم تخلط المقادير مع بعض وتوضع على الجسم والوجه لمده ماتقل عن ساعتين.. ثم يفرك الجسم اليفه والليمون فقط..
الابتعاد عن الشانبو....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه لتقشير الجسم والوجه....
ـــ التقشير الاول.... ((التقشير بصنفرة المشمش))
بصنفرة المشمش بالاسبوع مره وحده فقط...
يفرك الجسم باليد بحركات دائريه لمدة خمس... ثم تترك على الجسم لمدة من خمس الى عشر دقايق...
ـــ التقشير الثاني....((التقشير بالزبادي))
يخلط كل من.........
ــ ملعقتين زبادي
ــ ملعقتين زيت الزيتون
ــ ثلاث ملاعق زيت اللوز المر
ــ نص ليمونه
ثم توضع على الجسم لمده ماتقل عن ساعه ثم تفرك باليفه ثم يشطف الجسم بعد ذلك بالماء.....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
اما بالنسبه لكريمات الجسم والوجه.........
ــــ الكريم الاول.........((كريم الجلسرين))
يخلط كل من......
ــ علبة جليسوليد وسط
ــ فنجان زيت اللوز المر للجسم
ــ فنجان زيت الجلسرين للجسم
ــ حبة ليمونه
ثم توضع في علبه للاستخدام اليومي......
لتنبيه.... يوضع الكريم على الوجه والجسم كامل وكذلك على المنطقه الحساسه... (مابيضر اذا استخدمتيها كل يوم)
لكن عشان البرنامج يوم ورا يوم... يعني تحطين من هالكريم كل ماجيتي تنامين... ويبقى على الجسم اقل شي 6 ساعات...
الكريم الثاني.........((كريم النشاء))
يخلط كل من.......
ــ علبة جليسوليد وسط
ــ 5 حبات ليمون اصفر تعصر
ــ نص علبة النشا
ثم توضع في علبه للاستخدام اليومي
للتنبيه... يوضع الكريم على الوجه والجسم كامل وكذلك على المنطقه الحساسه... (مابيضر اذا استخدمتيها كل يوم)
لكن عشان البرنامج يوم ورا يوم...يعني تحطين من هالكريم كل ماجيتي تنامين... ويبقى على الجسم اقل شي 6 ساعات...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه للبشره والرقبه........
ــ تغسل البشره يوميا باسكينول....وتستخدم للركب...
ــ تاخذين قطنه وتغطينها بالحليب وتمسيحن بها وجهك ورقبتك وتخلينها عليها اقل شي ساعتين.. والاستخدام يوم ورا يوم... بس للوجه والرقبه...
ــ تاخذين قطنه وتغطينها بماء الورد وتمسيحن بها وجهك ورقبتك واباطك والمنطقه الحساسه وركبك وتخلينها عليها اقل شي ساعتين..
والاستخدام يوم ورا يوم... وتستخدم للركب...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه للركب.....
تضيفين خلطه خاصه للركب يوميا من ضمن البرنامج....
وهي ــــ نص ملعقه فازلين مع شوية كركم وادهني بها ركبك ثم لفي عليها بالنايلو وخليها اقل شي ساعتين ثم افركيها باليفه ثم اغسليها باليمون...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
حمام البخار.....وماادراك..ماحمام البخار؟؟؟؟؟؟؟؟؟
الافضل انك ماتستغنين عنه ابد... ليه؟؟؟؟؟
لان كلمة حلو قليله بحقه....!!!!
اولا.... يشيل لك الاوساخ اللي بجسمك...
ثانيا... يساعد على تنشط الدوره الدمويه....
ثالثا... يساعد على تفتيح المناطق السمراء بجسمك....
رابعا... يفتح لون بشرتك وينعمها وتحسين بانتعاش رهيب بعده...
واستخدام حمام البخار يفضل من مرتين الى ثلاث مرات اسبوعيا...
وشوفي النظافه كيف بعدين.........؟؟؟؟؟ بتكون رهييييييييييييييييييبه.........!!!!!!
ولحمام البخار انواع واشكال.... وافضلها اللي يجي كبير على مقاسك يعني تدخلين به كله ... وتقعدين داخله من ربع الى ثلث ساعه...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه للتنبيهات........
1ـــــــ الجسم مو لازم تغسلينه بالشامبو بعد الخلطات ...!!!! لان الشامبو يخرب لك مابقى من الخلطات وبكذا ماتستفيدين شي... وبعدين جسمك يبقى نظيف بعد الفرك باليفه وبعدها تسبحي بالماء... يعني الافضل الابتعاد عن الشامبو اذا ماعندك مناسبه...
2ــــــ بعد ماتتروشين الافضل انك تمسحين جسمك كله بالمنشفه من وجهك الى رجولك وتمسحين بشده شوي !! (مو بقوه)
3ـــــ اذا كنت بالبيت وماعندك طلعات الافضل انك تلبسين اكمام طويله وشربات رجلين لانها تحافظ لك على اللون وتفتح زياده... ولا تقولون حر!!!! من بغى الدح ماقال.... اح.... !!!!!!!!
4ـــ الافضل لبس شربات على الركب والافضل انها تكون دائما على الركب ... لانها تحافظ على الركب وتفتح لونها وتنعمها....
5ـــ وبرضوا الافضل الابتعاد عن لبس الكلوتات اللي على شكل سبعه وطبعا هذا الدارج عند البنات واللي اكثرهم يفضلونه.... والبسي سروال قطني لونه اسود او ابيض... (يمكن راح يضايقك لانك مو متعوده عليه) بس صديقيني راح يختفي السواد وخليك لابسته ومتعوده عليه دايم وخوذي اكثر من لبسه عشان لمن تغيرين... وروحي وقصي السروال وخليه لحد الركب وخليه ضيق من جهة الركب يعني خليه مثل البرمودا... وبكذا ماراح تحتاجين شرابات للركب لان السروال القطني يكفي... وخلي السروال عليك اذا طلعتي للسوق او نمتي او رحتي للمدرسه او الكليه ... واذا عندك زواج البسي الكلوت وبعدها ارجعي للسروال..... لان السروال يوحد لك اللون من جهة المنطقه الحساسه والافخاذ والركب....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
على فكره...........
ـــــ يابنات انتم راح تشوفونها كثيره ويبيلها شغله بس الشاطره اللي تعرف تضبط البرنامج وتمشي عليه صح... ماراح تقول انه تعب...وصدقوني لو تشوفون الجدول وتتعودون عليه ماراح يتعبك او يضايقك...
ــــ على العموم انا شرحت كل شي هنا وراح انزل الجدول الاسبوعي تحت وهذا مجهود شخصي ... ويشهد على الله اني انا اللي تعبت عليه وابي الخير والمنفعه لكم...
وانا راح اضمن تفتيح الجسم والوجه للي تستمر عليه مثل مااقول.... واي سؤال انا جاهزه للحلوين...
وابي منكم الصالح من الدعاء....
لاتنسو ايقونة الشكر......
اموره حلوه شطوره @amorh_hloh_shtorh
عضوة فعالة
يلزم عليك تسجيل الدخول أولًا لكتابة تعليق.
بنوته غير6
•
مشكوره يالغااليه جزاك الله خير
حقيقه انا استخدمت اول خلطه مرتين او ثلاث بس بادا زوجي يضايق من ريحة الكركم
مع اني احط كريمات وعطر بس الا تطلع الريحه
فعاد بطلتها بالمره
مع اني احط كريمات وعطر بس الا تطلع الريحه
فعاد بطلتها بالمره
الصفحة الأخيرة