خلطات وزيوت كانت نتييجتها معي عكسيه وغير جيده

السلام عليكم ورحمة الله وبركاته
انا ماكتبت هالموضع الا ابتغاء لوجه الله ماابي منكم اي شي ومن منطلق حب لاخيك ماتحب لنفسك انا قليل جدا دخولي ونادرا مااكتب موضوع


كل وحده تحب انها تهتم في نفسها وشعرها وناخذ من هالخلطات والمنتديات اشياء كثير

وجزاء الله كل من كتبت لنا شي من اسرارها وتجاربها كل خير

انا مثل اي بنت خلصت دراسه وجلست في البيت عندها وقت فراغ كبير قلت خليني ابداء اهتمام بنفسي وبشرتي وشعري
وكانت اول خطوة الشعر انا شعري كان عادي الحمد لله اخذت خلطة من هالمنتدى عباره عن زيت دابر املا مالذهبي مع السمسم طبعا كان عليه مدح لدرجه لو السوق جنبي رحت وجبته كنت متحمسه مره وفعلا رحت وجبته واستمريت عليه علبه ورى علبه والطريقه كانت يوم ازيت ويوم راحه شعري تحسن وطال وكان هذا دافع اكثر لي ان اكمل بس النتيجه انه طال بس شيبت وكل شعره نبت كانت شيب

مع البحث لقيت ناس تقول ان دابر يشيب تمنيت اني واني بس وش الفايده ؟؟ قسم بالله بكيت وبكيت وتازمت نفسيتي وش فايده الشعر اذا طال وشيبت قبل وقتي

انا مادري هل السبب دابر والا غيره
انا بذكرلكم كل شي استخدمته وكل شي سمعت انه يجيب الشيب

دابر املا "تونك فازلين " :: شامبوا ميتال وهذا والفاززلين احسهم اساس المشكله شامبوا هريبل بانواعه
زيت هريبنول استخدمته لتساقط وكان ممتاز بس اكتشفت ان كله عطور والعطر اساس الشيب احس اي زيت هندي لازم عليه عطر وزيت كيشور لاني بعد الدابر طا شعري وابي يكثف بس الشيب قتلني وقهرني وكرهت نفسي والمرايه بعد صار ملحوظ ومنتشر قدام وصرت اخاف من اي زيت او خلطه او وصفه للشيب حتى حسيت اني كبرت قبل وقتي طبعا شعور مااتمنه لمسلم ولاكافر والله اني كنت ادعي ان ماحد يجربه لانه ثقيل علي حيل

اشياء مااستخدمتها بس قريت عنها تجارب ناس وقالوا انها تشيب
زيت ترشوب . زيت الثوم والبصل . ماء الورد بعضهم يستخدمونه لتعطير الشعر زيت sor ciere علبته صغيره وعليه شريط احمر فوقه صوره ثوم وهذا اتوقع السبب

انا ماكتبته الا لاني ابي انبه كثير ناس تحط خلطات وكثير ناس تمدح انا ماادري لكن من تجربتي انا كانت عكس واشياء كثير نهب فيها للبشره للشعر ونلقاها في اكثر من منتدى وموقع وعلى الاستقرام ولمانجربها تكون التيجه مب على قد المدح اتمنى من كل وحده الحين جربت خلطه جربت علاج اي شي جربته وطلعت معها نتيجه سيئه تذكرها لان غيرنا كثير بيجرب ومااتمنى انها تجرب نفس الالم والشعور اتمنى لو اقدر امنع الزيوت ذي والاتطيح وحده في مثل تجربتي وتحس باحساسي

وتمسون على ماتحبون و تمنون
واعذروني لووحده سالتني عن شي ومارديت لان دخولي نادر جدا