خلطات لتساقط الشعر

السلام عليكم الموضوع اللي بطرحه واضح معاكم من العنوان وانتو زي اخواتي اتنمى تستفيدوا من اللي جربته نبغى كل وحده تعرف خلطه لتساقط الشعر تقولها عشان نستفيد كلنا 
انا راح اعطيكم خلطه جربتها بصراحه حلوه توقف التساقط لك فتره بس شوي متعبه وانا ما ابغى لون الحنا انا اخذتها من منتدى ثاني ادعوا للاخت اللي نزلتها وادعوا لي 
تكفون تفاعلوا ونزلوا لنا خلطات لتساقط الشعر لاني اعاني من تساقط شعري بشكل فضيع 
ابد بالخلطه راح اوضح كل شي قدر المستطاع لاني ما اضمن اني اقدر ارد على كل وحده فيكم
الخلطه تستخدم مره واحده في الاسبوع وتترك على الشعر اقل شي خمس ساعات وتغسلين الشعر بعدها بشامبو عادي واذا حابه تزيتين شعرك بعدها انتي حره
الخلطه..
حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل) 




ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند
فنجال عسل
بيضه واحده
تعجنين الحناء اولا بماء دافي يميل للحراره(تتركين المويه تغلي وبعد ماتدفى شوي تعجنين بها الحنا)وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط اوبورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبواي شامبو تستخدمينه ويفضل تزيتينه بعد يوم اويومين بأي زيت عندك وشوفي النتيجه وادعي لي اماااااانه..




اللي يصبغون شعورهم ممكن يستفيدوا من الخلطه بس بدال الحنا سدر مطحون وبالتوفيق ياحبايب قلبي